Гүйхгүй, түлхэхгүй, буцахгүй, ярихгүй | News.MN

Гүйхгүй, түлхэхгүй, буцахгүй, ярихгүй

Гүйхгүй, түлхэхгүй, буцахгүй, ярихгүй

Гүйхгүй, түлхэхгүй, буцахгүй, ярихгүй

Улаанбаатар хотын хэмжээнд өнөөдөр /2019.04.25/ болзошгүй аюул тохиолдсон үед өөрийгөө болон бусдыг хэрхэн хамгаалах талаарх үзүүлэх сургуулилалт болж байна. Гамшгаас хамгаалах иж бүрэн сургуулилалт нь 08.00 цагт эхэлсэн, 09.30 цаг хүртэл үргэлжилнэ.

Улаанбаатар хотын хэмжээнд 08.00 цагт гамшгийн дохио дуугарч, иргэд гэртээ хамгийн ойр байрлах түр цугларах аюулгүйн  111 талбайд цугларлаа. Тухайлбал, Үндэсний цэцэрлэгт хүрээлэн, тавдугаар сургуулийн өмөх талбай иргэд цугларах аюулгүйн талбайн нэг юм байна. Ойр орчмынх нь оршин суугчид тус газарт цуглан, бүртгүүлсэн.  Тэдэнд онцгой байдал болон бусад албаны хүмүүс аюул гамшгийн үед хэрхэн биеэ хамгаалах талаарх заавар зөвлөгөөг өгсөн юм. Тухайлбал, газар хөдөлсөн үед байгаа газраа аюулгүй байдлаа ханган сууна, дахин газар хөдлөлт болохоос өмнө байрнаасаа гарах бол гүйхгүй, түлхэхгүй, буцахгүй, ярихгүй үйлдлээр гадагш гарч, аюулгүйн талбайд цугларах ёстой гэдэг зөвлөгөөг өглөө.

Сүүлийн жилүүдэд Улаанбаатар хотын хэмжээнд газар хөдлөлт идэвхжиж, хэзээд ч газар хөдөлж болзошгүй дохиог өгч эхэлжээ. Иймээс энэ аюулаас ард иргэд өөрсдийгөө авран хамгаалахын тулд цугларах талбай нь хаана байх вэ гэдгээ мэдэж авахаас эхлээд олон талын мэдээлэл, дадалтай болгох зорилгоор ийнхүү бүх нийтийг хамруулсан гамшгаас урьдчилан сэргийлэх сургуулилалтыг зохион байгуулж байна.

Гамшгаас хамгаалах сургуулилалт болж байгаатай холбогдуулан Улаанбаатар хотын хэмжээнд тээврийн хэрэгслийн хөдөлгөөнийг бүрэн хязгаарласан. Хязгаарлалт 09.30 цагт цуцлагдаж,  тээврийн хэрэгслийн хөдөлгөөнийг хэвийн горимд шилжүүлэн, ажил 10.00 цагаас эхэлнэ.

Газар хөдлөлтийн үед өөрийгөө хэрхэн хамгаалах вэ?

-Өрх бүр гамшгийн үед ажиллах төлөв­лөгөөтэй байх
-Өрөө, тасалгаандаа хамгийн аюулгүй хэсэг нь хаана байж болохыг урьдчилан тогтоох

-Тавилга, эд зүйлс ихээр байрлуулаагүй нөхцөлд коридорыг хамгийн аюулгүй газар гэж үзэж болно. Тиймээс аюулгүй газарт нуугдах, халхлах зэргээр дадлага, сургуулилт хийдэг байх
-Аюулын  үед барилга, байшин­гаас гарах гарц, аюулын гарцыг мэддэг байх
-Өндөр настай хүмүүс, нялх балчир хүүхдүүдийг хэрхэн нүүлгэн шилжүүлэхийг урьдаас тооцох
-Гэр бүлийн гишүүд эмнэлгийн анхны тусламж үзүүлэх чадварыг эзэмших
-Ус, цахилгаанаа хаагуур нь яаж хааж, унтраахад суралцах
-Гэр, өрөө, тасалгааныхаа овор ихтэй, хүнд тавилгыг зохих ёсоор бэхэлж, тогтоох
-Дор хаяж 72 цагийн хүнс, усны нөөцтэй байх
-Цонх, гадна хананаас ор, буйдан зэргийг хол байрлуулах
-Аюултай болон химийн хор­той бодисыг зориулалтын газар тусгаарлан хадгалах
-Гар чийдэн, нэмэлт зайны хамт, зайгаар ажилладаг жижиг радио, анхан шатны тусламж үзүүлэх эмийн сан зэрэг зүйлсийг бэлтгэх
-Нэн шаардлагатай байгууллагын утасны жагсаалтыг мэддэг байх
-Галын хор ашиглаж сурах шаардлагатай. Үүнийг өөрөө болон үр хүүхэддээ зааж өгч байх ёстой.

Г.ХОРОЛ

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
2
БурууБуруу
1
ХарамсалтайХарамсалтай
1
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-25 103.26.194.166

Би л лав очоогүй, айгаад. Заасан газарт очих замд 25 давхар балгасын яг ёроолоор маршрут заасан байсан. Газар хөдөлж байхад тийм том балгасын нурангид даруулчихвал хэнч олохгүй юм болчихно. Тэгж байхаар яршиг зүгээр хажуугийн цэцэрлэгийн хашаанд хамаагүй чөлөөтэй харагдсан. Ойр орчимд нь өндөр балгас байхгүй. нурангид л лавтайяа дарагдахгүй дэг

Avatar

Зочин 2019-04-25 182.160.32.54

Зохион байгуулалт муу, гэхдээ цаашид алдаанаасаа суралцаж улам боловсронгуй болоно гэж найдъя.

Avatar

Иргэн 2019-04-25 103.14.36.6

Баянгол дүүргийн 1-р хороо Барсын хойно шороон талбайд маш замбараагүй хүн амьтны амь арай эрсдээгүй заваан ажил боллоо. Маш зохион байгуулалт муутай. Эхнээсээ сүржигнээд байсан зохион байгуулалт байсангүй. Дээд дарга нар анхааралдаа авна уу

Avatar

зочин 2019-04-25 202.131.245.226

зохион байгуулалт муу, дүр,сүр үзүүлсэн ажил болов

Avatar

Зочин 2019-04-25 202.21.119.114

Би гэртээ дохио дуугарахыг их хүлээсн юу ч сонсогдоогүй уул нь өглөө эрт босч хүлээсэн тэгээд тэсэхгүй гараад ажил руугаа алхаад ирсэн дээ Ийм л юм боллоо

Avatar

иргэн 2019-04-25 202.179.25.85

болзошгүй Аюулаас урьдчилсан сургалт буюу Иргэний хамгаалалтын сургууль ингэж ч хийдэггүй байх өө Тэр Социализм Коммунизмын үед чинь ёстой жинхэнэ Утгаар хийдэг байж дээ Энэ удаагийн Сургалт сургуулилт нэг их Сүржигнэсэн баахан Хүн амьтан үр ашиггүй цуглуулж бужигнуулсан Зохион байгуулалт огт байхгүй зүгээр л оролцсон Нэр төдий Бүртгэл явуулаад өнгөрөх шив дээ

Avatar

Зочин 2019-04-25 182.160.1.212

Очсон чинь юу ч заалгүй сургалтанд хамрагдсан болохоо бүртгүүл гэж загнасан түшмэд байна лээ. Зөвхөн ажлын тайланд үориулсан луйвар.

Avatar

жанцал 2019-04-25 103.57.93.26

Битгий муу амлаад байгаач монгол хүн амныхаа билгээр гэж үг байгаа шүү Заавал ингэх шаардлага байгаа юм уу шоовуу арай биш биз дээ

Avatar

Зочин 2019-04-25 182.160.32.54

Монгол хүн бас "нэргэсэн хойно нь хашхирна" гэдэг үг бас хэлдэг шүү. Хэлж ирэхгүй хийсч ирнэ. Ийм иргэдтэй юм чинь яаж хөгжих вэ дэ. Муу зүйлийг тооцоолж бэлдэхгүй зүгээр гамшиг болохгүй ээ гээд сууж байгаад түрүүлж үхнэ дээ.

Avatar

zugeer 2019-04-25 59.153.114.149

zaaval end bidniig bulshilj yahgeed bgaan. zugeer l ub suirene nuutsgee geel medegdeech albn yosoor

Avatar

Зочин 2019-04-25 202.9.43.93

тэгэж мээдэллэхээр та зайлаад өгөх үү? үгүй ш дээ. тийм болохоор гуцалгүй л суу

NewsMN Гар утасны хувилбар Татах
NEWS.mn

Мэдээллийн эх сурвалж