Д.Оюунхорол: Багш нарын орон сууц хөтөлбөрийг хэрэгжүүлнэ | News.MN

Д.Оюунхорол: Багш нарын орон сууц хөтөлбөрийг хэрэгжүүлнэ

ОЮУНХОРОЛ

Д.Оюунхорол: Багш нарын орон сууц хөтөлбөрийг хэрэгжүүлнэ

Д.Оюунхорол: Багш нарын орон сууц хөтөлбөрийг хэрэгжүүлнэ

 Багш нарын VII их хурлын төлөөлөгчдөд хандан Нийгмийн бодлого, боловсрол, соёл, шинжлэх ухааны байнгын хорооны дарга Д.Оюунхоролын хэлсэн үгийг бүрэн эхээр нь хүргэж байна. 


Монголын багш нарын VII их хуралд сургууль, хамт олныхоо итгэлийг хүлээж сонгогдон оролцож байгаа эрхэм хүндэт багш, сурган хүмүүжүүлэгчид Та бүхэндээ Монгол Улсын Их Хурлын Нийгмийн бодлого, боловсрол, соёл, шинжлэх ухааны байнгын хорооны нэрийн өмнөөс болон хувиасаа мэндчилгээ дэвшүүлж, ажил хөдөлмөрийн өндөр амжилт, амьдралын сайн сайхан бүхнийг хүсэн ерөөж буйг минь хүлээн авна уу.

Монголын багш нарын VII их хурал та бүхний дэмжлэг оролцоотойгоор хоёр өдөр амжилттай зохион байгуулагдан өндөрлөх гэж байна.

Дэлхий ертөнц даяарчлагдахын хэрээр өнөөдөр улс орон бүр тогтвортой хөгжлийн эх сурвалж, хөдөлгөгч хүчийг хүн төрөлхтний олон зууны туршид хуримтлуулсан оюун санааны үнэт зүйлс, их өвтэй холбон үзэж байна.

Энэхүү цаг үед эрдэм боловсролыг хойч үедээ өвлүүлэн, тэднийг хөгжил дэвшлийн хурдацтай хөл нийцүүлэн алхаж чадах идэвхтэй бие хүн болгон хөгжүүлж, төлөвшүүлэхэд багш Та бүхний хүлээсэн үүрэг, бүх талын оролцоо өндөр байх учиртай гэдгийг онцлон тэмдэглэхийг хүсч байна.

Улсын Их Хурлаас “Багшийн хөгжлийг дэмжих тухай хууль”-ийн төслийг өнгөрсөн онд хэлэлцэн баталсан билээ.  Хууль батлагдсанаар багшийн мэргэжлийн тасралтгүй хөгжлийг дэмжих, оролцоог хангах, тэдний хөдөлмөрийг бодитой үнэлэх асуудлыг зохицуулсан бие даасан эрх зүйн орчинтой болсон бөгөөд багшид ажлын гүйцэтгэлд суурилсан урамшууллыг олгож эхэллээ.

23 жилийн дараа хуралдаж байгаа энэ их хурлын индэр дээрээс Монгол улсын Ерөнхийлөгч, Монгол улсын Ерөнхий сайд, БСШУС-ын сайд бүгд чин сэтгэлээсээ багш нарыг хөнгөлөлтэй нөхцөлөөр орон сууцжуулах шийдвэрийг яаралтай гаргах хэрэгтэй хэмээн ярьж байгаад туйлын баяртай байна. Орон сууцны хөтөлбөрийг хэрэгжүүлэх санхүүжилтийг шийдвэрлэх улс төрийн шийдвэр гаргахад НББСШУ-ны байнгын хороо манлайлан ажиллана гэдгээ та бүхэндээ энэхүү эрхэм хүндтэй индэр дээрээс амлаж байна.

Монголын боловсролын салбарын 95 жилийн түүх бол үргэлж урагшилсан, ахиж дэвжсэн, үе үеийн багш сурган хүмүүжүүлэгчид та бидний бүтээсэн хамтын түүх гэж бодож, ойлгож, бахархаж байдаг юм.

Өнөөдөр монголын боловсролын салбар дэлхийн хөгжилтэй мөр зэрэгцэн хөгжиж байгаагийн нэг илэрхийлэл бол олон мянган оюунлаг залуус маань дэлхийн тавцанд эх орныхоо нэрийг өндөрт гаргаж, бахдам сайхан амжилт гарган ажиллаж амьдарч байна.

Эдгээр залуус бүгдээрээ багш та бүхний хөдөлмөрийн үр шимээс соёолон гарсан үр дүн юм аа.

Энэ зааланд миний 10 жилийн ангийн Ичинхорлоо багш маань хүрэлцэн ирсэн байгаа. Багш тандаа болон нийт багш нартаа мянга мянган шавь нарынх нь өмнөөс баярлалаа гэдэг үгийг дахин дахин хэлмээр байна.

Монгол Улсын Их Хуралд 2019 оны улсын төсвийн хуулийн ажлын хэсгийг ахлан ажиллах завшаан тохиож гишүүдийнхээ дэмжлэгтэйгээр боловсролын үйлчилгээний хүртээмж, чанарыг сайжруулахын тулд улсын төсвийн санхүүжилтийг 231.0 тэрбум төгрөгөөр нэмэгдүүлж, 2019 оны төсөвт ерөнхий боловсролын сургууль 123, цэцэрлэг 176,сургууль-цэцэрлэгийн цогцолбор 7-г шинээр барихаар суулгаснаас 58 сургууль, 134 цэцэрлэг, 5 цогцолборыг 2019 онд дуусгаж ашиглалтад оруулахаар төлөвлөсөн билээ.

Эдгээр сургууль, цэцэрлэгүүд ашиглалтад орсноор сургуулиудын, анги танхимын хүртээмж нэмэгдэж мөн нөгөө талаас багш нарын ачаалал буурах бололцоо бүрдэнэ.

Энэхүү шийдвэрийг гаргах, хэрэгжүүлэхэд сэтгэл гарган зүтгэж байгаа Монгол улсын Ерөнхий сайд Хүрэлсүх, БСШУС-ын сайд Баатарбилэг, Сангийн сайд Хүрэлбаатар нарт нийт багш нарынхаа нэрийн өмнөөс талархал илэрхийлж, амжилт хүсье.

Боловсролын үйлчилгээнд иргэдийг жигд хамруулах, тэгш боломж олгох, чанартай боловсрол эзэмшүүлэх, багш, ажилтны нийгмийн баталгааг хангах зэрэг асуудлаар хууль, эрх зүйн орчныг улам боловсронгуй болгох, хууль тогтоомжийн хэрэгжилтийг хангах, гүйцэтгэлд хяналт тавих талаар тус Байнгын хорооноос Засгийн газар, Боловсрол, соёл, шинжлэх ухаан, спортын яамтай хамтран ажиллаж ирсэн бөгөөд цаашид ч энэ асуудалд онцгой анхаарч илүү идэвхтэй, үр дүнтэй хамтран ажиллах болно.

Монгол улсын иргэнийг эх орон газар нутгаа хайрлан хамгаалдаг, эцэг эх, ёс заншлаа дээдэлдэг, эх хэл, түүх соёлоо эрхэмлэдэг, эх оронч-эрэлхэг зоригтой, эрүүл чийрэг, эрдэм мэдлэгтэй болгон төлөвшүүлэхэд багш хүн бүрийн үүрэг, хариуцлага маш чухал гэдгийг Монгол Улсын Ерөнхийлөгч, Ерөнхий сайд, Боловсрол, соёл, шинжлэх ухаан, спортын сайд, ахмад багш нар маань онцлон тэмдэглэж байна.

Ийм иргэнийг төлөвшүүлэхэд бид боловсролын тогтолцоондоо сэтгэлийн боловсрол, сэтгэлийн эрүүл мэнд, уламжлалт ёс суртахуун, ёс заншлыг цогцоор нь авч үзэж, хүүхэд багачууд, оюутан, суралцагчдад хичээл сургалтаар оруулах зайлшгүй шаардлагатай байна.

Хүмүүний дотоод үнэт зүйл болсон эцэг эх, ачит багш, ахмад настан, ах дүү, бусад хүмүүсийг хүндэтгэн дээдэлдэг, хүн чанартай, энэрэнгүй нинжин сэтгэлтэй, өөрийн алдаа эндлийг олж харж чаддаг, бусдыг уучилдаг, амьдралын үнэ цэнийг мэддэг, амьдралынхаа зорилгыг зөв тодорхойлдог, түүнд хүрэх зөв арга замыг мэддэг, эв эеийг эрхэмлэдэг, зөв сэтгэлгээтэй, зөв хүмүүжилтэй монгол иргэнийг бэлтгэх нь манай нийгмийн захиалга, хувь хүний эрэлт хэрэгцээ төдийгүй дэлхий нийтийн чиг хандлага болоод байна.

Өнөө цагийн нийгмийн ёс суртахууны бодит байдлыг бид их хурлаараа ил тод хэлэлцэж, зөв шийдвэр гарган тодорхой үр дүнд хүрэх нь чухал байна.

Цахим хэрэгслээр урсан орж байгаа олон төрлийн мэдээллүүдэд задлан шинжилгээ хийж хэрэгтэйг нь авч, ач холбогдол багатай хэрэгцээ шаардлагагүйг нь орхидог сэтгэлгээний боловсрол, хүмүүжил, чадвар, арга зүйд өсвөр үе, хүүхэд залуучуудыг сурган бэлтгэхэд манай багш нар шийдвэрлэх үүрэгтэй оролцох ёстой билээ.

Багш нар маань энэ эгзэгтэй цаг үед сурган хүмүүжүүлэх хариуцлагатай албандаа жинхэнэ соён гэгээрүүлэгч, ертөнцийн толь гэдгээ хэзээ ч мартаж болохгүй шүү хэмээн уриалмаар байна.

Багш нар хамтарч багаар ажилладаг, бие биедээ итгэдэг, дэмждэг, бусдад үлгэрлэдэг, бусдыг хүндэлдэг, бусдад хүндлэгддэг, сайн сайхан бүхнийг манлайлагчид байхыг цаг үе биднээс шаардаж байна.

Багшийн ажлын нэр хүндийг нийгэмд өргөх, ойлгуулах, эцэг, эх, суралцагчид, иргэн бүр багшийг хүндэтгэдэг тийм хандлагыг сэргээн бий болгож, боловсролын салбарын өөдрөг, өнгөлөг гэгээлэг бүхий л үйлсийг дэмжин, хамтарч урагш алхахын төлөө зүтгэн ажиллах хэрэгтэй байна.

Багш нарын хувьд ажлын ачаалал ихтэй, цалин хөлс багатайгаас гадна илүү цагаар хөдөлмөрлөдөг, ажлын орчин нөхцөл хангалтгүй, нийгмийн хамгааллын асуудлаа бүрэн шийдвэрлүүлэх боломжгүй явж ирснийг бид бүхэн сайн мэднэ.

Монгол Улсын Засгийн газраас боловсролын салбарт болон багш нарт тулгамдсан асуудлыг шийдвэрлэхээр гаргасан өнөөдрийн шийдвэр нь эх орны ирээдүй болсон хүүхэд, залуу үеийг сурган хүмүүжүүлэх их үйлст өөрийн эрүүл мэнд, ажил амьдрал, ар гэрээ умартан хоёргүй сэтгэлээр хөдөлмөрлөж ирсэн багш, сурган хүмүүжүүлэгч Та бүхний ирээдүйд том ахиц өөрчлөлт, урам зориг, итгэл авчрах чухал шийдвэр гаргасан МУ-ын Ерөнхий сайд Хүрэлсүх танд мянга мянган багш нарынх нэрийн өмнөөс талархал илэрхийлье.

Энэхүү шийдвэрийн хэрэгжилтийг хангахад Байнгын хорооноос бодлогын дэмжлэг үзүүлж, бүхий л талаар Засгийн газартай хамтран ажиллах болно.

Хувь хүний мэдлэг, ур чадвар, үнэт зүйлс, хандлага, хувь хүний зан үйлийг хөгжүүлэхэд чиглэсэн сургалтын идэвхтэй хэлбэрт шилжих, өнөөдөр бидэнд хамгийн тулгамдаад байгаа нийгмийн гаж үзэгдэл болох

  • бүхнийг шүүмжлэх сэтгэлгээнээс салах,
  • цаашлаад залхуурал, ядуурал, стресс дарамтын тойргоос иргэдийг гаргахад багш та бүхнийг манлайлан ажиллаж чадна гэдэгт би итгэлтэй байна.

“Сайн багш – хөгжлийн үндэс суурь” гэдэгтэй хэн бүхэн санал нийлдэг. Хүн ардаа эрүүл чийрэг, эрдэм боловсролтой, эх орноороо бахархдаг, иргэншиж төлөвшсөн, шинэ үеийн хариуцлагатай иргэн болж төлөвшүүлэхэд онцгой анхаарч монгол хүний иргэний боловсролыг дээшлүүлэхэд өөрсдийн эрдэм оюун, хүч чадлаа зориулан ажиллахыг нийт багш, сурган хүмүүжүүлэгчид төлөөлөгч Та бүхэндээ  уриалж байна.

Монголын багш нарын VII их хурал багш нарын нийгэмд гүйцэтгэж байгаа үүрэг, багш-шавийн нандин холбоос, манай багш нар цогц чадамжтай, ёс зүйтэй, чадварлаг боловсон хүчин болж хэрхэн хөгжиж байгааг илтгэсэн өндөр ач холбогдолтой арга хэмжээ боллоо.

Энэхүү арга хэмжээг хоёр өдрийн турш амжилттай зохион байгуулсан баг хамт олонд, улс даяар шууд дамжуулан айл бүрийн хойморт хүргэсэн Монголын Үндэсний олон нийтийн телевиз болон “Ийгл” телевизийн хамт олонд нийт төлөөлөгчдийнхөө нэрийн өмнөөс чин сэтгэлийн талархал илэрхийлье.

Эрхэм багш нартаа сурган хүмүүжүүлэх их үйлст амжилт хүсье.

Номын цагаан буян дэлгэрэх болтугай.

 

 

"Болор дуран"-аар шалгав.
Энэ мэдээнд өгөх таны сэтгэгдэл?
7
ЗөвЗөв
4
ГайхмаарГайхмаар
3
ТэнэглэлТэнэглэл
2
ХахаХаха
2
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

25 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-12 104.143.92.134

Энэ авгай Түргэний аманд байгаа Арабын буцалтгүй тусламжийн байгууламжинд хэдэн хамаатнуудаа оруулцан

Avatar

үнэн болов уу даа 2019-04-12 103.11.193.170

гоё гоё юм яриад л

Avatar

Худалч гар 2019-04-12 103.11.195.34

Сонгууль дөхөж байгаагын шинж. Олонхын цөөнх юу ч хийж чадахгүй.

Avatar

Амьтан 2019-04-12 192.82.64.212

Ичээнээсээ гарч байгаа юм биздээ, Хэдэн сар идэж байгаад дахиад ичээндээ орно доо. Амьтан биш хүн сонгомоор юм даа

Avatar

ЗАЙЛАА 2019-04-12 192.82.64.212

NEWS-д хэдэн төг өгчдээ. Ш. АДЪЯАМАА үүрэг аваад нийтэлсэн бололтой. Энэ авгайгаас авдагаасаа ихийг нэхэж юм нийтлээрэй дээ

Avatar

ХАХА 2019-04-12 103.212.116.26

ОЮУНХОРОЛД ХУЛХИДУУЛАХ ЮМ БИЗДЭЭ

Avatar

аашжийнэ 2019-04-12 49.0.213.81

Духлаа аашиж байгаа юм, тийм сүрхий юм бол өнгөрсөн 3 жил юугаа хийж байсийн, сонгууль дөхөхлөөр худлаа шаах гэж зидпаа чинь

Avatar

Иргэн 2019-04-12 64.119.24.137

Боловсролын бодлого, хууль тогтоомжийг боловсронгуй болгох, хэрэгжүүлэхэд Байнгыг хорооны дэмжлэг чухал ... Оюунхорол гишүүн хэлсний хийдэг хүн шүү!

Avatar

Дарь 2019-04-12 202.126.89.73

Ахмад багш нар маань ч байртай болох нь зүйн хэрэг их хурлын гарч буй шийдвэрт баярлаж байна.

Avatar

Зочин 2019-04-12 43.242.243.128

Байнгын хороо нь хөтөлбөр хэрэгжүлэх үү??? асуудлаа хариуцсан салбарын яам нь хэрэгжүүлэх үү?? ПОПОРНО ПОПОРНО гэхэд дэндүү попорох юм. Сонгууль дөхөхөөр ингээд худлаа хцаад эхлэх юм

Avatar

kkk 2019-04-12 49.0.213.81

яг үнэн

Avatar

Zochin 2019-04-12 202.126.89.109

Bagsh gej busad ard tumniig yalgaj gaduurhsan bodlogo, huwiin ashig sonirhliin zurchil, uunii orond niit ard tumnii asuudal yarih ni zuitei baina. Ashih sonirhliin uudnees yawtsuuraad baina.

Avatar

zochn 2019-04-12 64.119.21.46

Bagsh nart zoriulj barih oron suuts hyamd , nehtseltei baikh heregtei,.Odoo tsalin ny hurehgyu yadaj baigaa ulsd bairnii telber geed dahin daramt egeh yum bol hetsuudne .Morgage-iin zeel avsan dundaj davkharga chin yaduusiin egneend shiljij baina.

Avatar

Зочин 2019-04-12 103.229.121.163

ЯАЖ МӨНГӨ ШААХУУ ГЭЭД Л БАЙЖ ЯДААД Л МУУХАЙ АВГАЙ

Avatar

Зочин 2019-04-12 69.9.194.110

Энэ мэдрэл одоо илтгэл тавиад байгаа муу өөр олигтой амьтан олдсонгүй ээ энэ ЗГ-т. Улсын мөнгийг хувийн ТББ-аараа идэж шамшигдуулж балайрч явсанаа одоо мартаа юу энэ. Боловсролын салбарын нэрийг гутаасан тэнэг авгай. Ухаантай болох гээд ядчих юм байна л даа.

Avatar

Зочин 2019-04-12 112.72.12.6

Унтаа гишүүн сэрж чадах болов уу?

Avatar

Zochin 2019-04-12 66.181.161.120

Songuuli duhuud untaa avgai serj saihan zantai bolson baina

Avatar

kk 2019-04-12 202.179.25.245

Muratiin Boovguli geed huuhen ene hurald suuj baihiin

Avatar

Оюунхорол авгай зайлаа 2019-04-12 64.119.26.46

Төрийн бөглөөс зайлж үз. Ичихгүй манай БЗД-т дахиж дэвшиж булай болов

Avatar

Зочин 2019-04-12 45.41.180.14

энэ авгай одоо Элбэгдоржийн хамсаатан болсон бололтой. Байсхийгээд л Элбэгээгийн хувийн сайтад өөрийгөө магтуулж гаргахийн

Avatar

Хоодон 2019-04-12 202.126.89.83

Olon saihan ajluudiig hiij heregjuulj ajillaj chadaj baigaa tandaa ulam ih amjiltiig husey

Avatar

сугар 2019-04-12 27.123.214.2

ЭНЭ БОЛ МӨНГӨ ИДДЭГ АРГА НЬ НЯМДОРЖ ЦАГДАА НАРТАА БАЙШИН БАРИСАН НОВШИЙН ГАХАЙНУУД

Avatar

ОД 2019-04-12 103.87.255.62

энэ авгай хувийн хэдэн сургуулийнхаа багш нарыг л оруулна биз ардын багшийн төлөө хөдлөх хүн бишээ

Avatar

Зочин 2019-04-12 103.14.36.18

Багш нарын орон сууц хөтөлбөр их дэмий юм байгаам даа нэг дор олон багш нар байна гэдэг чинь тэр байр тэр чигээрэй найрын байр болно за тэгээд тэр найр хэд хоногоор үргэлжилнэ, тэдэн дунд дуртайн ч байна дургүйн ч байна. Харин тэрний оронд багш нарыг байртай болгох хөтөлбөр хэрэгжүүлбэл зүгээр юмсан тухайн багш ха дуртай газраа байраа аваг л дээ өөрт таалагдсан байраа сонгоод тэндээ аз жаргалтай амьдараг л дээ.

Avatar

нэргүй 2019-04-12 66.181.161.94

унтаж унтаж сая сэрсэсэрсэн чинь 10 гаран жил ард хоцорсон байна одоо 1 л жил угтаад л болоо до

NewsMN Гар утасны хувилбар Татах
NEWS.mn

Мэдээллийн эх сурвалж