Завхан аймгийн Тэлмэн сумын төвөөс 20 км зайнд орших малчны гэрт  эмч нар жирэмсэн эмэгтэйд хийсвэр хагалгаа буюу  кесерово энэ сарын 11-нд шөнийн 01.00 цагт  амжилттай хийжээ. Хагалгаанд орсон эмэгтэй нь 26 настай,  жирэмслэлт 36 долоо хоногтой манас таталт  хам шинж оноштой, биеийн байдал нь маш хүнд байсан аж.

Тэлмэн сумын Эрүүл мэндийн төвийн эмч нар Тосонцэнгэл сумын нэгдсэн эмнэлгээс эх барихын хагалгааны багийн тусламж дуудаж цаг алдалгүй яаралтай хагалгаа хийснээр эх, хүүхдийн амь насыг аварч чаджээ.

Хагалгааны дараах эрчимт эмчилгээг оновчтой түргэн шуурхай хийснээр хоёр  хоногийн дотор эхийн биеийн байдал тогтворжжээ. Одоогоор эх хүүхдийн биеийн байдал сайн Эх хүүхдийн эрүүл мэндийн үндэсний төвд эмчлүүлж байна.

Хагалгааг  амжилттай хийсэн баг бүрэлдэхүүнийг алдаршуулъя.

–Тосонцэнгэл сумын нэгдсэн эмнэлгийн дарга Эх барих 
эмэгтэйчүүдийн тэргүүлэх зэргийн их эмч Х.Цэцэгдэлгэр,

-Мэдээгүйжүүлэг эрчимт эмчилгээний ахлах зэргийн их эмч Ц.Нарантуяа 

-Мэс заслын их эмч Т.Пүрэвдорж, 
-Эх барих эмэгтэйчүүдийн их эмч Д.Бадамгарав, 
-Хүүхэд, Нярайн их эмч Д.Цэнгэлжаргал
-Хагалгааны сувилагч Ч.Оюун 
-МЭЭ-ний сувилагч А.Цэрэндэжид /тэргүүлэх зэрэг/
-Нярайн сувилагч Ө.Алтанцэцэг /ахлах зэрэг/ 
-Жолооч Д.Баатарбилэг

Э.БУРАМ