ГХЯ, АНУ-ын төрийн департамент хоорондын консулын анхдугаар зөвлөлдөх уулзалт болов | News.MN

ГХЯ, АНУ-ын төрийн департамент хоорондын консулын анхдугаар зөвлөлдөх уулзалт болов

ГХЯ, АНУ-ын төрийн департамент хоорондын консулын анхдугаар зөвлөлдөх уулзалт болов

ГХЯ, АНУ-ын төрийн департамент хоорондын консулын анхдугаар зөвлөлдөх уулзалт болов

Монгол Улс, АНУ-ын ГХЯ хоорондын  консулын анхдугаар зөвлөлдөх уулзалт 2018 оны 4 дүгээр сарын 25-ны өдөр Вашингтон хотноо боллоо. Монголын талын төлөөлөгчдийг ГХЯ-ны Консулын газрын захирал Л.Мөнхтүшиг, америкийн талын төлөөлөгчдийг АНУ-ын Төрийн Департаментын Туслах  төрийн нарийн бичгийн дарга Эдвард Ж. Рамотовски нар  тус тус тэргүүлсэн бөгөөд Монгол Улсаас АНУ-д суугаа ЭСЯ, Сан Франциско дахь ЕКГ болон Нью-Йорк дахь БТГ-ын төлөөлөл оролцов.

Консулын энэ удаагийн зөвлөлдөх уулзалт нь Монгол, Америкийн хооронд консулын асуудлаар тусгайлан санал солилцох бие даасан сувгийг нээсэн гэдгээрээ онцлог бөгөөд зөвлөлдөх уулзалтын үеэр талууд хоёр талын консулын харилцаа, хамтын ажиллагааны талаар санал солилцож, Улаанбаатар дахь АНУ-ын ЭСЯ, ГХЯ-ны хамтран хэрэгжүүлж буй  “Хариуцлагатай аялцгаая” аян олон нийтэд хүрч, тодорхой үр дүнд хүрч буйг сайшаав.

Мөн энэ удаагийн уулзалтаар Монгол Улс АНУ-ын Н2 визийн хөтөлбөрт 2019 онд үргэлжлүүлэн хамрагдаж байгаатай холбогдуулан цаашид монгол иргэдийг өргөнөөр хамруулах боломжийг эрэлхийлэхээр тогтсоноос гадна Монгол Улс алсдаа АНУ-ын визээс чөлөөлөх хөтөлбөрт хамрагдах шалгуур үзүүлэлтүүдийг хангах зорилт тавин шат дараатай арга хэмжээ авч байгааг америкийн талд мөн мэдэгдсэн болно.

Эх сурвалж: ГАДААД ХАРИЛЦААНЫ ЯАМ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-04-26 64.119.26.232

эх орон минь удахгүй баян улс болно тэнд очиж боол хийж яахийн

NewsMN Гар утасны хувилбар Татах
NEWS.mn

Мэдээллийн эх сурвалж