Австралийн умард хэсгийн төв зам орчмоос гурван нүдтэй могой олдсон тухай зэрлэг байгаль судлалын мэргэжилтнүүд мэдээлжээ. Эрдэмтэд “Монти” нэртэй энэхүү аварга могойн гурван нүдтэй байгаагийн шалтгааныг байгалийн мутаци хувьсал хэмээн тайлбарласан байна.

Энэхүү могой 40 см урттай аж. Зэрлэг байгаль судлалын эрдэмтэд могойны биеийн бүтцийг рентген туяагаар харсны дүнд хоёр толгойтой биш болохыг тогтоожээ.

Эрдэмтэд энэхүү могойг төрөлхийн нүдний гурван ухархайтай гэж үзэж байгаа аж. Квинслендийн их сургуулийн профессор энэ могойн тухай “Зарим хүүхдүүд мутацийн өөрчлөлттэй төрдөг. Үүнтэй адил энэ могой ч мутацийн өөрчлөлтөд оржээ. Би ийм могой харж байсангүй. Өмнө нь бид хоёр толгойтой аварга могой олж байсан” гэж хэлсэн байна.

Эх сурвалж: Mashable
Х.ДАВААСАМБУУ