Их Британийн хунтайж Харритай гэр бүл болж, амаржих өдрөө хуруу даран хүлээж буй Америк жүжигчин бүсгүй Меган Маркл асрагчаа хайж байгаа ажээ. Английн хатан хааны гэр бүлийн уламжлалын дагуу асрагч нь заавал Британи хүн байх ёстой ч Меган, Харри нар энэ удаад ч бас уламжлалыг зөрчихөөр шийдсэн бололтой.

Меган заавал дүрэмт хувцас өмссөн албан ёсны асрагч гэхээсээ илүү тэдний гэр бүлийн нэгэн гишүүн байж, хүүхдийг нь сэтгэлээсээ хайрлах машин барьдаг, Америк хүнийг хайж байгаа гэнэ. Тэр ч байтугай дахин нэг эрэгтэй туслах авахаар зэхэж байгаа тухай DAILYMAIL сонинд бичжээ. Үүнээс гадна гүнгийн авхай гэртээ амаржина гэдгээ мэдэгдээд байгаа билээ. Энэ нь мөн л хааны ордны ёс жаягаас хазайсан шийдвэр юм.

Эх сурвалж:DAILYMAIL