МАН С.Зоригийг хөнөөсөн хэргээр дахиад сонгуулийн шоу хийнэ | News.MN

МАН С.Зоригийг хөнөөсөн хэргээр дахиад сонгуулийн шоу хийнэ

МАН С.Зоригийг хөнөөсөн хэргээр дахиад сонгуулийн шоу хийнэ

МАН С.Зоригийг хөнөөсөн хэргээр дахиад сонгуулийн шоу хийнэ

УИХ, НИТХ-ын 2020 оны сонгууль эхлэхэд ганцхан жил үлдлээ. Эрх баригч хүчнийхний хувьд, ард түмнээс нэмэх оноо цуглуулах боломж улам багассаар… Ам.долларын ханшийг хяналтаасаа алдаж, “Ажилгүйдэл, ядуурлыг бууруулна” гэж сонгууль болгоноор хэлдэг худал амлалтад нь иргэд дөжирсөн энэ үед МАН-аас 49 ЖДҮ-чин, концессчид, “60 тэрбумчид” гэхмэтчилэн авлига, албан тушаалын гэмт хэргийн мастерууд тодров. Юун Н.Энхбаяр! Жижиг, дунд үйлдвэрлэгчдийн боломжийг “хулгайлж” хамтдаа хөлжсөн тэд 2020 онд сонгогчидтой нүүр тулахаас айж, АТГ-ын дарга Х.Энхжаргалыг ажлаа өгөхөөс өмнө, Хууль зүй, дотоод хэргийн сайд Ц.Нямдоржийн “тусламж”-тайгаар өөрсөдтэйгөө холбоотой хэргүүдийг амжиж хаалгаж байгаа тухай мэдээллүүд хэвлэл хийгээд сошиалаар нэг хөврөх боллоо. Зүйл анги дээрээ хэрэг наймаалцаж, дахин зүйл анги нэмүүлэхийн цондон л дээ, энэ үнэн бол. УИХ-д 64 суудалтай үнэмлэхүй хүчээрээ түрээ барьж, ард түмний нүднээс далд ийнхүү хавтаст хэргээр наймаалцаж буй МАН-ынханд 2020 оны сонгуульд дахин ялах боломж тун бага үлдлээ. Суудал дээрээ Сүр Данзан царайлцгааж, хий эргэхээс өөр гавьтай зүйл юу ч хийцгээсэнгүй, тэд. Тиймээс сонгогчдын тархийг угааж, эрх баригч хүчний суудалд эргэн залрах ШБОС-ыг яг одоо л бодож олох цаг. Харин тэр сэдэв юу вэ. Женко Х.Баттулгын “Монгол ялначууд” шиг Хятадын эсрэг суртал ухуулга явуулж, сошиал болон массыг автуулах “зэвүүн” төлөвлөгөө юу байж болох вэ… У.Хүрэлсүх тэргүүтэй МАН-ынханд энэ сэдэв бэлэн. Тэр бол Дэд бүтцийн сайдын үүрэг гүйцэтгэгч С.Зоригийг хөнөөсөн хэрэг. АН эрх барьж байсан буюу 2012-2016 оныг эс тооцвол 2000 оноос хойш эрх баригч хүчний сэнтийд тасралтгүй заларсан МАН-ынхан илрүүлэхийг хүсдэггүй, илрэхээс айдаг энэ хэргээр 2020 оны сонгуулийн шоу хийхээр Ц.Нямдорж, Ж.Батзандан, Лу.Болд гурвыг улсын яллагчийн дүрд тоглуулж, ард түмнээс кока авах улс төрөө хэдийнэ хийгээд эхэлчихлээ. Гэхдээ С.Зоригийг хөнөөсөн хэргээс үүдсэн гол “зовиур” чухам аль нам, бүлэглэлд байна вэ. Ц.Нямдоржийн улайрсан улс төрийн ачаар энэ “зовиур” эрх баригч хүчнийхэн дотор байгаа нь бараг тодорхой болов. Хорин жил зовиурлаж байгаа “шарх”-н дээр хамгийн их “давс” цацаж, өөртөө ашиг унагаж байгаа хүн нь ч Ц.Нямдорж сайд.

С.Зоригийг алагдахаас өмнөх улс төрийн нөхцөл байдал ямар байсан бэ. Энэ талаар ажиглагчид янз бүрээр тайлбарладаг ч тухайн үед ТӨХ-ны даргаар ажиллаж байсан З.Энхболд, “Эрдэнэт” үйлдвэрийн Ерөнхий захирал агсан Ш.Отгонбилэг нар “Эрдэнэт”-ийн халуун өдрүүдийн эсрэг тэсрэг дүрээр тодорч, Ш.Отгонбилэг агсныг “Эрдэнэт” үйлдвэрийн Ерөнхий захирлаас “хуссан”-д хонзогносон Ерөнхийлөгч Н.Багабанди Ардчилсан холбоо эвслээс Ерөнхий сайдад санал болгосон Да.Ганболдын нэрийг долоон удаа буцааж, харин С.Зоригийг Ерөнхий сайдаар томилуулахыг зөвшөөрчихсөн байсан нь үнэн. Монгол Улс С.Зориг гэдэг Ерөнхий сайдтай болохын даваан дээр аймшигт хэрэг болсон нь ч бодит явдал. Харин түүнээс хойш хоёр жилийн дараа УИХ-ын 2000 оны сонгуульд Н.Энхбаяр тэргүүтэй тухайн үеийн МАХН-ынхан “С”Зоригийг хөнөөсөн хэргийг заавал илрүүлнэ” гэх албан бус амлалттайгаар оролцсон юм. Хэрэг гарах үед ЦЕГ-ын дарга асан Д.Мөрөн “Эвслийн Засгийн газрын үед С.Зоригийн амь насыг бүрэлгэсэн хэрэг илрэхгүй” хэмээн мэдэгдсэн нь МАХН-ыг УИХ-д 72 суудалтай болж, үнэмлэхүй ялалт байгуулахад ихээхэн хувь нэмэр оруулсан. Н.Энхбаяр тэргүүтэй МАХН-ынхан энэ хэргээр шоудаж, Д.Мөрөнгөөр худал хэлүүлснийхээ үр дүнд эрх мэдэл, албан тушаал, авлигын “Аалзны тор”-оо хэлхэж эхлэх боломжоо ийн бүрдүүлсэн билээ. Харин одоо У.Хүрэлсүх тэргүүтэй МАН-ынхан Н.Энхбаярын үед хэрэгжүүлсэн энэ технологийг Ц.Нямдоржоор удирдуулж, Ж.Батзандан, Лу.Болд нарыг хөлсний тэмцэгч болгон байж “С.Зоригийг хөнөөсөн хэргийг илрүүлсэн нь жүжиг юм аа. Энэ бол хэлмэгдүүлэлт шүү. Үгүй, тэр аймшигт эрүүдэн шүүлтийн бичлэгийг харцгаа даа. Тагнуулынхан гэж муухай яргачид байгаа биз” гэсэн суртал ухуулгатайгаар давтаж эхлээд багагүй хугацаа өнгөрлөө. С.Зоригийг хөнөөсөн хэргийн гүйцэтгэгчдийг шүүх хурал болсноос эхлэн улс төрийн тавцнаа улайстал өрнөсөн энэ улстөржилт, тэр сөрөг ПР-ын санхүүжилтийг МАН дахь удам дамжсан олигархи-хунтайж дааж байгаа гэх мэдээлэл ч бий.

УИХ-ын гишүүн Ж.Батзандан “С.Зоригийг хөнөөсөн хэрэг удахгүй задарна” гэж мэдээлсний дараахан тодорхой хүрээнд баярын үдэшлэг болсон гэх яриа Төрийн ордон болон Тусгаар тогтнолын ордонд одоо ч сэм өрнөдөг нь нууц биш. Өнгөн дээрээ “С.Зоригийг хөнөөсөн хэргийг илрүүлэх нэрийн дор хөөрхий ардуудыг хэлмэгдүүлчихлээ” гэж хамгийн шударга үгсийг хэлэх тэд үнэн хэрэгтээ хөшигний цаана ард иргэдийг тохуурхан даажигнаж, өөрсдөө албан тушаал, эрх мэдэл наймаалцан буй нь ч худлаа биш болжээ. Дотроосоо 49 ЖДҮ-чин “өндөглүүлсэн” МАН-ынханд 2020 оны сонгууль угтаж, иргэдээс нэмэх оноо авах хоёрхон сэдэв байгаа нь “Эрдэнэт”, С.Зоригийг хөнөөсөн хэрэг. МАН-ын жирийн гишүүдээ хүртэл “Энэ УИХ-ын гишүүд чинь бүгд гэмт хэрэгтнүүд юм байна шүү дээ” гэж уулга алдтал гайхшруулж байгаа эрх мэдэлтнүүд өдгөө хавтаст хэргүүдээрээ Ц.Нямдорж сайдад барьцаалагдсан дүр зураг харагдаж байна. Төрийн ордонд сэтгүүлчдийг үгээрээ “өшиглөх” болсон мань сайд чуулганы танхимд эр бар загнаж намын нөхдөө нэрээр нь дуудан хуруугаараа чичилж “Хөөе, чамайг би мэднэ шүү. Тэр явдлыг чинь мартаагүй шүү” хэмээн занаж, сүрдүүлж байгаагаас харахад шүү дээ. Дамирангийн Энхбат агсныг Европын орнуудаар дамжуулан Монголд авчирсны дараа АН-ынхныг “Даргагүй нам сонгуульд яаж оролцохыг харна аа” гэж заналхийлж байсан шигээ эвгүй авирыг тэр одоо намынхандаа гаргаж байна. Ямартай ч МАН 2020 оны сонгуульд ялах, аль эсвэл ялагдах эсэх нь С.Зоригийг хөнөөсөн хэргийг дахин шалгах “Түр цагдаагийн газар”-ын дарга Ц.Нямдоржоос шалтгаална. Түүний гарт намынхаа ч, намынхныхаа ч хувь заяаг шийдэх хамгийн том хөзөр бий. Тэр бол МАН-ынхны холбогдсон гэмт хэргүүдийн жагсаалт, бас С.Зоригийг хөнөөсөн хэргийн хавтаст хэрэг. Харин Ц.Нямдорж сайд захиалагчийн хэргийг шалгах болоход яагаад сандарч бачимдаад байна вэ. Энэ нууц нь ил болбол мань шударга сайд улс төрийн тавцнаас бүрмөсөн арчигдаж, МАН 2021 онд гудамжинд галын наадмаа хийцгээх биз. Хэрэв МАН УИХ, НИТХ-ын 2020 оны сонгуульд Ц.Нямдорж, Ж.Батзандан, Лу.Болд гурваас болж ялагдвал хөлд нь хамгийн их чирэгдэх хүн бол Ерөнхий сайд У.Хүрэлсүх. Учир нь тэрбээр “МАН-ыг сонгуульд хоёр удаа ялагдуулсан” гэх хэргийн гол эзнээр хоёр дахиа тодорно. Өөрөөр хэлбэл, У.Хүрэлсүх гэдэг хувь улстөрчийн карьер үүгээр дуусгавар болохыг үгүйсгэх аргагүй юм. С.Зоригийг хөнөөсөн хэргээр улайран улстөржиж, өс хонзонгийн хэрэгслээ болгосон Ц.Нямдорж, Ж.Батзандан, Лу.Болд гурвын хүчин чармайлтын үр дүнд “Ардын намын түүх Сүхийн үед эхэлж, Сүхийн үед төгсгөл болно” гэдэг үг биеллээ олох ч юм билүү, хэн мэдлээ. Ямартай ч тэд Түр хороо нэртэй “Түр цагдаагийн газар” байгуулж, С.Зоригийг хөнөөсөн хэргийн хавтаст хэргүүдээр “тоглох” ажилдаа орцгоолоо. Эрүүдэн шүүлтийн бичлэгийг үзүүлж олон нийтийг айдаст автуулсан тэд одоо ямар баримтаар ард түмнийг айлгах бол.

Эх сурвалж: www.ANALIZ.mn

"Болор дуран"-аар шалгав.
Энэ мэдээнд өгөх таны сэтгэгдэл?
5
ЗөвЗөв
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-05-02 202.126.89.15

Ёр нь МАН ынхан сонгуулын шоу хийх гэж алсан .Энэ нь улс төрийн захиалг .АН ынхан алаагүй ,олон жил гэм зэмгүй хүмүүсийг гүтгэж доромжиллоо Одоо МАН ынхан суудлаа тавьж өг .АН ынхан төр барьж байхад ард түмэн ,нуруу ,тэнгэр амьдар ч байсан ,МАН гараад ,улс орон сүйрээл ,ард түмэн ядуураад ,төрийн бодлого чангараад ,маш хүнд ,махаа ав ч чадахгүй боллоо ,Ард түмнийхээ төлөө ,юу ч хийсэнгүй.Одооноос ,сонгуулын шоу хийж ,ард түмэндээ ,хайр зарлаж ,заль хэргэлж эхэллээ .Зоргийн хэрэгт ,Багабанди ,Отгонбилэг хоёр оролцсоныг ,намын нөхөдүүд нь ,яхьж явдаг юм билээ .Яагаад нуугаад байгаа нь ойлгомжгүя .Намынх нь рётинг нь ор сураггүй байхгүй болно ,түүнээс болоод , олон жил ,эсрэг намруу ,гэм зэмгүй ,хүмүүс рүү гүтгэж яваа нь ,харамсалтай .Багабанди , үнэнээ хэлээ ч ,Отгонбилэгийн ,хоёр хамгаалаг ч ,одоо амьдуу ,үхсэнүү ,үүнийг , Мөрөн сайн мэдэж байгаа .

Avatar

Gungaa 2019-05-02 64.119.17.202

Ene arai bish baikhaa estoi l Zorigiin kheregeer shyo khiigeed l bna daa olon udaa ikh khural said khiisen khumuusiig odoo bolikh kheregtei shuu dee 30 iad jil uls oron khogjikhgui khetsuu bna shuu dee ard tumen zob songoltoo khiikh kheregtei shuu dee

Avatar

Зочин 2019-05-02 76.86.9.107

Ард түмнийг өөр шигээ мулгуу өвгөн гэж бүү бод . Бид та нарын жүжгийг сайн мэднэ. Одоо боль . Та нар зайлвал бид сайхан амьдрах болно

Avatar

зочин 2019-05-02 202.9.42.225

Ойлгомжтой шд … Анхнаасаал МАН ингэх л гэж алсан шдэ ..

Avatar

ardtumnii neg 2019-05-02 66.181.188.158

yag unen

Avatar

УЛААН БАЛ 2019-05-02 122.201.22.241

БААТАР ГЕНЕРАЛ Ц.НЯМДОРЖ ЯМАР ЭТГЭЭДИЙГ БОЛОХЫГ ЯРУУ ТОДООР ЯРИЛЦЛАГАНДАА ӨГҮҮЛСЭН !

Avatar

ХУД-ийн иргэн Ш.Раднаа: Иргэдийн дунд байгаа 4 ТААМАГ 2019-05-02 66.181.179.9

1/Зоригийг хөнөөсөн 3 хүнийг шийтгэсэн. Гурван шатны шүүхийн шүүгчид хуйвалдах боломжгүй.2/Булгантай харьцаатай байсан Бат-Үүл нухчихсан. Элбэгдорж түүнийг хамгаалсан.Сэтгүүлч Жамъянгийн таамаг.Элбэгдорж их сандарч байна, хэргийн газарт хүмүүсийг дагуулж орсон гэж Нямдорж хэлсэн. 3/Зоригийг хөнөөсөн 3 хүнийг шийтгэсэн. Харин захиалагч нь МАН-ын хүн байж. Нямдорж захиалагчийг олох ажлыг замхруулж байна. 4/Гаднаас хөнөөсөн. Гардан хийсэн хүмүүс нь одоо амьд байхгүй. Хэрэг илрэхээсээ өнгөрсөн

Avatar

ОРДНЫ ТАЙГАНААС ТЭРГҮҮН ХАДАГТАЙД ГОРИЛОГЧ зика 2019-05-02 120.16.149.152

ТААМАГ 3 БАРАГ Л МӨН БОЛОВ УУ ДАА, МЭНГЭТ ЭХЛЭЭД ЗАХИАЛАГЧИД ҮЙЛЧИЛЖ БАЙГААД, СҮҮЛДЭЭ ӨӨРӨӨ ОРООГДООД ИРСЭН ТУЛ НЭГМӨР ЗАМХРУУЛАХ АРГА СААМ ХАЙСААР Л… ЯВААНДАА АВИЛГАЛД АВСАН ЭД ХӨРӨНГӨӨ ҮР ХҮҮХЭДДЭЭ ҮЛДЭЭГЭЭД, АМИА АА ХОРЛОЖ Л ӨНДӨРЛӨХ БОЛОВ УУ… ТЭР ХҮРТЭЛ ҮХЭР МОНГОЛЧУУДЫГ ОВОО МАНГАРТУУЛАХ БАЙЛГҮЙ ДЭЭ…

Avatar

БАТ инженер 2019-05-02 119.40.103.3

Баатар генерал өчигдөр юу ярив. Тэр хөтлөгч нь ямар ч соёлгүй залуу дээ. Цаад орой муу Баябадоржийг уйлуулах дөхсөн Өчигдөр Баатар генералаас баримт шаардаад байх юм. Тагнуулын хүн баримтаа тэрэнд цаасаар дэлгэж үзүүлж болдпог юм уу. Нямдорж Бээжинд очиж юу хийсэн тухай Санжаасүрэн хурандаа тухайн үедээ 40-өөд хуудас материал гаргаж ирээ биз дээ. Үүнээс өөр юу хэрэгтэй юм бэ? Эсвэл Хятадын тэр соёлын төвөөс хүн авчирч яриулах юм уу.

Avatar

зочин 2019-05-02 64.119.21.166

Батзандан Нямдорж Болд нарт итгэж огт болохгүй Нямдорж Батзанданг барьж авч бууны нохой болгож өөрийнхөө хийх юмийг хийлгэж гар хурууны үзүүртээ хөдөлгөж байгааг бүгд харж байна эд нарийн жүжиг юу болж дуусах болоо яамар нэг юм болбол би юу ч мэдэхгүй би байгаагүй Батзандан Болд нар мэднэ гээд зугтаагаад алга болхоо мэдэхтэйгээ байлгүй дээ

Avatar

Зочин 2019-05-02 122.201.21.28

Elbegee tegeed buh uneniig heleech. Chadku um bjiij

Avatar

Зочин 2019-05-02 182.160.36.187

АН энэ хэргийг ахиад замхруулах гэж оролдож энэ сайтаараа тархи угаана.

NewsMN Гар утасны хувилбар Татах
NEWS.mn

Мэдээллийн эх сурвалж