Их Британийн супер од, дуучин Адель нөхрөөсөө салжээ. Энэ тухай дуучны төлөөлөгчид баасан гаригт “Associated Press” агентлагт мэдээлсэн байна. Дуучин Адель 2011 оноос Саймон Конеки гэх залуутай болзож эхэлсэн юм. Удалгүй тэрбээр 2012 онд хүү Ангелогоо төрүүлсэн. Харин 2017 оны Грэмми наадмын шагнал гардуулах ёслолын үеэр хосууд гэрлэлтээ батлуулсан гэдгээ зарлаж байсан юм.

Түүний нөхөр Саймон Конеки нь байгальд ээлтэй савласан ус үйлдвэрлэлийн “Life Water” брэндийг үүсгэн байгуулагчдын нэг юм.

Эх сурвалж: Associated Press