Холливудын нэрт жүжигчин Анжелина Жоли Британийн “The Sun” сэтгүүлд ярилцлага өгчээ. Тэрбээр ярилцлагадаа өнгөрсөн хугацаанд хүндхэн сорилтуудтай нүүр тулсан талаараа ярьсан байна.

Анжелина Жоли “Би хүүхдүүдийнхээ ачаар л далайн шуургаас амьд гарсан. Хэрвээ тэд миний хажууд байгаагүй бол амьдралын ямар тойрогт байхаа би хэлж мэдэхгүй юм. Сүүлийн 10 жилийн хугацаанд надтай учирсан хамгийн хүндхэн сорилт бол “салалт” байлаа. Үнэхээр тэсвэрлэхийн аргагүй өвдөлт мэдэрсэн.

Брэд Питт бид хоёрын салалттай холбоотой маш олон дуулиан байдаг. Гэхдээ энэ талаар ярихыг хүсэхгүй байна. Салалтын гол буруутан нь бид хоёулаа. Ганцхан үнэн бол энэ салалтад хамгийн их хохирч, шархалсан нь хүүхдүүд минь. Тэдний шархалсан бяцхан зүрхийг эдгээхэд их л хугацаа шаардлагатай байх” гэжээ.

Б.ЖАРГАЛ