2021 онд Монгол Улс “Хуралдай” бондын 500 сая, 2022 онд “Чингис” бондын нэг тэрбум, 2023 онд “Гэрэгэ” бондын 800 болон 600 сая ам.долларын өр төлнө. Өөрөөр хэлбэл, дөрвөн жилийн хугацаанд 2.9 тэрбум ам.долларын өр төлөх юм. Ийм хэмжээний төлбөрийг төлж, гадаад орчноос эмзэг байдлыг бууруулахын тулд валютын нөөцөө нэмэгдүүлэх бодлогыг Монголбанкнаас барьж, ажиллаж буй.

Түүнчлэн 2020 онд Монгол Улсын эдийн засгийн өсөлтийг зурган хувь байна гэж тооцож байна. Инфляци найман хувьтай, гадаад худалдааны тэнцэл нэг тэрбум долларын ашигтай байна гэж харж байгаа. 2020 онд төсвийн алдагдал ДНБ-ний эзлэх хувь хэмжээ 5.1 хувь гэж Сангийн яам төсөөлж байна.

Э.ЖОНОН