Э.Энхболд: Эмч, ээж байгаагүй бол суга таягтай явах байсан | News.MN

Э.Энхболд: Эмч, ээж байгаагүй бол суга таягтай явах байсан

Э.Энхболд: Эмч, ээж байгаагүй бол суга таягтай явах байсан

Э.Энхболд: Эмч, ээж байгаагүй бол суга таягтай явах байсан

Хүүхдийг ивээх сангаас “Бид бүгдээрээ өөрөөр” сошиал аян эхлүүлээд байгаа билээ. Тус аяны зорилго нь бусдын ярьдгаар хөгжлийн бэрхшээлтэй гээд байгаа хүн нь өдөр тутмын энгийн үйлдлүүдээ өөр өөрийн гэсэн арга барилаар хийдэг ч, өөр аргаар хийлээ гээд сурч чадахгүй, ажиллаж чадахгүй, зорилго, мөрөөдөлдөө хүрч чадахгүй гэсэн үг биш гэдгийг нийгэмд ойлгуулах. Уг аянд олны танил болон амжилтад хүрсэн олон хүн нэгдээд байгаа билээ. Тэдний нэг нь загвар өмсөгч Э.Энхболд юм. Тэрбээр аянд нэгдэж өөрийн “өөр” түүхийг хуваалцлаа.  Түүний түүхийг хуваалцъя.

Би тэргэнцэр дээр сууж, суга таягтай явдаг байж болох л байсан. Миний бие анх эхээс мэндлэхдээ хэвлийн буруу байрлалаас үүдсэн төрөлхийн хөлний гажигтай төрсөн байдаг. Яг ямар гажиг гэхлээр түнхний мултрал болон хөлийн тавхайгүй төрсөн юм. Хөлийн тавхайгүй гэдэг нь хөлийн өсгий байхгүй, шагай буруу байрлалтай, тавхай эргэж дээшээ харсан, дугуйрсан хөлтэй төрсөн гэсэн үг. Хэрвээ алтан гарт эмч, ачит ээж минь байгаагүй бол өдийд загварын тайзнаа алхах байтугай хоёр хөл дээрээ бүрэн зогсож чадах үгүй нь эргэлзээтэй байсан юм.

Ингээд ээж минь хорин хэдхэн настай ганц бие залуухан бүсгүй хүүгээ төрүүлээд тэнгэр хол, газар хатуу байх үедээ шүд зуун, нулимс дуслуулан хүүгээ бусдын адил эрүүл саруул хүү болгож хөл дээр нь зогсооно хэмээн өөрөө өөртөө амлалт өгч, мэдэж чадах, очиж хүрэх бүх арга чаргаа хэрэглэн сэтгэл шулуудан явж байх үедээ Гэмтлийн эмнэлгийн ачит Буркан эмчтэй уулзаж итгэлийн үзүүрээс атгасан байдаг.

Тухайн үед миний хөлийг эмчлэх арга төдийлөн оновчтой бус байсан ч Буркан эмч нэгэн зоригтой эмчилгээ санал болгосон нь механикаар эмчлэх буюу шөрмөс сунгах зарчмаар эмчлэх арга юм. Буруу байрлалтай хөлийн шөрмөсийг хүчээр сунгаж зөв хэлбэрт оруулахаар гипсдэж, хэд хоногийн дараа гипсийг задлан тухайн цэгээс дахин цааш сунгаж гипсдэх зарчмаар хэвийн байдалд нь оруулах эмчилгээ нь амар бас өвдөлтгүйгээр байгаагүй юм. Надтай адил оноштой хэд хэдэн хүүхдүүд тухайн үед байсан ч бүрэн эдгээгүй гэж ээж хожим нь надад хэлж байж билээ.

Ээж, хүү хоёр төрөөд сар гаруй хоносны дараа эмчилгээгээ эхлүүлж, ээж намайг үүрэн 120-оос одоогийн 11 дүгээр хорооллын хуучин гэмтлийн эмнэлэг хүртэл гурван жил гаруй эмчилгээндээ явсныг хожим хамаатны ах, эгч нар маань ярьж өгдөг байлаа.

Хөлний гипс задлах бүрт дотроос нь есөн шидийн юм гарч ирнэ. Шүдэнзний мод, савх, халбага гээд л. Чааваас байнга гипстэй байдаг болохоор загтнаж, эрвэгнэж, тэсгэл алдахдаа аминдаа маажиж санаатай тэдгээрийг хийдэг байсан юм шиг байгаа юм.

Одоо бодоход ээж минь үнэхээр их тэсвэр тэвчээртэй, сэтгэлийн хаттай гэдгийг, үрээ гэсэн эхийн сэтгэл ямар агуу гэдгийг нотлох шиг.

Тэр үед би явж чаддаггүй хөдөлгөөн муутай байсан болохоор жин ихтэй том биетэй хүүхэд ээжийгээ яасан их ядраасан бол. Ганц бие бүсгүй өвчтэй хүүхдээ ганцаараа өсгөх яасан хэцүү байсан бол. Хүүгээ өвчиндөө шаналж уйлж, байж ядаж байхыг хараад сэтгэл нь яаж эмтэрч байсан бол  гээд л их зүйлийг боддог. Бодох тусам ээжийнхээ ачийг яаж хариулна даа гэх бодол толгойноос гарахгүй эргэлддэг байж билээ. Харин ээж минь хариуд нь миний хүү сайн хүн болж, сайн сайхан явж ээжийнхээ ачийг хариулаараа гэж хэлж байж билээ.
Тиймдээ ч би хичээдэг. Бүх гэр бүлүүд бүтэн сайхан амьдраасаа гэж хүсдэг.Ингээд ээж хүү хоёрын эмчилгээ амжилттай дуусч би дөрвөн нас гарантайдаа хөл дээрээ бүрэн зогсож энгийн хүүхдүүд шиг гүйж харайж, өдий зэрэгтэй явж байгаа нь алтан гарт эмч нар, ачит ээж, эмээ, өвөө, ах, эгч нарийн маань надад бэлэглэсэн бэлэг гэж боддог.

Яг үүн шиг хөгжлийн бэрхшээлтэй иргэд амаараа үзгээ барьж, хуруугаараа тэмтрэн ном уншиж, дохиогоор ярьж, тэргэнцэртэй явах гэх мэт аливаа зүйлсийг арай өөр арга барилаар, жоохон өөрөөр л хийдэг болохоос эцсийн дүндээ бүгд л хийж, бүтээж, хөгжиж чаддаг гэдгийг хэлэх гэсэн юм. Арай өөрөөр хийдэг байлаа гээд ялгаатай гэсэн үг биш тэд үүнийг хүсээгүй.

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
2
ГайхмаарГайхмаар
1
ХөөрхөнХөөрхөн
0
ХахаХаха
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

18 сэтгэгдэл

News.mn сайтад сэтгэгдэл оруулахад анхаарах зүйлс

Avatar

zochin 2019-04-13 202.131.231.86

Yamar mundag eej ve

Avatar

зочин 2019-04-13 66.181.181.34

Ээж, эмч нарынхаа ачийг санаж явдаг мундаг залуу байна. Иймдээ ч өдий зэрэгтэй\nсайн ханьтай, сайхан амьдралтай, дуртай ажилтай явдаг байх. Коммент бичиж байгаа\nзарим хүмүүс ийм хүмүүст атаархах хэрэггүйээ. Энхболд шиг хөдөлмөрлө, бас дахин хөдөлмөрлө,\nхүний ач тус санаж яв. Сэтгэлдээ муу бодол бүү тээ. Тэгвэл энэ залуу шиг амжилттай явах ч\nюм билүү. Харин энэ мундаг залууд амжилт хүсье дээ.

Avatar

Zochin 2019-04-13 202.9.44.67

Eejiinhee achiig hariulaarai, zaluu mini. Amjilt huseye!

Avatar

балай нүгэлт 2019-04-13 202.9.42.241

Залуу охин Чамин-Эрдэнийн амиа алдахад гар бие оролцсон тэнэг залуу даа. Эрийн шинжгүй, тэнэг хүүхнүүдийн аясаар донгосоод байсан, шоун дээрээ

Avatar

Зочин 2019-04-13 202.9.42.241

бас нэг эцэггүй бутач, ийм амьтас л нийгэмд халгайтай хүмүүс болж төлөвшдөг юмдаа

Avatar

Зочин 2019-04-13 1.2.250.162

Солиотой мал. Чам шиг ийм хүмүүс л нийгэмд хамгийн их халгайтай

Avatar

Зочин 2019-04-13 159.28.222.234

Enkhbold hen baih ni neeh hamaa alga eejid ni morgoj yaviya orcholongiin saihan eej yaj ch bsain uree gdeg unheer saihan humuus shuuu

Avatar

Зочин 2019-04-13 66.181.183.103

s******n gar shuu bas. Iim balau yumnuudig od gj setguulchid hoorgosoor bhad durdee itgetsen. Zuragt sonin hevleleer neg l augaa ih uhaantai, buhniig medegch, philosofchid garaad bdag. Ichih medremj bhgu n ataarhmaar yum

Avatar

Зочин 2019-04-13 103.57.93.115

chi muu ooroo jinhene alia hogiin gar bgaa daa. hund ataarhahaas oor yu ch hiij chadahgyi l***r mini

Avatar

Зочин 2019-04-13 1.2.250.162

Өрөвдмөөр чам шиг юмнууд энэ нийгэмд хорвоогийн тоос хөдөлгөөд яваад байгаа нь ямар их эмгэнэл вэ. Түүний хийснийг, түүний хүрсэн амжилтанд чи ядаж дөхөж ч очихгүй хар мал, хумсаа мэрээд атааархаад суухаас өөр юу ч чадахгүй л дээ.

Avatar

showman 2019-04-13 104.59.120.41

зөвхөн ээж, эх хүн л үрийнхээ төлөө бүхнийг хийж чдана, ээжээр нь бахархаж байна,

Avatar

Зочин 2019-04-13 122.201.21.78

ene tm ch sain zaluu bish ee.

Avatar

Зочин 2019-04-13 202.9.42.241

золбин залуу юм бна лэ

Avatar

Zochin 2019-04-13 213.205.242.176

Harvaas gajig gar bna. Ailiin avgai nariin tolgoi ih erguulehdee sain nuhur doo

Avatar

Зочин 2019-04-13 1.2.250.162

Хаха толгой нь олгой болсон тэр айлын авгайчуудын л хохь

Avatar

Зочин 2019-04-13 202.21.108.160

Эхийн ачийн тухай яасан сайхан бичээ вэ. БАЯРЛАЛАА.

Avatar

иргэн 2019-04-13 103.26.194.175

Том хувь зохиолтой азтай хүүхэд юм. Хувь тавилангаа нандигнан хайрлаж яваарай.

Avatar

Зочин 2019-04-13 103.57.93.190

Ээж хүний агуу хайр,агуу хөдөлмөр , агуу тэсвэр тэвчээрээр бахархаж байна. Миний ээж хэлэхдээ Хүнээр хүн хийх шиг агуу хөдөлмөр хорвоод байдаггүй гэдэг байсан. Сайхан ээж заясанд баяр хүргэе!!!

NewsMN Гар утасны хувилбар Татах
NEWS.mn

Мэдээллийн эх сурвалж