Хандгайтад Д.Содномзундуй агсны нэрэмжит Монголын үндэсний сагсан бөмбөгийн ордон, Үндэсний олимп цогцолборын албан нээлтийн ёслолын ажиллагаа ирэх пүрэв гаригт буюу тавдугаар сарын 14-ний 12.00 цагт болох аж.

Уг сагсан бөмбөгийн ордон 2000 хүний багтаамжтай бөгөөд бэлтгэлийн заал, 250 хүний ортой буудал, фитнесс заалтай аж. Бэлтгэлийн заалнаас бүрдсэн цогц баазад сагсан бөмбөгийн бүх насны шигшээ багууд, баг тамирчид бэлтгэл, сургуулилтаа хийх юм байна.

NBA-гийн стандартын дагуу баригдсан энэхүү ордон Улаанбаатар хотоос баруун хойш 18 км-ын зайд байрлах Хандгайтын цанын баазад байрлаж байна. Иймээс одоо жилийн дөрвөн улиралд сагсан бөмбөгийн тэмцээн, уралдааныг үзэх гэж та бүхэн Хандгайтыг зорихоор болж байна. 

2014-2015 оны Үндэсний анхдугаар супер лигт анх удаа 11 баг оролцсоноос "Увс Эрдэнэдрийлинг Ригс" аваргаар шалгарсан бол "Дорнод Танан Гарьд", "SBL Хасын Хүлэгүүд" багууд мөнгө, хүрэл медаль хүртэж, "Увс Эрдэнэдрийлинг Ригс" IV байрт орсон.

Харин зургаан сар үргэлжилсэн Үндэсний супер лигийн шийдвэрлэх тоглолтууд Хандгайт дахь энэхүү ордонд тавдугаар сарын 2-ны өдөр болсон юм.

Ч.БОЛОР