Шри Ланкад амиа золиослогчид бөмбөг дэлбэлж 100 гаруй хүн амиа алдлаа | News.MN

Шри Ланкад амиа золиослогчид бөмбөг дэлбэлж 100 гаруй хүн амиа алдлаа

Шри Ланкад амиа золиослогчид бөмбөг дэлбэлж 100 гаруй хүн амиа алдлаа

Шри Ланкад амиа золиослогчид бөмбөг дэлбэлж 100 гаруй хүн амиа алдлаа

Шри Ланка улсад өнөөдөр /2019.04.21/ амиа золиослогч этгээдүүд  Христийн шашны хоёр  сүм, тансаг зэрэглэлийн гурван зочид буудалд бөмбөг дэлбэлж 138 хүн амиа алдаж, 400 гаруй хүн хүнд хөнгөн шархаджээ. Амиа золиослогчдын гол бай нь Христийн шашинтнууд байсан ба  Христийн шашинтнуудын жил бүр тэмдэглэдэг Улаан өндөгний баяр буюу Есүс Христийн дахин мэндэлсэн өдрийг тааруулж халдлагаа үйлджээ. Энэ өдөр бол Христийн шашинтнуудын хувьд хамгийн ач холбогдол өгч ихээр цуглардаг өдөр юм. Амиа алдагсдын тоо цаашид өсөх магадлалтай байгаа тухай яаралтай тусламжийн эмч, аврагчид мэдээлж байна.

Энэхүү халдлага нь сүүлийн 10 жилийн Иргэний дайнаас хойшхи хамгийн том зэвсэгт халдлага болон түүхэнд үлдэж байна.

Гэгээн Себастианы сүм, Гэгээн Антониогийн сүм,  “Shangri-La Colombo”, “Kingsbury Hotel”, “Cinnamon Grand Colombo” гэсэн гурван зочид буудалд ойрхон давтамжтай зургаан удаагийн дэлбэрэлт болжээ. Тус улсын Ерөнхий сайд Ранил Викременсингэ Улсын аюулгүй байдлын зөвлөлийг яаралтай хуралдуулах шийдвэр гаргаж, амиа алдагсдын ар гэрийнхэнд гүн эмгэнэл илэрхийлсэн байна. Одоогоор халдлагыг ямар этгээдүүд үйлдсэнийг тогтоогоогүй байгаа аж.

Шри Ланка улс нь 22 сая орчим хүн амтай, тэдний 70 хувь Буддын шашинтан бол  12,6 хувь нь Хиндү, 9,7 хувь нь Муслим, 7,6 хувь нь Христийн шашинтнууд байдаг гэнэ. Улс даяар 200 гаруй Христийн шашны сүм болон бусад байгууллага байдаг ба өнгөрсөн жил гэхэд Христийн шашинтнуудын эсрэг, тэдний биед халдсан хэрэг 86 бүртгэгдэж байжээ.

Өнгөрсөн жил тус улсын эрх баригчид Христийн шашинтнуудыг цуглаан, мөргөлийг “зөвшөөрөлгүй жагсаал, цуглаан” гэсэн ангилалд багтааснаас хойш Христүүд болон Муслимуудлын цуглаан мөргөлийг тараах оролдогууд, дарамт шахалт Буддын шашинтнуудаас байнга ирэх болсон байна.

Эх сурвалж:REUTERS

"Болор дуран"-аар шалгав.
Энэ мэдээнд өгөх таны сэтгэгдэл?
5
ХарамсалтайХарамсалтай
3
ХөөрхөнХөөрхөн
1
ЗөвЗөв
1
ХахаХаха
1
ГайхмаарГайхмаар
1
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

УБ-т нийт 200 исусын сүм байна 2019-04-21 103.14.38.137

Захын хорооллын бүхий л хороодод нийт 200 гаруй Исусын жижиг сүмүүд байна. Сүүлийн үед Монгол авгай нар "Аз жаргалын эрэлд" нэртэй далд Исусын сурталчилгааны цуглаан лекц их хийх болжээ. Монголын ард түмний энэ хүнд хэцүү, ороо бусгаа, амьдралын тарчиг байгааг ашиглаж хөгшин залуу гэлтгүй бүх хүнийг уруу татаж шашиндаа нэгтгэхийг идэвхитэй зүтгэж байна. Ерөнхийлөгчийн шашны зөвлөх Хулан гэж амь амьсгаа ажилаа хийж чадахгүй бол чаддагт нь өгөөд зайлах хэрэгтэй.

Avatar

Улаанбаатарын өнцөг булан бүрт Исус бн 2019-04-21 103.14.38.137

Хотын төвөөр том том сүмүүд. Захын хорооллоор 2-3 жижиг сүмүүд идэвхитэй ажиллаж байна. Хамгийн аюултай нь бага насны сургуулийн хүүхдүүийг маш их уруу татаж чихэр печеньхэнээр хуурч өөрсдийн шашиндаа оруулж мунхруулж байна. Ийм жижиг сүмүүдийг 50% багасгах хэрэгтэй. Монголд Солонгосууд гардаг үйл ажиллагаа явуулж, Америкчууд шинээр барих газрыг нь зааж өгч бн. Дулаарахаар л 2 ижил хувцастай Америк залуус захын хороолын өнцөг булан бүрт хүрч үздэг заншилтай.

Avatar

Ажилгүй 2019-04-21 49.0.212.60

Исламистууд аюултай шүү, тэднийг Америкаас өмөөрөх, магтах, дөгөөх зэргээр нүүр өгвөл ийм о юм болно

NewsMN Гар утасны хувилбар Татах
NEWS.mn

Мэдээллийн эх сурвалж