Мексикийн Коауила мужид үл таних этгээдүүд нэгэн үдэшлэг дээр зочдыг нь буудан 17 хүнийг хөнөөжээ. Торреон хотод өглөөгүүр болсон буудалцаанд амь үрэгдэгсэд 20-30 насныхан ажээ.
Амралтын өдрүүдэд олон үдэшлэг зохиогддог цэнгээний төвд уг хэрэг гарсан байна. Гэрч нарын яриагаар гэмт хэрэгтнүүд буудахын өмнө хэн нэгэн нь бүгдийг хөнөө хэмээн тушааж байсан аж. Хэргийн газарт автомат зэвсгийн 200 гаруй хонгио үлдсэн байв.