Украины ерөнхийлөгчөөр сонгогдоод удаагүй байгаа Володимир Зеленський өөрийн улсын хил хязгаарыг бүрэн сэргээсний дараа л ОХУ-тай яриа хэлэлцээ хийх боломжтойг сануулжээ.

Тэрбээр “Би Украин, Орос улсуудын хооронд байдаг нийтлэг зүйлсийн талаар удаан бодлоо. Яг одоогийн байдлаар буюу Крымийг салгаж, Донбасыг түрэмгийлснээс хойш бидний хооронд ганцхан нийтлэг зүйл үлдсэн нь 2,295 км, 400 метр урт хилийн шугам юм. Орос улс Украинаас авсан миллиметр газар бүрийг буцааж өгөх ёстой. Зөвхөн ингэсний дараа бид бусад нийтлэг зүйлсээ олж харах  боломжтой болно. ОХУ Украин руу түлш нийлүүлэхийг хориглосон, Украины салан тусгаарлагчдад Оросын паспорт олгох хуулийг баталсан зэрэг нь хоёр улсын харилцаанд сайнаар нөлөөлөхгүй. Энэ бол ахан дүүсийн харилцаа биш” гэж фэйсбүүк хуудсандаа  нийтэлсэн байна.

Өнгөрсөн сард болсон Ерөнхийлөгчийн сонгуулиар өөрийн өрсөлдөгч Петро Порошенког 73 хувийн саналаар үнэмлэхүй ялсан Зеленський тавдугаар сарын 31-нд тангараг өргөж, албан ёсоор Ерөнхийлөгчийн ажлаа хүлээж авах билээ.

Эх сурвалж: en.interfax.com.ua