Хохирогчдын цогцосны нэр, хаяг ШҮҮХ дээр солигдоогүй гэв | News.MN

Хохирогчдын цогцосны нэр, хаяг ШҮҮХ дээр солигдоогүй гэв

Хохирогчдын цогцосны нэр, хаяг ШҮҮХ дээр солигдоогүй гэв

Төв цэвэрлэх байгууламжид энэ сарын 16-ны өдөр осол гарч, дөрвөн хүн амь насаа алдсан харамсалтай хэрэг гарсан. Олон нийтийн сүлжээнд талийгаачдын цогцос солигдсон талаарх мэдээлэл гараад буй. Бид энэ талаар ШШҮХ-ийн Шүүх эмнэлгийн шинжилгээний газрын дэд дарга А.Амгаланболдоос тодрууллаа.


-Төв цэвэрлэх байгууламжид амиа алдсан дөрвөн иргэний цогцос солигдсон асуудлаар дэлгэрэнгүй мэдээлэл өгөхгүй юу?

-2019 оны дөрөвдүгээр сарын 16-ны өдөр Төв цэвэрлэх байгууламжид осол гарч, дөрвөн хүн амь насаа алдсан хэрэг гарсан. Хэргийн газар шүүх шинжилгээний байгууллага, цагдаагийн байгууллага, онцгой байдлын алба хаагчид шуурхай ажиллаж, амиа алдсан дөрвөн хүний цогцсыг ослын газраас гаргаж ажиллалаа. Ослын газарт талийгаачдын цогцсыг таниулах үйл ажиллагаа хийгдсэн байдаг. Тодруулбал, осол гарсны дараа талийгаачдын цогцсыг таниулах ажиллагаанд ар гэрийнхнийг нь оролцуулалгүйгээр ослын газарт байсан Төв цэвэрлэх байгууламжийн ажилтнуудыг оролцуулсан юм.

-Осол болсон өдөр талийгаачдын цогцсыг ар гэрт нь таниулаагүй гэсэн үг үү?

-Тухайн үед ослын газарт ажиллаж байсан хоёр ажилчнаар цогцсыг таниулах ажиллагаа хийлгэсэн. Шүүх шинжилгээний ажилчид хэргийн газраас цогцсыг зөөвөрлөхөд талийгаачийн нэр, хаяг байхгүй байсан учир шинжээч эмч нь цогцосны гадна талын уутанд нэрийг нь бичихийг сануулсан байна. Энэ дагуу цогцосны уутанд талийгаачдын шарилыг хийж, гадна талд нь овог нэрийг бичиж хаягласан. Дараа нь шүүх эмнэлгийн байгууллагад талийгаачдын цогцсыг авчран, уутан дахь овог, нэрийн дагуу тухайн цогцсыг хаяглаж, бүртгэлжүүлсэн. Энэ бүх үйл ажиллагаа нь тус газрын хяналтын камерт бичигдэж үлдсэн. Дээрх хяналтын камерын бичлэгээс үзэхэд Шүүхийн шинжилгээний байгууллага дээр талийгаачдын овог нэр нь солигдоогүй нь тогтоогдсон.

-Шүүх шинжилгээний байгууллага хариуцлага алдаж, талийгаачдын шарилыг сольсон гэсэн мэдээлэл гарч байна. Үүнд тодорхой хариулт өгөхгүй юу?

-Шүүх эмнэлэгт талийгаачдын шарилыг хүлээн авч бүртгэлжүүлээд, зүүн хөлд нь тухайн талийгаачийн овог нэр, нас хүйс, он сар өдөр, ирсэн газрын хаягийг бичиж бэхэлдэг. Энэ дагуу бүртгэлжүүлсэн овог, нэрээр нь талийгаачийн шарилд үзлэг, шинжилгээ  хийж, улмаар задлан шинжилгээнд оруулсан. Өнгөрөгч Баасан гаригт буюу энэ сарын 19-ний өглөө эхний айл нь талийгаачийн шарилыг хөдөөлүүлэхээр шүүх эмнэлгээс хүлээн авахаар ирсэн. Энэ үед тухайн бичигдсэн овог, нэрийн дагуу талийгаачийн цогцсыг ар гэрт нь таниулж, гарын үсэг зуруулан хүлээлгэн өгсөн.

Тухайн талийгаачийг таньсан ар гэрийн хоёр хүн нь “Мөн байна” хэмээн гарын үсэг зуран хүлээн авсан юм. Гэтэл дөрөвдүгээр сарын 22-ны өглөө үлдсэн гурван талийгаачийн шарилыг ар гэрт нь хүлээлгэн өгөх явцад талийгаачдын ар гэрийнхэн цогцос солигдсон талаар мэдэж, холбогдох байгууллагад хандсан нь энэ юм.

-Хариуцлага алдсан буруутай этгээдэд ямар хариуцлага хүлээлгэх вэ?

-Одоогийн байдлаар Шүүхийн шинжилгээний үндэсний хүрээлэнгийн хяналтын хэлтэс албаны шалгалт хийж байна. Шалгалтын үр дүнд солигдсон талийгаачдын овог, нэрийг тогтоож, ар гэрийнхэнтэй нь холбоо барьж, оршуулгын үйл ажиллагааг хэвийн явуулахаар болсон. Эдгээрт зарцуулагдах зардлыг эхний ээлжид шүүхийн шинжилгээний хүрээлэнгээс олгоно. Шалгалтын үйл ажиллагаа тодорхой болсны дараа уг асуудлыг цагдаагийн байгууллагад хандан шалгуулж, буруутай этгээдээр нөхөн төлүүлэх юм.

-Талийгаачдын шүүх эмнэлгийн дүгнэлт хэзээ гарах юм бол?

-Хуульд заасны дагуу 21 хоногийн дотор гарна.

Э.АРИУН 

"Болор дуран"-аар шалгав.
Энэ мэдээнд өгөх таны сэтгэгдэл?
3
БурууБуруу
2
ЗөвЗөв
2
ХарамсалтайХарамсалтай
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Дэнсмаа өндөр настан 2019-04-23 103.57.93.26

Ар гэрийнхэн тэнэг хүмүшс юм уу өөрсдөө таних ёстоы шүү дээ үзэж хмрж ар гэрээс хүмүүс орж ороож гарна шүү дээ ар гэтиыхэний буруу бүх зүйлийг л хүмүүс рүү чихах юм даа хариуцлага алга. Ат гар нь өсрсдөө хариуыах ёстой

Avatar

Уншигч 2019-04-23 202.179.8.4

Угааж цэвэрлээгүй юмуу? яахаараа таньдаггүй байнаа, харамсалтай байна

Avatar

ШШҮХХ 2019-04-23 202.179.24.223

ЭНЭ НЭГ ДАМПУУ БАЙГУУЛЛАГА БАЙНАА. ДАРГА ЦЭРЭГ НЬ ЯАЧИХСАН УЛСУУД БАЙДЫН. ... МӨНХӨД Л НОВШИЙН ХЭЛ АМНЫ БАЙ БОЛЖ СУУХЫН. ...

Avatar

Зочин 2019-04-23 203.91.118.254

Шинжилгээний байгууллага дээр солигдоогүй гээд байгаа юм биш үү!!!

Avatar

АТГ 2019-04-23 202.126.89.167

Кремластик шинжилгээ хийдэг багажны тендер заралчихаад ноос шинжилдэг багаж шалгаруулж авчихсан юм бол яаж үнэн шинжилгээний үр дүн гаргах юм вэ?

Avatar

Зочин 2019-04-23 203.91.118.254

криминалистик гэж бичдэг юмаа

Avatar

Зочин 2019-04-23 64.119.16.8

Энэ одоо юу гэсэн үг юм бэ?Ар гэрийнхэн нь тэгээд таньдаггүй хэрэг үү?

Avatar

Зочин 2019-04-23 202.9.43.234

emzeg asuudal vneniig shalgadag baiguulaga ni shalgaj butsaj medeelex estoi

Avatar

ямбий 2019-04-23 59.153.114.18

ХАРИУЦЛАГА АЛДСАН ШИНЖИЛГЭЭНИЙ АЖИЛТНУУДЫГ ТӨВ АЙМГИЙН ..... РУУ ЯВУУЛЖ ШАЛГА

Avatar

Гэрэл 2019-04-23 203.91.115.45

Шинжилгээний байгууллага дээр нэр нь солигдоогүй л юм байна ш дээ

Avatar

Аюуш 2019-04-23 203.91.115.45

Хэн нэг нь тэр айхтар бохироос гаргаж ирээд таниулахад хэн нэг нь будлиж таниад, хэн нэг нь тэр айхтар бохироос нь салгаж цэвэрлээд хүлээлгэн өгөхөд нь хэн нэг нь танилгүй хүлээж аваад яалтай билээ дээ.

Avatar

иргэн 2019-04-23 112.72.12.4

Нэр хаяг буруу бичсэн цагдаа буруутай. Ар гэрийнхэн нь мөн гэж таниад эхний шарил аваад явсан ар гэрийнхэн бас буруутай. Мөн эсэхийг урьдчилж хянуулж танулаагүй шүүх эмнэлэг баага буруутай.

Avatar

Зочин 2019-04-23 202.126.89.149

Ар гэрийнхнээр нь таниулахгүй яасан юм. Яагаад хохирогчдыг оруулаагүй юм. Энэ бол хохирогчдыг гашуудал дээр нь улам доромжилсон байж боломгүй алдаа гаргасан байна. Ажилдаа хайнга хүнийрхүү хандсан буруутныг тогтоож хариуцлага хүлээлгэх хэрэгтэй.

Avatar

Зочин 2019-04-23 203.91.118.254

Бодит байдал л ярьсан байна.

Avatar

Зочин 2019-04-23 203.91.118.254

Бодит байдал л ярьсан байна.

Avatar

зочин 2019-04-23 66.181.161.22

нямдорж огцор

Avatar

ЯАНА 2019-04-23 180.149.96.90

Хаяагаа манасан амиа аргацаасан төрийн гэх амьгүй албатууд

NewsMN Гар утасны хувилбар Татах
NEWS.mn

Мэдээллийн эх сурвалж