SOS: ХОТЫН УС ХОР БОЛЖЭЭ | News.MN

SOS: ХОТЫН УС ХОР БОЛЖЭЭ

SOS: ХОТЫН УС ХОР БОЛЖЭЭ

SOS: ХОТЫН УС ХОР БОЛЖЭЭ

Нийслэлчүүд цэвэр ус хэрэглэж чадаж байна уу.  Сая гаруй хүн амтай Улаанбаатар хотынхны толгойны өвчин бол агаарын бохирдол.  Үүнтэй зэрэгцэн ундны усны чанарын асуудал харанга дэлдэж, нийслэлчүүдийн эрүүл мэндэд заналхийлж эхэллээ.  Гэр хороолол, орон сууц гээд хоёр гүүр давсан нь  ч, хотын захад амьдарч байгаа нь цэвэр усны асуудалтай нүүр тулж байна.  Ундны усны асуудал нийслэлд амьдардаг хүн бүхэнд хамаатай сэдэв.  Ундны усны асуудал жилийн дөрвөн улиралд ч хамаатай.  Гэр хорооллын ил задгай бие засах газар, бохир усны нүх, хог хаягдал, арьс ширний үйлдвэрүүдээс гарч байгаа бохир ус  зэргээс болж хотын ус хор болсныг эрдэмтэн судлаачдын судалгаа харуулж байна.

Өнгөрөгч хоёрдугаар сард Зайсан дахь KFC түргэн хоолны салбараас цөөнгүй хүн хордсон асуудлыг нийслэлийн Мэргэжлийн хяналтын газар ундны устай холбож тайлбарлаж байсан. Тодруулбал, KFC түргэн хоолны газрын усаа авдаг гүний худгаас дээж авч шинжлэхэд нянгийн бичил биетийн тоо зөвшөөрөгдөх хэмжээнээс өндөр, химийн үзүүлэлтээр нитритийн бохирдолтой гарсан тухай улсын байцаагчид мэдээлж байв.

Энэ талаар өмнө нь /2019.02.20/ дугаарт “Хосгүй баячуудын “хоолойд тулсан” асуудал” сурвалжлагаараа Зайсан толгой орчмын төвлөрсөн бус усны эх үүсвэртэй хотхонуудын оршин суугчид өдөр тутамдаа баталгаагүй, хатуулаг ихтэй ундны ус хэрэглэдэг талаар сурвалжилсан билээ.

Гэр хорооллын нүхэн жорлон, угаадас газрын гүний усыг бохирлож, хорт хавдраар өвчлөх гол үндэс болж байгаа талаар АНУ-ын эрдэмтэн ноён Марк Гольц анхааруулж байна.  Тэрбээр 1982 оноос эхлэн 36 жил хөрсний бохирдлыг судалсан, туршлагатай эрдэмтэн бөгөөд Шинжлэх ухаан, технологийн их сургуульд зочин профессороор ажиллахаар Монголд уригдан ирээд байгаа ажээ. Монголчууд ходоодны хорт хавдрын өвчлөлөөр дэлхийд хоёрт, нас баралтаар нэгд бичигдэж байна. Энэ бол ундны усандаа анхаарах цаг болсны дохио юм.

ГҮНИЙ ХУДГУУДЫН УС НИТРАТААР БОХИРДСОН БАЙЖЭЭ

Энэ удаагийн сурвалжлагаар Улаанбаатар хотын хөрс, гүний усан дахь бохирдлын талаар хөндлөө. Энэ чиглэлээр Шинжлэх ухаан, технологийн их сургуулийн Геологи, уул уурхайн сургуулийн Геологи, гидрогеологийн салбарын багш, доктор Б.Наранчимэгийн хийсэн судалгаа анхаарал татсан юм. Тэрбээр судалгааны ажлаараа 2010-2017 оныг хүртэл долоон жилийн хугацаанд нийслэлийн газрын гүний уснаас дээж авч, судалжээ.

ШУТИС-ийн Геологи, уул уурхайн сургуулийн Геологи, гидрогеологийн салбарын багш, доктор Б.Наранчимэг

Тэрбээр “Улаанбаатар хотод нийт хүн амын 40 гаруй хувь нь амьдардаг. Нийслэлчүүд 100 хувь газар доорх усаа шууд ашигладаг учраас ундны усны аюулгүй байдал маш чухал асуудал. Тиймээс хотын нийт талбайг хамруулсан судалгаагаа анх 2010 онд эхлүүлсэн юм. Улаанбаатар хот тэр чигээрээ ундны усны бохирдолд өртөх магадлал өндөртэй бүс нутаг. Өнөөдөр бидний ундны усаа авч буй долоон эх үүсвэрүүд голынхоо хөндийд байрладаг. Гэтэл хамгийн их хөрсний бохирдолтой гэр хороолол нь өндөрлөг газарт байршдаг. Хотын хөрсний бохирдол өндрөөс нам газар руу нэвчин шингэж, ундны ус руу урсах магагдлалтай. Улаанбаатарын гэр хорооллын бүсэд байршилтай гүний худгуудын усанд агуулагдах нитратын агуулга ДЭМБ-аас зөвлөсөн зөвшөөрөгдөх дээд хэмжээ 50 мг/л бүгд давсан буюу нитратаар бохирлогдсон байсан. Уг нитратаар бохирлогдсон ус нь газар доорх усны урсгалын чиглэлээсээ хамаараад Туул гол мөн бидний ундны усны эх үүсвэрийг бохирдуулах эрсдэлийг дагуулж байна” гэв.

Түүний судалгаа 2018 онд олон улсын “Water” сэтгүүлд хэвлэгдсэн бөгөөд судалгаанаас харвал Улаанбаатар хотын гэр хороолол орчимд нитратын агуулга хамгийн багадаа 64 мг/л, хамгийн ихдээ 304 мг/л хэмжээтэй байжээ.

ХОРДЛОГО АВСАН ХҮҮХДҮҮДИЙН БИЕИЙН БАЙДАЛ САЙЖИРЧ БАЙНА

Урин дулааны улирал эхэлж байгаатай холбоотойгоор Халдварт өвчин судлалын үндэсний төвийн гэдэсний халдварт өвчний тасгийн ачаалал эрс нэмэгддэг гэдгийг эмч мэргэжилтнүүд хэлсэн юм.

Сурвалжлах групп тус төвийн гэдэсний халдварт өвчний тасагт очиход тасгийн ачаалал харьцангуй бага байлаа. Харин уг тасагт Сингапур-Монголын хамтарсан сургуульд хоолны хордлогоор өвдсөн 44 хүүхэд хэвтэн эмчлүүлж байв. ХӨСҮТ-д дөрөвдүгээр сарын 4-ний оройн 22.35 минутад суулгах, бөөлжих, гэдэс өвдөх, халуурах гэсэн ижил шинж тэмдэгтэй таван хүүхэд ирж, яаралтай тусламжийн тасгаар үйлчлүүлсэн байна. Тус төвийн эмч мэргэжилтнүүдээс бүрдсэн баг хордлого гарсан сургууль дээр шуурхай ажиллаж, 70 сорьц авсны 30 сорьцод гэдэсний цусан суулга үүсгэгч шигелла флекснер 1А үүсгэгч илэрчээ. Одоогоор хордлого авсан хүүхдүүдийн биеийн байдал сайжирч байгаа аж.

Гэдэсний халдварт өвчний дэгдэлтийн талаар ХӨСҮТ-ийн нэгжийн дарга Н.Сувдмаа мэдээлэл өглөө. Тэрбээр “Урин дулааны улирал эхэлж байгаатай холбоотойгоор гэдэсний халдварт өвчин нэмэгдэх хандлагатай байдаг. Ерөнхийдөө тав, зургадугаар сараас эхлэн 10 дугаар сар хүртэл гэдэсний халдварын улиралчлал гэж үздэг. Тиймээс иргэд маань хоол хүнсээ худалдаж авахдаа сайтар анхаарч, баталгаатай газраас баталгаатай хүнсний бүтээгдэхүүн авах, зөв сувгаар зөв мэдээлэл авах, хүнсний аюулгүй байдал болон гарын ариун цэврийг тогтмол сахих хэрэгтэй. Сүүлийн үед цусан суулга өвчин нэмэгдэх хандлагатай байна. Цусан суулга өвчний үүсгэгч нь бохирдсон хоол хүнсний бүтээгдэхүүн, хөрсний бохирдол, шинж тэмдэггүй нян тээгчид тарааж байдаг. Цусан суулгалт өвчнөөр бүх насны хүн өртөж болно. Гэхдээ иргэд маань энэ өвчнөөс урьдчилан сэргийлэх бүрэн боломжтой. Үүнд ДЭМБ-аас гаргасан аюулгүй хоол хүнсний таван түлхүүр зөвлөмжид гараа цэвэр байлгах, болгосон болон болгоогүй хүнсийг тусад нь байлгах, хоол хүнсийг гүйцэд чанах, хоол хүнсийг зохих температурт хадгалах, аюулгүй ундны ус, түүхийг эдийг сонго гэж зөвлөсөн байдаг юм.” гэв.

“КРАНТААС ЗЭВТЭЙ, ХЛОРТОЙ УС ГАРЛАА” ГЭЖ ХАНДДАГ

Ус суваг, удирдах газрын хувьд тусгай хамгаалалттай ундны усны долоон эх үүсвэрээс ус олборлож, нийслэлчүүдийг ундны усаар хангадаг байгууллага. Нийслэлд ойролцоогоор 750 орчим  ус түгээх худаг ажилладаг. Эдгээрийн 300 орчим нь төвийн шугамд холбогдсон бөгөөд картаар усаа түгээдэг бол үлдсэн 450 орчим нь дэд бүтэцгүй зөөврөөр ундны ус түгээдэг байна.

Ус сувгийн удирдах газрын Усны төв лабораторийн бактериологич, чанарын менежер О.Төмөртогтох

“Манай байгууллагын судалгаа шинжилгээний дүнгээс харахад нийслэл хотын ундны усны чанар сайн байгаа. Зарим иргэд хөрсний бохирдолтой холбоотойгоор “Хотын ундны ус ихээр бохирдож байна” гэж ярьж байгаа ч манай байгууллагын хариуцаж буй ундны ус шаардлага, олон улсын стандартад нийцэж байна. Гэр хороолол, зусланд хувийн гүний худгууд олноор гаргасан байдаг. Тэр худгуудыг манай байгууллагын харьяа худаг гэж андуурч, бохир ус хэрэглэсэн талаар мэдээлэх тохиолдол гардаг. Гэр хорооллын иргэд зөвшөөрөлгүй хувийн гүний худаг гаргачихаад тавхан метрийн цаана нүхэн жорлон ухчихдаг. Тэр нүхэн жорлонгийн бохирдол хөрсөөр нэвчиж, газрын усанд шингэснээр ундны усыг бохирдуулах өндөр магадлалтай байдаг” тухай Ус сувгийн удирдах газрын Усны төв лабораторийн бактериологич, чанарын менежер О.Төмөртогтох ярилаа.

Тэрбээр “Мөн манай байгууллагад орон сууцны айлууд “Крантаас зэвтэй, хлортой ус гарлаа” гэж ханддаг. Бид тухайн айлд яваад очихоор ундны усны чанар олон улсын стандартын шаардлагад нийцсэн байдаг. Манайхаас ундны усыг эх үүсвэрээсээ олборлоод, станц дээрээ хлороор халдваргүйжүүлэлт хийдэг. Усыг халдваргүйжүүлснээр янз бүрийн нян бактеруудыг устгаж өгдөг. Хлортой ус хэрэглэгчдэд очиж л байвал тэр ус ямар нэгэн байдлаар гадны бохирдолгүй байна гэсэн үг. Иргэд хлор гэхээр жорлон ариутгадаг бодис юм шигээр буруу ойлгодог. Ундны усыг ариутгах хамгийн үр дүнтэй арга бол энэ. Бусад аргаар усанд халдваргүйжүүлэлт хийсэн ч эцсийн хэрэглэгчдэд эрсдэл үүсэх магадлалтай байдаг” гэдгийг хэлсэн юм.

Гэрэл зургийг Н.БАТМӨНХ

"Болор дуран"-аар шалгав.
Энэ мэдээнд өгөх таны сэтгэгдэл?
12
ХарамсалтайХарамсалтай
3
БурууБуруу
2
ХөөрхөнХөөрхөн
2
ГайхмаарГайхмаар
1
ЗөвЗөв
1
ХахаХаха
1
ТэнэглэлТэнэглэл
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-11 202.9.42.209

суваг шуудуу татаж ойжуулахгүй бол органик илүүдэл аюултай шүү

Avatar

Зочин 2019-04-11 126.162.114.146

Хаан жимс амралтын баас шээсийг рашаан болгон хүртдэг азтай улсдаа бид. Ус бүрэлдэх тусгай хамгаалалттай газраа Дүнжингарав зах, түүний зүүн талд баригдаж байгаа Хятад худалдааны зах зэргээр улам бүр багасгаад байх юм. Ядаж Нарантуулын наймаачид маань үүнийг эсэргүүцмээр юм.

Avatar

Зочин 2019-04-11 126.162.114.146

Хотын цэвэр усны эх үүсвэр болох гацууртын эхэнд хаан жимс гээд Норовын Алтанхуягын амралтын газар бохир усаа шууд Туул голд цутгаж байгаа. Мөн ус бүрдэх тусгай хамгаалалттай газар жил бүр хумигдаж барилгажиж байна. Дүнжингарав худалдааны төв бол түүний нэг л жишээ. Түүний зүүн талд Хятад худалдааны төв баригдаж байгаа. Уг нь тэнд хөрсний ус шүүгдэж гүндээ шингэж байдаг бургас тай хайрган хөрстэй хамгаалалтын бүс байгаа юм. Үүнийг ядаж Наран туул захын наймаачид өөрийн бизнесээ хамгаалж эсэргүүц

Avatar

Зочин 2019-04-11 104.238.32.41

KFC iin zahialgat niitlel haha. Oirsdiin hyatadaas oruulj irdeg hirtoi mah ni Mongolchuudiig horduulsan gedgee helehgui nergejliin hyanaltiibhiig argalaad ongorch dee

Avatar

Зочин 2019-04-11 202.9.45.67

Yag unen. odoo tegeed us n hortoi yum bol bugd yagaad ovdohgui bgaan.

Avatar

d 2019-04-11 103.229.177.66

uuh usaa zahialj bgaa biz de? Ballontoi us avaad uugaad bhaar hun hordohgui bgaan. Tehdee gandii baiguulaguud hurtel zaisan haviin us ih hortoi bgaa gej dugnesen bn leeshd.

Avatar

ХОТ улс 2019-04-11 66.181.187.228

Утаанбаатарт нийт хүн амын тал нь бөөгнөрсөн байна. Удахгүй 3 сая хүн ам нь бүгд нүүгээд ороод ирэх магадлал байх шигээ. Монгол хот улс болох хэрэггүй дээ.

Avatar

:50 2019-04-11 66.181.187.228

Монголчууд Өргөн уудам нутагтаа жигд тархан суурьшиж сайхан амьдрах хэрэгтэй. Энэ 4 уулын дундах хонхорт нийт хүн амын тал нь бөөгнөрөн хорт утаанд угаартаж байх шаардлагагүй юм даа.

Avatar

АЯА 2019-04-11 66.181.187.228

АЯА- Ажилгүйдэл- Ядуурал- араасаа олон зүйл бохирдлийг дагуулдаг ажээ. Тухайлбал АГААР УС ХӨРСНИЙ бохирдол гэх мэт.

Avatar

Зочин 2019-04-11 202.21.108.233

ЭМ СИ ЭС ийн бохироор ундаалж байгаа хотынхон аргагүй шд.

Avatar

иргэн 2019-04-11 202.179.25.223

ингээд Хот дүүргээрээ Хортой уснаас болж Гэдэсний суулгалт Хорт хавдараар өвчилцгөөж цаг бусаар Бурханы оронлуу Заларцгаагаад байж дээ Хөөрхий Монголчуудаа гэж ямар нэг Гадны нөлөөгүй Өөрөө өөрсдийгөө л Хордуулах Улс юм дөө

Avatar

Иргэн 2019-04-11 202.21.127.162

Бүгд хувьцааны мөнгөөрөө УБ -ыг нүүлгэе

Avatar

усны бохирдол 2019-04-11 66.181.187.228

Хүн амьсгалах агааргүй бол 5 минут тэснэ. Уух усгүй бол 5 хоног тэснэ. Идэх хоолгүй бол50 хоног тэсдэг гэсэн шүү. Бид хамгийн амин чухал АГААР УС 2-оо аюултай бохирдуусаар байж болохгүй дээ.

Avatar

БОХИРДСОН УС АГААР ХӨРС 2019-04-11 66.181.187.228

Хүний эрүүл аюулгүй амьдралын амин чухал нөхцөл болох УС АГААР ХӨРСИЙГ ингэж бохирдуулж болохгүй дээ.

Avatar

z 2019-04-11 64.119.25.215

ger horoolliinhon boslogogargah heregtei tegehgui bol uurd yduugaaraa uldene

Avatar

Зочин 2019-04-11 150.129.142.98

гэр хорооллыг барилгажуулж орчин үетэй хотоо нийцүүлэхийн оронд тэднийг яаж ядуу чигээр н байлгах, хэрхэн өрөнд унагааж мөнгөөр сонгуулиа өгдөг, өнөө маргаашийн хоолноос өөр юм бодох тэнхэлгүй мунхаг байлгах вэ гэдэгт илүү анхаарч ажиллаад байх шиг санагдах. барилга барих газрыг ямархуу үнээр авдагыг хүмүүс гадарлана. гэтэл одоогоор хамгын шилдэг сайн газруудыг гэр хороолол бол ядуусых гэсэн ойлголт олон жил суулгаж бгаад төвийн сайн байршилтай газруудыг маш хямдаар бараг үнэгүй шахуу авчих г

Avatar

Зочин 2019-04-11 150.129.142.98

авчих гээд оролдоод байх шиг. хотод баригдсан үнэтэй том шилэн барилгууд, үл хөдлөхүүд хотын төвийн байршилыг тодорхойлоод байхад хотын захиргааг хотоос гаргаад ч төвд ойр гэр хорооллын байршилууд үнэ цэнээ алдахгүй. талбайд ойр газар ямар үнээр зарагддагыг бүгд мэдэж бга. хотод талбайд ойр барилга барих боломжой зөв байршилтай сайн газарууд гэр хороололд л үлдсэнийг бүгд мэдэж бгаа. асар үнэ цэнэтэй газар гэдэгийг өөрсдөд н мэдэгдэхгүй байлгахын тулд ядуу байлгаж орчныг н бохир муухай ядуусын

Avatar

Зочин 2019-04-11 150.129.142.98

болгоод байх шиг санагдах юм. жил ирэх тусам хүн амын тоо илүү л өснө. 3саяулаа болсон юм чин хүн бүр ганц хоёр хүүхэд төрүүлсэн ч өмнөхөөс илүү хурдан олуулаа болно. зах зээл хүссэн хүсээгүй томорч байшин барилгын хэрэгцээ ч нэмэгдэнэ. тэр хирээр газар үнэ цэнээ хэзээ ч алдахгүй. төвийн газар хамгын өндөр үнэтэй хэвээр байна гэж бодож байна. хямдруулж бгаад үнэгүй шахуу авчих гэсэн хүмүүст хууртчихгүй л бол. өсч бга зах зээлийг дагаад орж ирэх үйлчилгээ худалдааний газарууд газараа хэдээр авахб

Avatar

Зочин 2019-04-11 202.179.25.46

Хотын зах руу гарч амьдарцгаая даа.

Avatar

Unen medee 2019-04-11 118.200.126.63

Ger horoolliin 00-uud tuhain gazriinhaa hursiig bohirduulj bga nuhtsuld hezee ch gunii us tsevershihgui

Avatar

Зочин 2019-04-11 150.129.142.98

00- уудыг шинээр ханатай бариулж соруулж ачдаг болгох.. гм өч төчнөөн шийдэл бхад ямар ч арга хэмжээ авахгүй юм !
худлаа халаглаад та хэд нүүхгүй бол ч.. гээд л. тэгээд газрыг үнэгүй шахам авч өөрсдийн барилгаа хэдэн тэрбумаар бариулж олон тэрбумаар нэмж баяжаад суухаа л бодоод байх шиг. ихэнхи иргэд улам ядуурч жинхэнэ хар масс руу шилжээд тэдний боол шиг амдарч, сөхөөтэй дундажууд гадагшаа дүрвэж хаад боолуудтайгаа үлдэж дураараа дургиж дунд чөмгөөрөө жиргэж цэнгэлийн манлайд хүрэх б

NewsMN Гар утасны хувилбар Татах
NEWS.mn

Мэдээллийн эх сурвалж