Хүн төрөлтхөний эв нэгдлийн бэлгэдэл олимпийн наадмаас Монголчууд бидний авсан 2 алтан медалийн нэг нь боксын спорт юм. 71 жилийн түүхтэй манай улсын боксын спортод эх орныхоо нэр алдрыг гаргасан олон тамирчид байдгийн нэг нь анхны Ази тивийн хошой аварга, боксын спортын ууган гавьяат тамирчин, Ардын багш Хайдавын Алтанхуяг юм. Түүний энэ спортын төлөө урсгасан хөлс, зүтгэсэн зүтгэлээр боксын спортыг сонирхон хичээллэгч  хүүхэд багачуудын тоо өдрөөс өдөрт нэмэгдэж, түүний шавь нар нь ОУ чанартай тэмцээн уралдаанд амжилттай оролцон боксын спортын медалийн буухиаг үргэлжлүүлсээр байна. Тэгвэл энэ сарын 09-14-ний хооронд ирээдүйн их спортын алдартнуудыг төрүүлэх зорилгоор Монголын боксын холбоо “Топ түнш” Капитрон банкны дэмжлэгээр Спортын төв ордонд “Залуучуудын улсын аварга шалгаруулах тэмцээн”-ийг амжилттай зохион байгууллаа.

Энэ удаагийн тэмцээнд нийслэлийн болон 20 шахам аймгийн спорт хороо, клубүүдийн эрэгтэй, эмэгтэй залуу тамирчид хүч, ур чадвараа сорин өрсөлдсөн юм.  Жилээс жилд өсвөрийн болон залуучуудын аварга шалгаруулах тэмцээнд оролцогчдын тоо нэмэгдэж, түүнийг дагаад өрсөлдөөн улам бүр ширүүсч байгаагаас харахад дараагийн олимпийн аварга төрөхөд ойрхон байгааг илтгэж байна. Энэ их үйлсэд Капитрон банкны хамт олон бодит хөрөнгө оруулалт хийж байгаадаа туйлын сэтгэл хангалуун байна. Цаашид ч Капитрон банк болон Монголын боксын холбооны хамтын ажиллагаа улам өргөжин тэлэх болно.

Дашрамд дуулгахад “Залуучуудын Улсын Аварга Шалгаруулах тэмцээн”-д амжилттай оролцож шалгарсан тамирчид ирэх 11 дүгээр сард Улаанбаатар хотноо зохион байгуулах Ази тивийн залуучуудын аварга шалгаруулах тэмцээнд оролцох эрхтэй болох юм.

Монголын ширээн бээлийтнүүдийн алдар бадрах болтугай

Монголын боксын холбооны “Топ түнш” Капитрон банк