Багдадын ойролцоох цэргийн баазад ирэн цалингаа авах гэж байсан 43 хүн аллагын улмаас амиа алдлаа. Өөр 40 хүн шархадсан тухай AFP мэдээлж байна.
Амиа алдагсадын ихэнх нь суннитийн  "Сахва" ("сэтгэлийн сэрэлт" араб хэлээр) армийн сайн дурын журам цэргийнхэн байлаа. Уг арми нь АНУ-ын дэмжлэгтэйгээр 2006 оноос “Аль-Каида”-тэй тэмцсэн “Иракийн хөвгүүд” нэрээр алдартай бөгөөд 2008 оны намраас шиитийн Засгийн газрын мэдэлд шилжин тэндээс цалинжиж байжээ. Харин өөрсдийнхнөөсөө мөнгө авах болсноор тэдний цалин 300-100 доллар хүртэл буурсан байлаа.
Өнгөрсөн гуравдугаар сараас эхэлсэн улс төрийн хямралын улмаас алан хядагчид идэвхжиж эхэлсэн байна. Парламентад улс төрийн хүчний ямар ч нам давуу суудал авч чадаагүй учир эвслийн Засгийн газраа байгуулж чадахгүй байгаа билээ.