Б.Батцэцэг Узбекистаны хөдөө аж ахуйн сайдтай уулзав

Хуучирсан мэдээ: 2019.04.12-нд нийтлэгдсэн

Б.Батцэцэг Узбекистаны хөдөө аж ахуйн сайдтай уулзав

Б.Батцэцэг Узбекистаны хөдөө аж ахуйн сайдтай уулзав

Узбекистан Улсад ажлын айлчлал хийж буй Гадаад харилцааны дэд сайд Б.Батцэцэг тус улсын Хөдөө аж ахуйн сайд Ж.А.Ходжаевтай 4 дүгээр сарын 10-ны өдөр уулзаж, хоёр улсын хамтын ажиллагааг хөдөө аж ахуйн салбарт хөгжүүлэх боломжийн талаар ярилцав. Сайд Ж.А.Ходжаев энэ салбарт хамтран ажиллах өргөн боломж байгаа, юуны өмнө хоёр улсын Хөдөө аж ахуйн яам хооронд ажил хэргийн хэлхээ холбоо тогтоож, хамтын ажиллагааны чиглэлийг тодорхойлсон баримт бичиг байгуулах нь зүйтэй гэв. Тэрээр Узбекистаны хөдөө аж ахуйн салбарт тус улсын хөдөлмөрийн хүн амын 60% ажилладаг бөгөөд энэ салбарт инновацийг нэвтрүүлж, кластерийг хөгжүүлэх нь чухал зорилт болж байгааг онцлов. Узбекистаны хөдөө аж ахуйн яамны дэргэд энэ салбарын боловсон хүчинг бэлтгэдэг академи, коллеж байдаг бөгөөд Монголоос оюутан хүлээн авч сургах боломжтой талаар узбекистаны тал дурдав. Дэлхийн 80 гаруй улсад жимс, жимсгэнэ, төрөл бүрийн хүнсний ногоо экспортолдог Узбекистан манай улсад хүнсний эко бүтээгдэхүүн нийлүүлэх боломжтойгоо илэрхийлэв. Дэд сайд Б.Батцэцэг Монгол Улс малын гаралтай бүтээгдэхүүн, түүний дотор мах, махан бүтээгдэхүүн экспортлох боломжтойг тэмдэглээд мал эмнэлэг, хорио цээрийн асуудал хариуцсан байгууллагуудаа шууд холбож ажиллах сонирхолтой байгаагаа илэрхийлэв.

Мөн өдөр Гадаад харилцааны дэд сайд Б.Батцэцэг Узбекистаны Аялал жуулчлалын Улсын Хорооны дарга А.У.Аккулов, Хөрөнгө оруулалт, гадаад худалдааны тэргүүн дэд сайд Л.Ш.Кудратов нартай уулзав. А.У.Аккулов Узбекистанд аялал жуулчлал сүүлийн жилүүдэд үсрэнгүй хөгжиж байгаа нь төр засгаас энэ салбарыг татварын болон төсвийн дэмжлэг, хөшүүргээр тэтгэж байгаатай холбоотой гээд Аялал жуулчлалын сан байгуулж, улс орныхоо сурталчилгааг хийхэд уг сангийн хөрөнгийг ашиглаж байгаа талаараа танилцуулав. Тэрээр мөн манай хэвлэл мэдээллийн байгууллагын төлөөлөгчдөд зориулж Узбекистантай танилцах аялал зохион байгуулахад дэмжлэг үзүүлэхээ илэрхийлэв.

Хөрөнгө оруулалт, гадаад худалдааны тэргүүн дэд сайд Л.Ш.Кудратов Узбекистанд хөрөнгө оруулалтыг хөхиүлэн дэмжих чиглэлд дэс дараатай арга хэмжээ авч байгааг дурдаад Монголын хөрөнгө оруулагчид, бизнесменүүдтэй хэлхээ холбоо тогтоож, хамтарсан форум, уулзалтыг Ташкент, Улаанбаатар хотуудад зохион байгуулах санал дэвшүүлэв.

Эх сурвалж: ГАДААД ХАРИЛЦААНЫ ЯАМ

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж