Өвөрхангай аймгийн Хархорин сумын нутгийн зөвлөл, Хархорин сумын оюутны холбоо хамтран Улаанбаатар хотод суралцаж, амьдарч байгаа оюутан, залуучуудын дунд сагсан бөмбөгийн тэмцээнийг өнгөрөгч амралтын өдрүүдэд зохион байгууллаа.

Тэмцээнд оролцож буй тамирчдад баяр хүргэж УИХ-ын гишүүн Я.Содбаатар, Чингэлтэй дүүргийн прокурор С.Гансэлэм, "Мөнгөн ганзай" ХХК-ны захирал С.Золхүү нар иржээ.

Тэмцээнд оролцсон баг тамирчдад амжилт хүсч Нутгийн зөвлөлийн дарга Ш.Энхтөр шагнал гардуулж. Хархорин сумаас өөрийн зардлаар хүрэлцэн ирсэн сурагчдын эрэгтэй, эмэгтэй багт хувиасаа тус бүр 150 мянган төгрөгийг гардуулж цаашдын сурлага, хөдөлмөрт нь амжилт хүслээ. Тэмцээний эрэгтэй нэгдүгээр байрт ГСЕБС-ийн 2010 оны төгсөгчид, хоёрдугаарт байрт ЕБС-ийн хоёрдугаар сургуулийн 2011 оны төгсөгчид, гуравдугаар байрт 2013 оны “Найзууд баг шалгарсан бол эмэгтэй нэгдүгээр байрт ГСЕБС 2011 оны төгсөгчид, хоёрдугаар байрт ГСЕБС 2013 оны төгсөгчид, гуравдугаар байрт ОЦС-ийн 2014 оны төгсөгчид орлоо.

Шилдэг эрэгтэй тоглогчоор Хархорин сумын 10-р ангийн сурагч Ж.Наранцогт, шилдэг эмэгтэй тоглогчоор МУБИС-ийн дөрөвдүгээр курсын оюутан А.Баянсан нар шалгарлаа.

Г.ХОРОЛ