Монгол Расторгуев | News.MN

Монгол Расторгуев

Монгол Расторгуев

Амралт, чөлөөт цагаараа гэр бүл, хайртай хүмүүстэйгээ тухлан үздэг орчуулгын кино хэрхэн бүтдэг, хэчнээн хүний хүч хөдөлмөрөөр орчуулгын кино үзэгчдийн хүртээл болдог нь сонирхолтой байдаг билээ. Энэ талаар орчуулгын киноны жүжигчин Х.Мөнх-Оргилтой цөөн хором ярилцлаа. Тэрбээр орчуулгын киноны жүжигчнээр 14 дэх жилдээ ажиллаж байгаа юм. Энэ хугацаанд тэрбээр маш олон кинонд дуу оруулжээ. Тухайлбал, “25 дугаар суваг телевиз”-ээр орой бүр үзэгчдийн хүртээл болж буй “ШЕФ” киноны гол дүр Виктор Расторгуев, болон Тэ Жү Ён киноны гол дүрд дуу оруулсан юм.


-Орчуулгын киноны жүжигчин, бидний ярьдгаар кино дуу оруулагч болсон таны түүхээс яриагаа эхэлье. Энэ хугацаанд хэчнээн кинонд дуу оруулсан байна вэ. Хамгийн олон үзэгчтэй, чихэнд хоногшсон нь гэвэл ямар киноны дүрийг нэрлэх вэ?

-Би тайз дэлгэцийн жүжигчин мэргэжилтэй. Зарын дагуу очиж, шалгалт өгснөөр орчуулгын киноны жүжигчин болж байсан. Хэчнээн орчуулгын кинонд дуу оруулснаа нарийн тооцоолж байгаагүй юм байна. Барагцаалах гээд үзье. Хүүхэлдэйн кино, уран сайхны кино, баримтад кино, олон ангит киноны анги бүрийг нэг кинонд тооцвол жилд 1200 орчим кинонд дуу оруулдаг юм байна.

Миний хувьд 2006 оноос эхлэн орчуулгын киноны жүжигчнээр ажиллаж байна. Анх TV5 телевизээс ажлын гараагаа эхэлж байлаа. Тэнд ажиллаж байхдаа бүтээсэн киноноос хамгийн олон хүнд хүрсэн нь Тэ Жү Ён байж болох юм. Тус киноны гол дүр Тэ Жү Ёны дүрд дуу оруулж байсан. TV5 телевизэд 10 жил ажиллаад, 2016 онд 25 дугаар суваг телевизэд орчуулгын киноны жүжигчнээр ажилласан. Яг одоо үзэгчдэд хүрч байгаа “ШЕФ” киноны гол дүр Виктор Расторгуевын дүрд дуу оруулсан.

-Бидний буйдандаа тухлан суугаад үздэг орчуулгын кино хэрхэн бүтдэг нь тун сонирхолтой байна?

-Багийн ажиллагаа шаарддаг. Бас олон шат дамжлагаар орчуулгын кино бүтнэ. Орчуулгын албанаас кино албанд ирсэн текстийг бид амилуулдаг. Аль нэг шатанд цаг алдахад л эфирийн цаг тулж, байдал хүндэрдэг.

-Орчин нөхцөл ямар байдгийг дүрслэхгүй юу?

-Гаднаас дуу, шуум орох боломжгүй битүү, бүүдгэр өрөөнд суугаад, чихэвч зүүгээд л, текстээ уншиж олон цаг завсарлалгүй ажилладаг. Текст, дүрс хоёрын дунд харц бөмбөг шиг л ойно. Ямар нэгэн чимээ гаргаж болохгүй тул ам цангасан ч тэр бүр ус ууж чаддаггүй, гаднаас чимээ орохоос хамгаалж хоёр давхар хаалга хийж, цонхоо битүүлсэн байдаг тул тун бүгчим байдаг. Киноны дүр болгоныг гаргах гэж асар их хүч зарцуулдаг. Дүрийн уурлаж, инээж, уйлж байгаа сэтгэлийн хөдлөл бүрийг бие дээрээ мэдэрч, тухайн дүрийг гаргадаг болохоор кинонд дуу оруулахад сэтгэлзүйгээр маш их ядардаг.

-Хөдөлмөрийн хүнд нөхцөлд ажилладаг гэсэн ойлголт төрлөө. Харин үнэлэмж нь ямар байдаг вэ?

-Хөдөлмөрийн хүнд нөхцөлд ажилладаг гэж хэлж болно. Олон цаг хөдөлгөөнгүй суудаг болохоор хөдөлгөөний дутагдалд ордог бас байнга чихэвч зүүдэг болохоор сонсголд нөлөөлнө, дэлгэц байнга ширтэж байгаа болохоор хараанд муугаар нөлөөлдөг. Мөн хүний бэлтгэсэн орчуулгын зүйл дээр ажиллаж байгаа болохоор, өөрөө бодож, сэтгэх чөлөөгүй ажиллаж байгаа болохоор мартамхай болдог. Гэлээ ч цалин хөдөлмөрийн хүнд нөхцөлд ажилладаг хүнийх шиг өндөр байдаггүй. Цалин одоогоор бага биш. Гэхдээ бас их биш. Хоёр идэхгүй хоосон хонохгүй яваад л байна.

-Нэг кинонд хэчнээн хүн дуу оруулдаг вэ?

-Манай телевизийн кино алба орчуулгын киноны хоёр эмэгтэй, хоёр эрэгтэй жүжигчинтэй.

-Кинонд маш олон дүр гарч байгаа. Дүр болгонд яаж өөр хоолой гаргадаг нь сонирхолтой байна. “ШЕФ” кинонд гэхэд та хэдэн дүрд дуу оруулсан бэ. Хүндрэлтэй зүйл нь юу байсан бэ?

-Хүн ихэвчлэн бүдүүн, нарийн, өөрийн гэсэн гурван төрлийн хоолойг гаргадаг. Тухайн дүрийн араншин, онцлогт тохируулаад эдгээр гурван төрлийн хоолойг өөр өөр хэлбэрээр гаргадаг. “ШЕФ” кинонд гэхэд 200-300 дүр гарч байгаа. Үүний 40 гаруй нь гол болон туслах дүр. Ингээд тооцвол нэг хүн 10 гаруй дүрд дуу оруулж байгаа. “ШЕФ” буюу Виктор Расторгуев дуу оруулж амилуулахад хэцүү дүрүүдийн тоонд орно. Иймэрхүү дүрийн хэцүү тал нь яг таг, нэг чиг шугамаа алдалгүй зөв барьж явах.

-Тэгвэл ямар төрлийн кинонд дуур оруулахад хамгийн хүндрэлтэй байдаг вэ?

-Нигер буюу хар арьстай хүмүүс маш хурдан яг түргэн хэллэг хэлж байгаа юм шиг ярина. Ийм кинонд дуу оруулахдаа дүрсэндээ тааруулж, хурдтай ярихын тулд түргэн хэллэг шиг ярих шаардлагатай болдог. Түргэн ярьж болно л доо гэхдээ үзэгчдэд ойлгомжтой, тод ярих хэрэгтэй байдаг. Бас зарим энэтхэг киноны үйл явдал маш түргэн өрнөдөг. Бараг 30 секундэд нэг нүүр текст уншихыг шаарддаг.  Энэ үед л хүндрэлтэй байдаг юм.

Нийгэмд “ШЕФ” киноны гол дүр шиг хүн, болохгүй зүйлтэй тэмцэлдэж, шударга үнэний төлөө явдаг хүн үгүйлэгдэж байгаа гэж хэлж болно. Энэ дүр орчуулгыг амилуулж, Монголын үзэгчдэд хүргэсэн болохоор таныг “Монгол Расторгуев” гэж нэрлэмээр байна. "Монгол Расторгуев"-ыг гэр бүлтэй эсэхийг охид, бүсгүйчүүд сонирхож байгаа байх. Энэ асуултын хариултаар ярилцлагаа өндөрлөе?

Гэр бүлтэй. Эхнэр хоёр хүүхдийн хамт амьдарч байгаа.

"Болор дуран"-аар шалгав.
Энэ мэдээнд өгөх таны сэтгэгдэл?
24
ХөөрхөнХөөрхөн
4
ЗөвЗөв
3
ГайхмаарГайхмаар
1
ХахаХаха
1
ТэнэглэлТэнэглэл
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Баярлалаа танд 2019-04-22 59.153.115.208

Дуу оруулсан танд маш их баярлалаа. Таны дуу оруулсан Шеф кино бол Монголд ч гэсэн болж буй үйл явдлын нэг юм шүү. Танд цаашид олон сайхан кинонд дуу оруулж үзэгч бидний баярлуулаарай.

Avatar

зочин 2019-04-22 202.9.42.81

Орос , Солонгос хоёр, кино хийтэл өдий биздээ ...

Avatar

Зочин 2019-04-22 202.126.89.164

Шефийг үзэхээр оросын нийгэм улс төр ямар гүнзгий ялзаосныг харж болно. Зарим хүмүүс Орсыг хөгжиж байгаа хүчирхэгийг гайхаад байдаг гэтэл бодит байдал дээр биднээс дор.байгаа гэдгийг энэ киноноос харж болно. Соц системийн уршиг одоо болтол арилахгүй харин ч зүсээ хувилаад бэхжиж байна манайх ч гэсэн ардчилаалаар халхалсан социализмыг хөгжүүлж байна

Avatar

Зочин 2019-04-22 66.181.176.167

Шеф дараагийн бүлэг анги нь хэзээ гарах вэ

Avatar

Бат 2019-04-22 203.91.118.180

Орчуулган дээр мэргэжлийн талын дутагдал:м:- " S" алба ч гэх шиг, хувийн хамгаалалтын алба ч гэх шиг, насанд хүрсэн хүн ч гэх шиг, "ойлгомжтой" ч гэх шиг, тохиромжгүй орчуулсан юм шигээ. Хойшид анхаармаар . Жүжигчид нь дажгүй ээ. нэг хүн олон дүрийн дуу оруулсан нь ажиглагдаад л байх юм билээ.

Avatar

A 2019-04-22 202.126.89.240

Anddaa undur amjilt husiyee! Mundag shu

Avatar

334tttggy 2019-04-22 71.227.152.248

goy duu oruulsan.ahiad uzsen ch uidhgui

Avatar

Зочин 2019-04-22 202.9.43.229

Расторгуeв маш онцлог дүр. Энэ дүрд ингэж сайн наалдацтай донжийг нь тааруулж сэтгэлд хоногштол дуу оруулна гэдэг бол тухайн жүжигчний ур чадвар хэр вэ гэдгийг харуулж байгаа юм. Магадгүй өнөөдөр Монголд таниас өөр хэн ч ингэж энэ дүрийг амилуулж чадахгүй биз ээ. Аргагүй л эзнээ олсон дүр, үзэгчдийн сэтгэлд хүрч чадсан. Таньд цаашдын уран бүтээлд нь амжилт хүсье.

Avatar

Эрдэнэчимэг 2019-04-22 202.9.45.118

Шеф, Тэ Жу Ён кино маш сайхан зарим нь түүхэн, зарим нь амьдралын үнэнийг харуулсан бүтээлүүд, Энэ кинонд ийм сайхан дуу хоолой оруулж бидэнд хүргэж байгаа жүжигчин Мөнх-Оргилд талархал илэрхийлэе. Мөн баг хамт олонд амжилт хүсэе. Расторгуев, Тэ Жу Ёны дуу хоолой үнэхээр гайхамшиг дүрээ ёстой амилуулдаг. .Ийм сайхан торгон дуу хоолой сонсоод кино үзэх их сайхан байдаг. Дахин баярлалаа. Их амжилт, эрүүл энхийг хүсэе.

Avatar

zoloo 2019-04-22 202.21.116.78

Mash goy kino shyy. Uran buteekchdeed bayar hurgeye.

Avatar

Зочин 2019-04-22 192.82.65.147

ШЕФ маш сайн кино, энэ кино бол ОХУ болон манай нийгэмд яг одоо болж буй үйл явдал.

Avatar

цог 2019-04-22 66.181.160.60

расторгуевтай кино их саин кино гэж бодож баина.би орос хэл дээр нь жилийн өмнө ч бил үү? хоёр жилийн өмнө ч бил үү үзсэн.гэтэл монгол сувгар гарахад нь дахиад л үзээд байгаа. орчуулагч дуу оруулагч нарт баярллаа гэж хэлье. саихан кино гаргаж буй телевизэд баярллаа.

Avatar

Зочин 2019-04-22 66.181.170.66

шаа шаа

Avatar

Mongol 2019-04-22 202.21.116.78

Good.

Avatar

Уншигч 2019-04-22 64.119.17.176

Расторгуев -н дуу хоолой бол маш гоё байсан. Бас тэр ..жаал хүүгийн (эсрэг дүрийнх) хоолой үнэн зохицсон байсан. Та бүгдэд Амжилт хүсье .

Avatar

ШЕФ маш сайн хийсэн кино 2019-04-22 139.5.216.179

Манай ШЕФ шиг кино гарахгүй дээ

Avatar

amjilt 2019-04-22 59.153.112.232

rastorguev mash togtuun aashtai hun. yamar ch ued taivan nukhatstai duu hooloitoi evgui erd mash sain duu oruulsaan

NewsMN Гар утасны хувилбар Татах
NEWS.mn

Мэдээллийн эх сурвалж