Ерөнхий сайд Байгалийн түүхийн музей, Улсын драмын эрдмийн театрт ажиллалаа | News.MN

Ерөнхий сайд Байгалийн түүхийн музей, Улсын драмын эрдмийн театрт ажиллалаа

Ерөнхий сайд Байгалийн түүхийн музей, Улсын драмын эрдмийн театрт ажиллалаа

Ерөнхий сайд Байгалийн түүхийн музей, Улсын драмын эрдмийн театрт ажиллалаа

Монгол Улсын Ерөнхий сайд У.Хүрэлсүх Засгийн газрын 2019 оны 04 дүгээр сарын 10-ны өдрийн хуралдааны үеэр үндэсний хэмжээний театр, музейтэй болох шийдвэр гаргасан юм. Тэрээр өнөөдөр Байгалийн түүхийн музей, Улсын драмын эрдмийн театр, Хүүхэлдэйн театрт ажиллаж, удирдлага, уран бүтээлчид, ажилтнуудтай нь уулзав.

​Байгалийн түүхийн музей 2013 онд хаалгаа барьснаас хойш өнөөг хүртэл ямар ч үйл ажиллагаа явуулаагүй. Тухайн үед “Музейн барилга байгууламж нь хүний ажиллаж амьдрах таатай нөхцөл бүрдүүлж, түүний эрүүл мэндэд сөрөг нөлөөгүй, аюулгүй байдлыг хангасан байх” гэсэн шаардлагыг хангахгүй болсон тул Соёлын тухай, Барилгын тухай хуулийн холбогдох заалт,Мэргэжлийн хяналтын улсын ахлах байцаагчийн актыг үндэслэн үйл ажиллагааг нь зогсоожээ.

​Музейн удирдлага, ажилтнууд 13 мянга орчим үзмэрээ зориулалтын хайрцаг, шилэн хорго зэрэгт хийж, аюулгүй газарт шилжүүлсэн байна. Хэдийгээр барилгагүй болсон ч хуучирсан үзмэрүүдээ сэргээн засварлах, сангаа баяжуулахад анхаарч байгаа тухай музейн удирдлага Ерөнхий сайдад танилцуулав.

Музейн барилга 5000 м.кв талбайтай байсан учир 1100 орчим үзмэр буюу  нийт үзмэрийнхээ 10 орчим хувийг л байрлуулдаг. Цаашид 15 мянган м.кв талбайтай барилгатай болбол нийт үзмэрийн 30 хүртэл хувийг дэлгэх боломжтой гэж тооцоолжээ.

​Засгийн газар Байгалийн түүхийн музей, Үндэсний урлагийн их театрыг шинээр барихаар төлөвлөн Ажлын хэсэг томилсон. Байгалийн түүхийн музейн энэ газарт өөр музей байгуулахаар судалж байгаа гэдгийг Монгол Улсын Ерөнхий сайд У.Хүрэлсүх хэллээ.

БСШУС-ын сайд Ё.Баатарбилэгээр ахлуулсан Ажлын хэсэг газар сонгох, барилгын зураг, төсөв боловсруулах, тооцоо судалгаа хийх, барилгын ажлыг эхлүүлэхээр ажиллаж байгаа. Музей, театр барихад шаардагдах хөрөнгийг ирэх оны төсөвт тусгана гэлээ.

​Ерөнхий сайд дараа нь Улсын драмын эрдмийн театр, Хүүхэлдэйн театрт ажиллалаа.Улсын драмын театрын байранд Үндэсний урлагийн их театр, Хүүхэлдэйн театр байрладаг. Зай талбай дутагдалтай учир нэг байгууллага нь бэлтгэл сургуулилт, тоглолт хийх үед бусад нь сул зогсохоос өөр аргагүй болдог тухай уран бүтээлчид ярилаа. Харин Засгийн газар Үндэсний урлагийн их театр байгуулахаар болсон нь цаг үеэ олсон шийдвэр гэж талархан хүлээж авснаа Ерөнхий сайдад илэрхийлэв.

​“Сүүлийн жилүүдэд уул уурхайн салбарыг хөгжүүлэх тухай дээр дооргүй ярьсан. Одоо үүнээс гадна урлаг, соёлын салбараа бүх талаар дэмжих ёстой. Урлаг, соёлоор дамжуулж иргэдээ соён гэгээрүүлэхэд анхаарна” гэж Монгол Улсын Ерөнхий сайд У.Хүрэлсүх хэлэв.

​Ерөнхий сайд 2017 онд болсон “Соёл, урлагийн ажилтны улсын II чуулган”-ыг нээж үг хэлэхдээ Байгалийн түүхийн музей, Үндэсний номын сан, Үндэсний урлагийн их театр барих ажлыг эхлүүлнэ гэж байсан юм хэмээн Засгийн газрын Хэвлэл мэдээлэл, олон нийттэй харилцах хэлтсээс мэдээллээ. 

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
1
ХахаХаха
1
ТэнэглэлТэнэглэл
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-19 64.119.25.26

Хүрэлсүх шиг алхаж очдог Ерөнхий сайд өмнө нь хараагүй л юи байна, Жензо шиг гудамжинд алхаж явдаг Ерөнхийоөгч Монголд өмнө хараагүй ээ. Өмнө нь бүх цагдаагаар хамгаалуулаад бүхзам хаагаад хамаг ажилд салаа боодог байсныг мартаагүй л байлтай

Avatar

Зочин 2019-04-19 66.181.185.198

Эзэн Чингис хааныг тэнгэрт гарсны дараа Өгөдэй хааны хатан мэргэд угшилтай Дөргэнэ Монголын бүх ном судрыг араб руу гаргасан гэдэг. Үүнээс үүдэн хань ижлээ сонгохдхх удам судрыг хар гэдэг үг гарчээ. Хубилай хааны түүх судрыг хятадууд авч үлдээд одоо болтол гаргаж ирэхгүй л байна. Хубилай хааны солонгос хатан ордны хор найруулж өөрийн хүүхдийг хаан ширээнд суулгах гэж монгол хатад тэдний үр хүүхдүүдийг ёс бусаар тэнгэрт одуулснаас Мин улс задарч хүчгүйдсэн. Түүхээ бүү март. таниул гэж дээдэс захи

Avatar

иргэн 2019-04-19 66.181.185.198

Монгол улсын эсрэг сөрөг хүчнийхэн хөдөө орон нутаг хаа сайгүй хүүхдүүдийн тархийг угааж "Эерэг хүмүүжлийн арга"" нэрийн дор түүх соёл, өвөг дээдсийг гутаан доромжлох үг санаа хавчуулан сургалт нэртэй башир арга сэдэж явна гэнэ. Улс төрчдийн дунд шударга ёсны салхи сэвэлзээд эхлэхээр улсын ирээдүйг манантуулахаар шийдсэн болотой хэмээн явган яриа гарчээ. Энэ нь цэнхэр үст Цэрэнгийн яриад байсан МҮҮН-ийхэн биш биз дээ. Засгийн газраас энэ бусармаг явдлын эсрэг дорвитой арга хэмжээ авах хэрэгтэй.

Avatar

Зочин 2019-04-19 203.91.118.254

чингис хаанаас хойш бүх түүхийн өгүүлсэн музей болго чи чадах уу

Avatar

Зочин 2019-04-19 203.91.118.254

шоучин минь наадах чинь соёлын сайд нь хийг чи ард түмнээ өртөг багатай хүнөээр хангаач гөлөгөө чи юу хийвэээ бүх юмыг тэнгэрт гартал нь өсгөөд чиний үед түүхий эдийн үнэ өндөр байсан бас сангаас зээл авч өр тавьсан л биз дээ

Avatar

Зочин 2019-04-19 59.153.113.110

Их тэнэглэллд хязгаар үгүй болой

Avatar

Ерөнхий сайдад 2019-04-19 103.93.92.146

Хуучин байшингуудыг ядаж гадна тал болон төв хаалга танхимыг нь хуучин зургийнх нь дагуу барьж сэргээмээр байна. Эс бөгөөсУлаанбаатар хотноо түүх өгүүлэх байшин үгүй болж байна шүү. Архитектор , түүх судлаач энэтэр гээд олон л эрдэмтэн мэргэд, ТББ ууд байх юм. Эрхэм Ерөнхий сайд тэднийг сонсдоггүй юм болов уу, эс бөгөөс тэд дуугарах нь үгүй байна уу

Avatar

монгол 2019-04-19 103.26.195.109

Их хөрөнгө зарцуулж театр бариад хэрэггүй ээ. одоо байгаа театруудаа дүүрэн ашиглаж чадахгүй байгаа биз дээ

Avatar

zochin 2019-04-19 68.174.3.175

Barag tiim shuu.

Avatar

Зочин 2019-04-19 66.181.161.19

Ерөнхий сайд "музейд, театрт ажиллалаа" гэж юу гэсэн үг вэ? Тэнд ажилд орсон юм уу? "Музей, театрын ажилтай танилцлаа" гэж бичдэг юм байгаа биз дээ!?

Avatar

ҮХЭР 2019-04-19 66.181.187.23

КОМНИСТ ТАЙЛБАР ШДЭЭ.ККК

NewsMN Гар утасны хувилбар Татах
NEWS.mn

Мэдээллийн эх сурвалж