Сонирхогчдын боксын насанд хүрэгчдийн Ази тивийн аварга шалгаруулах тэмцээн Тайландын нийслэл Бангкок хотод болж байна.

Тэмцээний тав дахь өдөр буюу өнөөдөр медалийн төлөөх шийдвэрлэх тоглолтууд боллоо.

Эрэгтэйчүүдийн 60 кг-д Э.Цэндбаатар Йорданы А.Ахматбоулитыг ялж, хүрэл медалийн болзол хангалаа. Мөн эмэгтэйчүүдийн ДАШТ-ий хүрэл медальт М.Нандинцэцэг /54 кг/ Японы тамирчинг ялж, мөнгөн медалийн төлөө тулалдах эрх аваад байна. Эмэгтэйчүүдээс М.Намуун /60 кг/ мөн хүрэл медалийн болзол хангалаа.

Харин өнөөдөр рингэд гарсан Д.Давааням /75 кг/, С.Эрдэнэбаяр /91/, М.Мягмаржаргал /75/ нар хүрэл медалийн төлөөх тулаанд ялагдсан байна.

Өчигдөр эмэгтэйчүүдийн 48 кг-д Б.Мөнгөнсаран хүрэл медалийн болзол хангаад байсан бол өнөөдөр Э.Цэндбаатар, М.Нандинцэцэг, М.Намуун нар медалийн болзол хангаж, цааш тулалдах эрхийг авлаа.

Манай тамирчид маргаашаас эхлэн медалийн өнгөө хувиргах тулаан хийнэ.

ШУУД ҮЗЭХ: https://www.youtube.com

Фэйсбүүк: https://www.facebook.com/ASBC.Boxing/

Инстаграм: https://www.instagram.com/asbc_official/