2004 оны драфтын тэргүүн сонголт, 8 удаагийн бүх-одод тоглогч Д.Ховард өнгөрсөн оны 7 сард Нэгдсэн Улсын нийслэл хотын Вашингтон Визардс багтай нэгдсэн. Гэвч тэр шинэ багийнхаа төлөө өнгөрсөн улиралд ердөө 9 тоглолтонд оролцож улирлын ихэнх хугацааг талбайн гадна өнгөрүүлсэн. Шинэ багийнхаа төлөө 9 тоглолтонд оролцохдоо 12.8 оноо, 9.2 самбар дундажласан юм.

Хэдийгээр улирлын ихэнх хугацааг талбайн гадна өнгөрүүлсэн ч баг нь түүнийг ирэх улиралд авч үлдэхээр болсон байна. Цагтаа лигийн хүчирхэг төвийн тоглогч байсан Д.Ховард ирэх улиралд 5.6 сая ам.долларын цалин авах ажээ.

Б.БЯМБАБАЯР