Казахстаны Ерөнхийлөгчийн албанаас өөрийн хүсэлтээр татгалзаад удаагүй байгаа Нурсултан Назарбаев Хонгконгийн жүжигчин Жаки Чантай Бээжинд уулзаж, кино урлагийн салбарт хамтран ажиллах талаар санал солилцжээ. Тэд өнгөрсөн долоо хоногт Бээжинд болсон “Бүс ба зам” санаачилгын хоёр дахь чуулга уулзалтын үеэр ийнхүү уулзацгаасан байна.

Тэрбээр жүжигчин Жаки Чаныг дэлхийн кино урлагийн салбарт үнэтэй хувь нэмэр оруулсныг  онцлон тэмдэглээд “Дэлхийн  алдартай жүжигчинтэй уулзаж байгаадаа би баяртай байна” хэмээн хэлсэн байна.  Харин Жаки Чан ойрын хугацаанд ямар төсөл, бүтээлүүд дээр ажиллах талаараа түүнтэй хуваалцжээ.

Назарбаев Ерөнхийлөгчийн албан тушаалаас буусан ч улсынхаа Аюулгүй байдлын зөвлөлийн даргаар ажиллаж, эрх баригч намын тэргүүн хэвээр байгаа юм.

Эх сурвалж:Tellerreport