БНСУ-ын нийслэл Сөүл хотын захиргаа хөгжлийн бэрхшээлтэй иргэдийг дэмжих, тэдний амьдрах, нийгмийн амьдралд оролцох боломжийг нь нэмэгдүүлж, дэмжих зорилготой таван жилийн төлөвлөгөөгөө танилцуулсан байна. Жил бүрийн дөрөвдүгээр сарын 20-ний өдөр БНСУ-д “Хөгжлийн бэрхшээлтэй иргэдийн өдөр” тохиодог ажээ. Энэхүү ажилд нийт 784 сая ам.доллар төсөвлөсөн байгаа бөгөөд энэ мөнгийг гудамж талбай, зам тээврийг хөгжлийн бэрхшээлтэй иргэн зорчиход саадгүй болгох, ажлын байр бий болгох зэрэгт зарцуулах аж.

Уг ажлын хүрээнд 2023 он гэхэд нийтийн тээврийн бүх автобусыг тэргэрцэртэй хүн зорчих боломжтой болгож, 2022 он гэхэд тэргэнцэртэй иргэн зорчих боломжтой таксиг  682-оор нэмэгдүүлэх, метроны буудлуудыг ч мөн тэдэнд зориулж шинэчлэх ажлыг хийх юм байна.Мөн төрийн үйлчилгээний салбарт хөгжлийн бэрхшээлтэй иргэдэд зориулж шинээр 800 ажлын байрыг бий болгох гэнэ.

Эх сурвалж:KOREATIMES