Нийслэл, агентлаг, дүүргийн хөгжлийн бодлого төлөвлөгч нар чадавхаа дээшлүүлж байна | News.MN

Нийслэл, агентлаг, дүүргийн хөгжлийн бодлого төлөвлөгч нар чадавхаа дээшлүүлж байна

Нийслэл, агентлаг, дүүргийн хөгжлийн бодлого төлөвлөгч нар чадавхаа дээшлүүлж байна

Нийслэл, агентлаг, дүүргийн хөгжлийн бодлого төлөвлөгч нар чадавхаа дээшлүүлж байна

Нийслэл, агентлаг, дүүргийн хөгжлийн бодлого төлөвлөгч, хөрөнгө оруулалтын мэргэжилтнүүдэд зориулсан сургагч багш нарын сургалт өнөөдөр Хангарьд ордонд эхэллээ. Энэ сарын 3 хүртэл үргэлжлэх тус сургалтын үйл ажиллагааг нээж нийслэлийн Хүний хөгжил, нийгмийн бодлогын асуудал хариуцсан орлогч Ш.Анхмаа үг хэлэв.

Тэрбээр “Нийслэлийн иргэдийн төлөөлөгчдийн хурлын 2019 оны 21/03 дугаар тогтоолоор батлагдсан “Нийслэлийн захиргааны байгууллагуудын албан хаагчдын чадавхыг бэхжүүлэх хөтөлбөр”-ийн хүрээнд НЗДТГ-тай хамтран нийслэл, дүүргийн хөгжлийн бодлого төлөвлөгч мэргэжилтнүүдэд зориулан “Төсвийн хөрөнгө оруулалтын менежмент”, “Төслийн ашиглалтын хугацааны зардал”, “Салбарын бодлого боловсруулах арга зүй” гэсэн гурван сургалтын модулиудыг эхний ээлжинд боловсруулаад байна. Тус сургалтаар бэлтгэгдсэн сургагч багш нар нь нийслэлийн төрийн албан хаагчдын чадавхыг тогтмол бэхжүүлэх, хүний нөөцийн суурь бааз болох юм. Иймд та бүхэн гурван өдрийн сургалтдаа идэвхтэй хамрагдан сургалтын модулиудыг хэрхэн сайжруулах вэ гэдэг санал бодлоо чөлөөтэй илэрхийлэхийг хүсье” хэмээлээ.

Сургалтаар мэргэшсэн нийслэлийн сургагч багш нар нь энэ тав, зургадугаар сард  нийслэлийн бүх хөрөнгө оруулалтын мэргэжилтнүүд, бодлого төлөвлөгч 150 гаруй төрийн албан хаагчдад энэхүү мэдлэг мэдээлэл, туршлагаа хуваалцах юм гэж нийслэлийн ЗДТГ-ын Хэвлэл мэдээлэлтэй харилцах хэлтсээс мэдээлэв.

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж