Пүрэв гаригт нийтийн тээврийн хөдөлгөөн 09.30 цагт эхэлнэ | News.MN

Пүрэв гаригт нийтийн тээврийн хөдөлгөөн 09.30 цагт эхэлнэ

Пүрэв гаригт нийтийн тээврийн хөдөлгөөн 09.30 цагт эхэлнэ

Пүрэв гаригт нийтийн тээврийн хөдөлгөөн 09.30 цагт эхэлнэ

Улаанбаатар хотод Гамшгаас хамгаалах иж бүрэн сургуулилт энэ сарын 24-нөөс 26-ны өдрүүдэд болно. Үүнтэй холбогдуулан Нийслэлийн Засаг дарга С.Амарсайхан захирамж гаргаж, энэ сарын 25-ны Пүрэв гаригт Нийслэлийн төр, захиргаа болон аж ахуйн нэгж байгууллагын ажил эхлэх цагийг 10.00 байхаар тусгасан юм.

Мөн захирамжийн дагуу тус өдөр 07.00-10.00 цаг хүртэл Улаанбаатар хотын бүх замын хөдөлгөөнийг хааж, нийслэлээс тээврийн хэрэгсэл гаргахгүй, оруулахгүй байх юм.

Тухайн өдөр нийслэлийн нийтийн тээврийн хөдөлгөөн хэдэн цагт эхлэх талаар Нийслэлийн тээврийн газраас тодруулахад “Энэ сарын 25-нд гамшгаас хамгаалах иж бүрэн сургуулилт болж, 07.00-10.00 цагт замын хөдөлгөөнийг хаана. Үүнтэй холбоотойгоор нийтийн тээврийн хөдөлгөөн 09.30 цагт эхэлж, өмнөх хуваарийн дагуу хэвийн үргэлжилнэ” гэлээ.

Мөн өдрийн 07.00-10.00 цагийн хооронд галын болон түргэний машин зорчиж болох юм байна. Сургууль, цэцэрлэгийн үйл ажиллагаа хэдэн цагт эхлэхийг Нийслэлийн боловсролын газрын дарга Ж.Гантулгаас тодруулахад "Бүх сургууль, цэцэрлэгийн үйл ажиллагаа 10.00 цагт эхэлнэ. Замын хөдөлгөөнийг түр хааж байгаатай холбоотойгоор хичээллэхгүй гэсэн асуудал байхгүй" гэлээ.

"Болор дуран"-аар шалгав.
Энэ мэдээнд өгөх таны сэтгэгдэл?
2
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-23 203.217.139.230

үүнээс өөр хийх ажил байдаггүй хэсэг уйдсан хүмүүсийн улсаас мөнгө салгах арга. Түмэнд гай болж хоолоо олж иднэ.

Avatar

23 2019-04-23 64.119.25.239

Бөөн түгжирэл үүсэх магадлалтай 30 минутад ойр ажилтай нь амжих байх хол газар ажилтай нь мэдэхгүй 90 хувь нь ажлаасаа хоцрох байх

Avatar

бодлын хулгайч 2019-04-23 66.181.167.53

9.30 -Д НИЙТИЙН ТЭЭВЭР ЭХЭЛЖ 10.00-Д АЖИЛДАА ХОЦРОЛГҮЙ ИРЖ ЧАДАХ БОЛОВ УУУ…………………………………

Avatar

бодлын хулгайч 2019-04-23 66.181.167.53

9,30-Д НИЙТИЙН ТЭЭВЭР ЭХЭЛЖ 10.00-Д БИД АЖИЛДАА ХОЦРОЛГҮЙ ИРЖ ЧАДАХ УУ. ТООЦОО СУДАЛГААГҮЙ ТЭНЭГ ЮМ ХИЙХ ЮМ ДАА.

NewsMN Гар утасны хувилбар Татах
NEWS.mn

Мэдээллийн эх сурвалж