Богдхан уулын дархан цаазат газрын хязгаарлалтын бүс Бага тэнгэрийн аманд аялал жуулчлалын зориулалтаар дөрвөн га газрыг эзэмшиж байсан “Зүүнбаян рефайнери” ХХК нь эрх бүхий албан тушаалтны зөвшөөрөлгүйгээр 0,6891 га талбайд бургасан ойг сүйтгэсэн хэрэг бүртгэлтийн хэргийг Нийслэлийн прокурорын газраас 2019 оны дөрөвдүгээр  сарын  04-ний өдөр хаасан ажээ.

Тэгвэл уг хэргийг Нийслэлийн прокурорын газраас сэргээн, тус компани нь газар, газрын хэвлий, хөрс, ургамлыг зөвшөөрөлгүйгээр гэмтээсэн, устгасан, усны нөөцийг хордуулсан, тасалдуулсан эсэхийг бүрэн шалгаж тогтоолгохоор дахин шинжээч томилж, мөрдөн шалгах ажиллагаа явуулахаар  болсон юм байна.

Э.АРИУН