–Монгол-ХонгКонгийн тоглолт 3:0 онооны харьцаагаар манай волейболчдын хожлоор өндөрлөв-

Азийн волейболын  холбооны ивээл дор болж буй тивийн зүүн бүсийн эрэгтэйчүүдийн аварга шалгаруулах тэмцээн өнөөдөр Улаанбаатар хотноо Буянт-Ухаа спортын ордонд эхэллээ. Азийн зүүн бүсэд найман үндэсний холбоод харьяалагддаг бөгөөд энэ жилийн тэмцээнд анх удаагаа бүрэн бүрэлдэхүүнээрээ оролцож байна. Тодруулбал “А” хэсэгт Монгол, БНХАУ, БНСУ, Хонг Конг, “В” хэсэгт Япон, Макао, Тайвань, БНАСАУ-ын багууд багтсан юм.

Өнөөдөр дөрвөн тоглолт болж, Япон, Тайвань, Монгол, БНСУ-ын багууд эхний хожлоо авлаа. Тодруулбал манай улсын шигшээ баг хэсгийн эхний тоглолтоо Хонг Конгийн багтай хийж, 3:0 онооны харьцаагаар хожлоо. Маргааш 20.00 цагаас Монгол-БНХАУ-ын шийдвэрлэх тоглолт болох юм. Энэхүү тоглолтод манай баг хожиж чадвал хагас шигшээд өрсөлдөх боломж нээгдэнэ.

Өнөөдрийн тоглолтын дүнг танилцуулья:

• Япон vs БНАСАУ 3:0
• Макао vs Тайвань 0:3
• Монгол vs Хонгконг 3:0 (27:25, 25:21, 25:16)
• БНХАУ vs БНСУ 0:3

Маргааш буюу тавдугаар сарын 11-ний өдөр болох тоглолтын хуваарийг танилцуулж байна.

V.11 (Даваа гариг)

• 14.00 ХонгКонг vs БНСУ
• 16.00 Тайвань vs БНАСАУ
• 18.00 Япон vs Макао
• 20.00 Монгол vs БНХАУ

Ч.БОЛОР

ГЭРЭЛ ЗУРГИЙГ Э.ЭНХБАТ.