Улсын Их хурал дахь Монгол Ардын Намын бүлгийн Ажлын албаны дарга Н.Энхтайваны  “Enkhtaivan Nyamtseren”  хувийн фэйсбүүк,  yahoo имэйл хаяг цахим халдлагад өртжээ. Н.Энхтайваны фэйсбүүкийг ашиглан түүний нэрийг барьж, бусдаас мөнгө нэхэмжлэх, цахим банкны данс асуух гэхмэтчилэн хууль бус үйлдэл хийсэн байна.

Сүүлийн үед бусдын фэйсбүүк хаягийг хууль бусаар ашиглаж, цахим залилан хийх гэмт үйлдэл ихээр гарах болсон билээ. Энэ хууль бус асуудлыг таслан зогсоохоор тэрбээр хууль хяналтын байгууллагад хандсан байна. Иймд цахим гэмт хэргийн хохирогч болохгүйн тулд бусдаас мөнгө нэхэмжилсэн фэйсбүүк мессежинд хариу өгөхгүй байх нь зүйтэй юм.

Т.ОД