БНХАУ-ын компанид 50 га газар олгосон уу? | News.MN

БНХАУ-ын компанид 50 га газар олгосон уу?

VS

БНХАУ-ын компанид 50 га газар олгосон уу?

Улаанбаатар хотын 50 га газарт хүлэмжийн аж ахуй эрхлэх зөвшөөрлийг БНХАУ-ын компанид олгосон эсэх талаарх маргаантай асуудлыг  энэ долоо хоногийн “VS” буландаа онцоллоо. Нийслэлийн засаг дарга бөгөөд Улаанбаатар хотын захирагч С.Амарсайхан, НИТХ-ын Тэргүүлэгч С.Мөнхчулуун нарын дунд эл асуудал маргаан дагуулах болсон билээ. 

С.Мөнхчулуун
НИТХ-ын Тэргүүлэгч

НИТХ-ын Тэргүүлэгчдийн 2019 оны гуравдугаар сарын 27-ны өдрийн хурлаар ЗГХЭГ-аас өгсөн чиглэлийн дагуу БНХАУ-ын Засгийн газрын хөрөнгө оруулалттай компани болох "Тяньжин Фүүдс" ХХК-д Улаанбаатар хотын 50 га газар нутагт хүлэмжийн аж ахуй эрхлүүлэх тухай асуудал орж ирсэн.

Улаанбаатар хотын 50 га газар гэдэг нь Монгол Улсад буй нийт хүлэмжийн аж ахуй эрхэлж буй газрын 90 хувьтай тэнцэхүйц том газар гэсэн үг юм. Тийм учраас Монголын хүлэмжийн аж ахуй эрхлэгчдийн үйл ажиллагаанд төдийгүй улсын хүнсний аюулгүй байдалд сөргөөр нөлөөлж болзошгүй гэх үндэслэлээр НИТХ-ын Тэргүүлэгчийн зүгээс энэхүү асуудлыг зөвшөөрөөгүй юм.

Гэвч хурлын дараа, тус өдөр Нийслэлийн Засаг дарга С.Амарсайхан өөр компаниар дамжуулан энэхүү ажлыг зохион байгуулж, хийх болсон тухай тэмдэглэсэн албан бичгийг өөрөө ЗГХЭГ-т хүргүүлсэн нь тус ажил цааш биеллээ олж, хэрэгжихээр болсныг илэрхийлж байгаа. Өөрөөр хэлбэл, Улаанбаатар хотын 50 га нутаг дэвсгэр дээр БНХАУ-ын 40 тэрбум төгрөгийн хөрөнгө оруулалттай компани хүлэмжийн аж ахуй эрхлэх болж байна.

Энэ асуудлаар хүлэмжийн аж ахуй эрхлэгч зарим иргэн надтай холбогдож, санал солилцсоны үндсэн дээр бид Монгол Улсын Ерөнхийлөгч Х.Баттулга, Ерөнхий сайд У.Хүрэлсүх, Үндэсний аюулгүй байдлын зөвлөл, ЗГХЭГ-ын дарга Л.Оюун-Эрдэнэ, Хөдөө, аж ахуйн салбар хариуцсан сайд Ч.Улаан, нийслэлийн Засаг дарга С.Амарсайхан нарт шаардлага хүргүүлэхээр боллоо. Хэрэв тус ажлыг зогсоож, шаардлагыг хүлээж авахгүй тохиолдолд бид дараа дараагийн тэмцлээ эхлүүлэх болно.

С.Амарсайхан
Нийслэлийн засаг дарга бөгөөд Улаанбаатар хотын захирагч

Сүүлийн үед намайг “Хятадын компанид 50 га газар олгох гэж байна” гэсэн гүтгэх боллоо. Засгийн газрын хэмжээнд хоёр улсын хамтын ажиллагааг өргөжүүлэх, хамтран ажиллах хэлэлцээр хийж, тодорхой ажил хэрэгжүүлэхээр болсон юм билээ. Энэ дагуу Ерөнхий сайдын захирамж гарч судалгааны ажлын баг байгуулсан юм байна. Дараа нь ЗГХЭГ-ын тэргүүн дэд дарга Г.Баясгалангаас Тяньжин хотын захиргаатай хамтран хүлэмж, ногоо тариалах асуудлыг судлах ажил хийх шаардлагатай байгаа тухай албан бичиг өнгөрсөн сарын 27-нд надад ирсэн. Тухайн өдөр миний бие ЗГХЭГ-ын дарга Л.Оюун-Эрдэнэд холбогдох тооцоо судалгааг хийх ААН, нийслэлийн өмчит 100 компанийн нэрийг албан бичгээр хүргүүлсэн. Ямар нэгэн газар олгоогүй, газар олгох шийдвэр гараагүй. Харин дотоодын хүнсний ногоо тариаланчдаа ямар байдлаар дэмжиж, дөрвөн улирлын хүлэмж байгуулах, хүнсний аюулгүй байдлаа хангах асуудлыг судлах зорилгоор дээрх нэрсийг хүргүүлсэн. Гэвч НИТХ-ын төлөөлөгч С.Мөнхчулуун үүнийг улс төрийн зорилгоор мушгин гуйвуулж, намайг хятадуудад 50 га газар олгож байна гэсэн мэдээлэл түгээсэн. Ийм мэдээ түгээж байгаа нь түүний ашиг сонирхолтой холбоотой. Тэрбээр өөрийн хадам ээжийн нэр дээрх ААН-д нийслэлийн өмчит байрыг хувьчилж өгөх асуудлыг НИТХ-д санал оруулж байсан. Энэ асуудлыг би хууль бус шийдвэр гээд  НИТХ-аас буцааж байсан. Үүнээс болж намайг гүтгэх, доромжлох, хууль бус ажиллагаагаа эрчимтэй явуулж байна.

"Болор дуран"-аар шалгав.
Энэ мэдээнд өгөх таны сэтгэгдэл?
6
БурууБуруу
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Янжмаа өндөр настан 2019-04-24 103.57.93.26

Мөнчулуун гуай та одоо боль доо чи дүүгээ хүмүүжүүлсэн бол өдиийд энэ суудалд суух байлаа даа. Хүнийг ажлыг нь хийлгэ ээж аав чинь хэлж ярьж өгдөгггүй юм уу үр хүүхдэд чинь муу болно шүү хая

Avatar

Зочин 2019-04-24 176.59.205.69

Xyataduudaar nogoo tariulj gazar shoroo, irgedee xorduulaxaar shiidee yu? Orosuud xurtel xyataduudad xulemj barij nogoo tarixiig zevsheerexgui baina. Xortoi bodis ashiglaj xors us xorduuldag geed!!!

Avatar

Zochin 2019-04-24 202.126.89.212

Amarsaihan alia gar ve hun gutgesen

Avatar

Зочин 2019-04-24 66.181.168.200

ер нь газар өгөх гээд байгаа нь үнэн л юм байна шдэ, дотоодын компаний дэмжээчээ, мөнхчулуун зөв асуудал сөхсөн байна. \nнөгөөх нь өгөөгүй, өгөхгүй гээд шууд хэлж чадахгүй байгаа биз дээ

Avatar

Зочин 2019-04-24 202.21.124.17

Энэ Мөнхчулуун гээд нөхөр алиа гар юм аа.

Avatar

ккк 2019-04-24 64.119.20.207

ѳшѳѳ хорсолоо ѳѳрѳѳр тайл халз буудалцаж цавчилдаж болношдээ.хээр талд гарч байгаад.ккк

Avatar

Зочин 2019-04-24 66.181.161.118

Үнэхээр л хүлэмжийн аж ахуйгаа хөгжүүлье гэсэн чин сэтгэл байсан бол 40 тэрбум төгрөг олох өөр арга хайх хэрэгтэй юм биш үү. 40 тэрбумын хөрөнгөтэй гадаадын компанид хүлэмжийн аж ахуй эрхлэх зөвшөөрөл өгөхийн оронд бонд зээлээр санхүүжилт босгож, хүлэмж байгуулаад тэндээ монголын ногоочдод талай хуваарилж, түрээслүүлээд явах хэрэгтэй.

Avatar

Зочин 2019-04-24 64.119.16.164

Та хоёр адилдаа адил годилдоо годил юм байна л даа.

Avatar

зочин 2019-04-24 202.131.234.82

амарсайхан гэж худалч гар хөлсний бичээч хөлслөөд өөрийн нэр гарсан мэдээний доор өөрийгөө магтуулаад өөрийгөө сааж байна, Мөнхчулуун харин баримттай, протоколтой ярьж байгаа

Avatar

Зочин 2019-04-24 202.131.234.82

Амарсайхан худалч

Avatar

зочин 2019-04-24 202.9.42.81

Тэгвэл ч ногоо тарих Монгол хүн байхгүй болно дөө …. Яаж тариачин хятадтай малчин Монгол өрсөлдөх вэ дэ ……ойлгомжтой ..

Avatar

зочин 2019-04-24 202.21.98.166

Мөнхчулуун баримттай нотолгоотой юм ярьж байна.Амарсайханы хөлсний бичээчид л Мөнхчулууны эсрэг бйагаа ш тэ ойлгомжтой.Нийслэлийн хурал дээр яригдсан протоколь нь байж байхад улаан цайм худлаа яриад байх юмаа.Туулын бургасаа хядчихдаг, Зайсан толгойгоо нураачихдаг хүнтэй юу ч ярих вэ дэ

Avatar

Зочин 2019-04-24 66.181.168.81

Munhchuluun bolj tsunh barij tomorson miyegiin gar hul.

Avatar

Зочин 2019-04-24 202.21.100.210

Чингис бонд Самурай бондоор хүлэмжийн аж ахүй эрхлэнэ гээд зээл авсан монгол иргэд их байгаа шүү дээ. Тэр иргэд маань хөл дээрээ босох гээд ядаж байгаа байхдаа. Өндийх гэж байхад нь түлхээд унагасан шийдвэр юм шиг санагдаад байх юм.

Avatar

зочин 2019-04-24 182.160.33.41

Энэ Мөнхчулуун гэж Миеэгийн гар хөл Засаг дарга болж чадаагүй дээ хорсонж үхлээ юу. Өөрийн намын хүнээ ингэж гүтгэж гутааж байгаа хүн нөгөө намуудыг яаж байсан нь бүр тодорхой байна.Ингэж хүмүүжсэн хүмүүсийг улс төрд дахин бүү оруулаа Монголчуупаа.

Avatar

zochin 2019-04-24 64.119.18.71

yam hiie gej baigaa hund gadaad dotood ni hamaarahguigeer yaagaad gazar olgoj bolohgui gej bid uursduu hiihgui bol hen neg ni hiij l taarana uls turd orj uimuulsen ard tumniig taltsuulsan novshiin ajillagaagaa hezee zogsooh yam bee uls turchid uu mongolchuud olnooroo gadagsh garch yavaad baigaa irgenshleesee tatgalzaad baigaa ni asuudal shuu uund anhaaral handuulah heregtei

Avatar

Зочин 2019-04-24 162.229.188.40

chi gazraa hend hamaagui uguhiig demjdeg hen be hujaa yu

Avatar

Зочин 2019-04-24 64.119.20.126

tiim shuu bi bas demjij bna undesnii uildverlegvhid nertei luivarchid gants kg pomidor ni kg mahnii unetei adilhan bolchihson hyatadiin kompani nogoo tarival nogoo hyamdrahaas aij bgaa bid bol hyamd nogoo idmeer bna

NewsMN Гар утасны хувилбар Татах
NEWS.mn

Мэдээллийн эх сурвалж