“Одонтой ээжүүдийн тэтгэмжийн мөнгийг бууруулахгүй” гэв | News.MN

“Одонтой ээжүүдийн тэтгэмжийн мөнгийг бууруулахгүй” гэв

“Одонтой ээжүүдийн тэтгэмжийн мөнгийг бууруулахгүй” гэв

“Одонтой ээжүүдийн тэтгэмжийн мөнгийг бууруулахгүй” гэв

Хөдөлмөр, нийгмийн хамгааллын яамны Төрийн нарийн бичгийн дарга Г.Өнөрбаяр одонтой ээжүүдийн тэтгэмжийн талаар өнөөдөр /2019.04.17/ Төрийн ордонд мэдээлэл өглөө.

Тэрбээр “Алдарт эх”ийн нэгдүгээр одонтой ээжүүд маань зургаа болон түүнээс дээш хүүхэд төрүүлж, өсгөсөн байдаг. Өөрөөр хэлбэл зургаан хүүхэдтэй ээжид улсаас жилд 200 мянган  төгрөг өгдөг. Мөн 10 хүүхэдтэй ээжүүдэд адилхан 200 мянган төгрөг олгодог. Тэгэхээр бид Нийгмийн хамгааллын багц хуульд шинэчлэл хийж, зургаа болон 10 хүүхэдтэй ээжүүдэд олгох мөнгөний хэмжээ ялгавартай байвал ямар вэ гэсэн судалгаа хийж үзэж байгаа. Уг судалгаагаар одоо олгож буй 200 мянган төгрөгийг буулгах бус шатлалтайгаар нэмэх тухай асуудал ярьсан.

Өмнө нь 2006 онд одонтой ээжүүдэд 4.9 тэрбум төгрөгийг олгож байсан. Өнгөрсөн 2018 оны гүйцэтгэлээр 30 орчим тэрбум төгрөг болж нэмэгдсэн. Би 2006 оныг 2018 онтой харьцуулаад улсын төсөвт ийм хэмжээний мөнгө бүрдсэн тухай хэлсэн. Салбар яамны хувьд бүртгэлтэй байгаа тоон мэдээллээ л өгсөн. Харин салбар яамнаас одонтой ээжүүдийн тэтгэмжийн талаар хэд хэдэн бодлогын хувилбарууд хэлэлцэж байгаа.

Яагаад энэ хувилбарыг ярих болсон гэхээр тодорхой үндэслэл тооцоо байгаа. Одоогийн байдлаар нийт хүн амын өсөлт жилд 2.1 хувьтай байгаа бол ахмад настны өсөлт 6.3 хувьтай байна. Сүүлийн 10 жилийн төлөв байдлыг харахад 16 орчим хувьтай байхад ахмад настны өсөлт 21.9 хувьтай байна. Эндээс харахад нийт хүн амд насжилт ихсэх хандлагатай байна. Тиймээс төрөлтийг дэмжих бодлого хэрэгжүүлье. Тэгэхийн тулд одонтой эхчүүдийн тэтгэмжийн мөнгийг шатлалтайгаар нэмье. Ингэхдээ одоо байгаа 218 мянган одонтой эхчүүд хэвээрээ байна. Тэдэнд олгож буй 100, 200 мянган төгрөг буурахгүй. Харин хүүхдийнх нь тоогоор үечилж нэмбэл ямар вэ гэдэг судалгааг хийж байгаа” гэв.

А.СҮРЭН

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

8 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-17 139.5.216.116

Хүүхдийн мөнгө бүрэн олго л доо л***р аа

Avatar

Зочин 2019-04-17 139.5.216.116

ЧИНЗОРИГ САЙД АА, ТА ОХУ БОЛОН БУСАД УЛСЫН ЖИШГЭЭР ХҮҮХДИЙН ТООНООС ХАМААРУУЛЖ ӨРХИЙН ГИШҮҮНИЙ ХУВЬ ХҮНИЙ ОРЛОГЫН АЛБАН ТАТВАРЫГ ХҮҮХДИЙН ТООНООС ХАМААРУУЛЖ БУУРУУЛАХ, ХӨНГӨЛӨХ, ЭСХҮЛ БУЦААН ОЛГОЛТ ХИЙДЭГ ХУУЛИЙН АСУУДЛЫГ СУДАЛЖ ҮЗЭЭД 2020 ОНЫ СОНГУУЛИЙН ХӨТӨЛБӨРТӨӨ ОРУУЛААЧ. ЖИШЭЭ Н: \n. 2-ООС ДЭЭШХИ ХҮҮХЭД ТУТАМД ӨРХИЙН ГИШҮҮНИЙ ЦАЛИНГИЙН ТАТВАРЫГ ХҮҮҮХЭД ТУС БҮРД 5 ХУВИАР ХӨНГӨЛӨХ ГЭХ МЭТ. тЭГВЭЛ 3 ХҮҮХЭДТЭЙ БОЛ 5 ХУВЬ, 4 ХҮҮХЭДТЭЙ БОЛ 10 ХУВЬ, 5 ХҮҮХЭДТЭЙ БОЛ 15 ХУВЬ ХӨНГӨЛӨХӨӨР БАЙЖ БОЛОХ.

Avatar

Зочин 2019-04-17 202.21.108.188

Өөрсдөө л хамрах хүрээг нь ихэсгэсэн ш дээ. 5 хүүхэдтэй одон авдаг байсныг 4 хүүхэдтэй болгочихоор чинь залуухан ээжүүд одон аваад насан туршдаа одонгийн мөнгөнд хамрагдана ш дээ. Халамжийн бодлого тооцоо судалгаагүй,улстөржиж яваад байгаа шүү дээ.

Avatar

зочин 2019-04-17 64.119.22.201

Хүүхэдүүдээс 20 мянган төгрөг харамлаж өгч чадахгүй байж юуун хүн ам өсгөх бодлог яриаад байгаа юм бэ?

Avatar

Даваа 2019-04-17 66.181.160.34

Буруулвал барьж идүүлнэ штээ худлаа царайлсан хөөрхийсүүд

Avatar

Зочин 2019-04-17 66.181.161.104

Одонгийн мөнгийг бууруулна гэж хэн нэгэн нь ярьчихсан юмаа даа янз нь. Тэгээд бууруулах гэж байсан одонгийн мөнгийг бид нар ийм мундаг болохоороо бууруулалгүй авч үлдлээ гэж сүр бараатай мэдэгдэж нтр. Хажуугаар нь бас нэг нь хүүхэд эндсэн ч гэсэн одонгийн мөнгө өгнө гэж попроод л… Одонгийн мөнгө өгдөг одоо байгаа тогтолцоо юу нь болохгүй байгаа юм. Харин түүний оронд хүүхдийн мөнгөө хүүхэд бүрт өгнө гэсэн нь илүү үр дүнтэй.

Avatar

Zochin 2019-04-17 202.21.117.178

Nemeh heregtei shuu!

Avatar

Иргэн 2019-04-17 202.21.124.19

Тийм байлгүй дээ. Одонгийн мөнгийг хасах биш бүр нэмэх юм байна. Хүүхдийг төрүүлдэг нь эх хүн. Харин хүүхдийг улсад хэрэгтэй зөв монгол хүн болгож өсгөж төлөвшүүлэх гол нэгж бол гэр бүл. Тиймээс гэр бүлийг хөгжүүлэх тал дээр манайд бодлого алга. Гэр бүлийг зөв үүсгэх, тогтвортой байлгах, хөгжүүлэх, дэмжих, бэхжүүлэх бодлого л хэрэгтэй байна. Гэхдээ хавтгайрсан халамж биш. Ядаж л хувь хүний орлогын албан татварын хувь хэмжээг хүүхдийн тоотой уялдуулж болно ш дэ. Судлах л хэрэгтэй бна.

NewsMN Гар утасны хувилбар Татах
NEWS.mn

Мэдээллийн эх сурвалж