Бээжин хотноо өнгөрсөн долоо хоногт болсон олон улсын чуулга уулзалтын үеэр  БНХАУ-ын дарга Ши Жиньпин “HBO”-ийн алдарт цуврал “Game of Thrones” киноны үнэнч үзэгч гэдгээ харуулж, үг хэлэхдээ тус цувралаас эш татан ярьжээ.

Тэрбээр “Бид энэ дэлхий ертөнцийг Вестеросын Долоон хаант улс шиг үймээн самуунд автуулж болохгүй. Цасан шуурга шуурч, жихүүн салхи үлээхэд ганцаараа явсан чоно үхэж, сүргээрээ явсан нь амьд үлдэнэ” хэмээн хэлсэн нь зочид төлөөлөгчдийг гайхшруулсан байна.

Өдөр тутмын амьдралынхаа талаар нэг их яриад байдаггүй Ши Жиньпин 2012 онд дэд дарга байхдаа сурагчдын асуусан асуултад кино үзэх дуртайгаа хэлж байжээ. Мөн энэ их гүрнийг удирдахынхаа хажуугаар ар гэртээ хэр анхаарал хандуулаг талаар асуухад “Биелэгдэшгүй даалгавар” хэмээн хошигнон хариулсан байдаг.

Эх сурвалж:SCMP