"Тэтгэврийн зөрүүг арилгахад 9 тэрбум төгрөг шаардлагатай" | News.MN

"Тэтгэврийн зөрүүг арилгахад 9 тэрбум төгрөг шаардлагатай"

"Тэтгэврийн зөрүүг арилгахад 9 тэрбум төгрөг шаардлагатай"

"Тэтгэврийн зөрүүг арилгахад 9 тэрбум төгрөг шаардлагатай"

УИХ-ын Нийгмийн бодлого, боловсрол, соёл, шинжлэх ухааны байнгын хорооны хуралдаанаар  өнөөдөр /2019.04.09/ УИХ-ын гишүүн Ц.Гарамжав, М.Оюунчимэг, Ц.Цогзолмаа нарын санаачилсан Нийгмийн даатгалын сангаас олгох тэтгэвэр тэтгэмжийн тухай хуульд нэмэлт оруулах тухай хуулийн төслийг хэлэлцэх нь зүйтэй гэдгийг байнгын хорооны гишүүдийн олонх дэмжлээ.

Хуулийн төслийг   УИХ-ын гишүүн Ц.Гарамжав танилцуулав. Тэрбээр “БНМАУ-ын Тэтгэврийн хууль 1990 оны 12 дугаар сарын 10-ны өдөр батлагдаж, 1991 оны нэгдүгээр сарын 1-ний өдрөөс эхлэн мөрдөгдөж эхэлжээ. Энэ хуулийн 11 дүгээр зүйлд эхчүүдийн насны тэтгэвэр тогтоолгох эрхийн тухай заасан байдаг. Үүнд “Төрүүлсэн болон 3 хүртэл настайд нь үрчлэн авсан 4 болон түүнээс дээш хүүхдээ 6 настай болтол нь өсгөж хүмүүжүүлсэн эхчүүд 20-иос доошгүй жил ажилласан бол нас харгалзахгүйгээр тэтгэвэр тогтоолгон авах эрхтэй” гэж заажээ.

Уг хуулийн заалт нь эмэгтэйчүүдийг ид хийж бүтээх насанд нь буюу 35-45 насанд нь тэтгэвэрт гаргаж, хөдөлмөр хийж олох байсан орлогоо алдсанаас ар гэрийн амьжиргаанд сөргөөр нөлөөлөх, хүүхэд төрүүлсэн нөхцөлд хүүхдээ асрах хугацааны шимтгэл төлөгдөхгүй үлдсэнээс тэтгэвэр бага тогтоогдох, нийгмийн баталгаа нь алдагдах зэрэг сөрөг талтайг онцлов.

2018 оны байдлаар улсын дундаж тэтгэвэр 342,8 мянган төгрөг байгаа аж. 1991 онд 32,8 мянган эх насны тэтгэврээ тогтоолгосон бөгөөд эдгээр эхчүүдийн тэтгэврийн хэмжээ улсын дундаж тэтгэврийн хэмжээнд хүрэхгүй байгааг судалгаагаар тогтоожээ.

Иймээс эдгээр эхчүүдийн тэтгэврийн асуудлыг тухайлан авч үзэж, өнөөгийн нөхцөл буюу энэ оны тэтгэврийн дундаж хэмжээнд хүргэх нь шударга ёсны зарчимд нийцэх гэж үзсэний үндсэн дээр энэхүү хуулийн төслийг санаачлан боловсруулсан гэдгийг хууль санаачлагчид онцолсон юм.

ХУУЛИЙН ТӨСӨЛТЭЙ ХОЛБОГДУУЛАН УИХ-ЫН ГИШҮҮН М.ОЮУНЧИМЭГ:

Өнөөдөр нийгэм эмэгтэйчүүдийг хүүхэдгүй юм шиг ажиллаж , ажилгүй юм шиг хүүхдээ харах  ийм байдлаар өнөөг хүртэл явж ирсэн. Эмэгтэйчүүд үр хүүхэд төрүүлж, улсад хөдөлмөрлөснийхөө төлөө хохирох учиргүй. Гэтэл 1990 онд  Үндсэн хуульд заасан хүний эрхийг ноцтойгоор зөрчсөн журмыг тухайн үед оруулсан. Төр алдаагаа засаж болно. Үүнийг засахын тулд эмэгтэй гишүүд бид  Нийгмийн даатгалын сангаас олгох тэтгэвэр тэтгэмжийн тухай хуульд нэмэлт оруулах тухай хуулийн төслийг боловсруулсан. Салбарын сайдын хувьд дэмжих байх гэж найдаж байна. Хуулийн төслийг боловсруулахын тулд нэлээд судалгаа, цаг хугацаа гаргасан.  Тус судалгааны талаарх мэдээллийг УИХ-ын гишүүн Ц.Гарамжавыг өгөхийг хүсэж байна” гэв.

УИХ-ЫН ГИШҮҮН Ц.ГАРАМЖАВ:

1990 онд буюу тухайн үед 83 мянган хүн олон шалтгаанаар хугацаанаасаа өмнө тэтгэвэрт гарсан байдаг. Өнгөрсөн онд биднийг судалгаа авч байхад 14 мянга 200 ээж олон хүүхэдтэй гэсэн нөхцөлөөр тэтгэвэрт гарсан. Өнөөдөр энэ тоо  12 мянга 795 болж, 1400 ээж нэг жилийн дотор хорогдсон байна. Нийгэм эдийн засгийн шилжилтийн хүнд үеийг туулсан олон хүүхэдтэй ээжүүд сэтгэл санааны болоод эдийн засгийн хохирол амссан. 32 жил ажиллаад 55 нас  хүрээгүй тэтгэвэрт гарсан 1300 орчим эрэгтэйчүүд мөн бий. Нийтдээ 17 мянган иргэн бий гэж  судалгаагаар гарсан.

ХНХ-ын сайд С.Чинзориг:

Засгийн газар тухайн үедээ Нийгмийн даатгалын тухай багц хуулиудад өөрчлөлт оруулах хуулийн төслүүдийг хэлэлцэх үедээ гишүүдээс гарсан саналыг харгалзаж үзэх нь зөв гэсэн саналыг өгч байсан. Гэхдээ Засгийн газраас нийгмийн даатгалын багц хуулиудад өөрчлөлт оруулах асуудлыг одоогоор УИХ-д оруулж ирээгүй байна. Уг хуулийн төслийг байнгын хороо дэмжвэл УИХ хэлэлцээд явах бүрэн эрх нь бий. Гишүүдийн өргөн барьсан хуулийн төслийг байнгын хороо дэмжвэл цаашид  хэд хэдэн анхаарах асуудал байна. Анх 1990 онд ээжүүдийг  тэтгэвэрт гарахдаа 4 хүүхэдтэй  20 жил ажилласан ээжийг нас харгалзахгүй, 4 болон түүнээс дээш хүүхэдтэй 15 жил ажилласан 50 нас хүрсэн эмэгтэйг, мөн  27 жил ажилласан ээжийг  хүүхэд  тоо болон нас  харгалзахгүйгээр, 32 жил ажилласан 55 нас хүрсэн эрэгтэйг өндөр насны тэтгэвэрт гаргасан гэсэн ийм дөрвөн нөхцөлөөр тэтгэвэрт эрт гаргасан.

Одоо өргөн барьсан Ц.Гарамжав, М.Оюунчимэг, Ц.Цогзолмаа нарын санаачилсан Нийгмийн даатгалын сангаас олгох тэтгэвэр тэтгэмжийн тухай хуульд нэмэлт оруулах тухай хуулийн төсөлд дөрөв болон түүнээс дээш хүүхэдтэйгээр эрт тэтгэвэрт гарсан ээжүүдэд уг хуулийн төсөл үйлчлэнэ. Цаана хоёр хэсэг нь үлдэж байгаа. Өөрөөр хэлбэл хүүхдийн тоо харгалзахгүйгээр 27 жил ажиллаад нас харгалзахгүй тэтгэвэрт гарсан эмэгтэйчүүд мөн 32 жил ажиллаад 55 нас хүрээд тэтгэвэрт гарсан  эрэгтэй гэсэн энэ хоёр төрөл үлдчихээд байгаа юм. Өнгөрсөн наймдугаар сард Засгийн газарт санал өгөхөд эрт тэтгэвэрт гарсан хүмүүсээс 21 мянган иргэн амьд байна гэсэн. Эмэгтэй гишүүдийн өргөн барьсан төслөөр бол дөрөв болон түүнээс дээш хүүхэдтэй ээжүүдийг хамруулбал эрт тэтгэвэрт гарсан нийт иргэдийн 67 хувь нь хамрагдана. Цаана нь 14 мянга орчим ээжүүд үлдэнэ. Тиймээс хуулийн төслийг 1990 онд дээрх дөрвөн нөхцөлөөр эрт тэтгэвэрт гарсан бүх хүмүүст адил үйлчлэхээр байх тал дээр анхаармаар байна. Дундаж тэтгэврийн хэмжээгээр тэтгэврийг тогтооно гэж хуулийн төсөлд тусгагдсан байна лээ. Одоогийн Нийгмийн даатгалын тухай  хуульд дундаж тэтгэвэр гэсэн ойлголт огт байхгүй.

УИХ-ЫН ГИШҮҮН Ц.МӨНХ-ОРГИЛ:

 УИХ-ын гишүүдээс нийгмийн хамгааллын чиглэлээр орж ирж байгаа хуулийн төслүүдэд Засгийн газрын байр суурь маш тодорхой баймаар байна. Засгийн газар нэг талаар дэмжихгүй байгаа юм шиг нөгөө талаар эсэргүүцэхгүй байгаа мэтээр ойлгогдож байна. Засгийн газар мөнгө, бодлогоо барьж байгаа атал нийгмийн хамгааллын чиглэлийн асуудалд ойлгомжтой саналууд өгч баймаар байна.

ХНХ-ЫН САЙД С.ЧИНЗОРИГ:

Засгийн газрын байр суурь тодорхой байгаа. МАН-ын Засгийн газар ээжүүдийн эрх ашгийг хамгаалах ёстой гэсэн байр суурьтай байдаг.

УИХ-ЫН ГИШҮҮН Г.МӨНХЦЭЦЭГ:

Энэ хуулийг гаргах цаг үеийн шаардлага бий. Тухайн үед энэ хомрогдолд  ороогүй айл өрх гэж бараг байхгүй. Судалгаагаар гаргасан тоонуудаа нарийн сайн гаргамаар байна. Нэмэлт судалгаа хийгдсэн үү. Уг хуулийн төслийг даруй батлах нь зөв өө, ард түмэн ч хүсэн хүлээж байгаа.

Ажлын хэсэг:

Дөрвөн нөхцөлөөр тэтгэврийг нь нэмэх гэж байгаа нийт хүмүүсийн тоо өнөөдрийн байдлаар 21 мянга 204 байна. Тэтгэврийн дундаж хэмжээнээс доогуур тэтгэвэр авдаг 17 мянган иргэн бий. Энэ бүх иргэнд улсын дундаж тэтгэврийн хэмжээнд  тэтгэвэр олгоход 9.8 тэрбум төгрөг шаардлагатай.

Тэтгэвэр авч буй иргэдийн дунд судалгаа хийхэд  олон хүүхэд төрүүлсэн ээжүүд  бусдаасаа 50-70 мянган төгрөгөөр бага тэтгэвэр авч байгаа нь харагджээ. Эрэгтэйчүүдийн тэтгэвэртэй харьцуулбал дунджаар 200-455 мянган төгрөгөөр бага дүн гарч байгаа юм.

Тухайн үеийн тэтгэврийн зохицуулалтаар олон хүүхэдтэй ээжүүд илүү хохиролд орсон байна гэж үзэж энэ хуулийг төслийг  эмэгтэй гишүүд санаачилжээ. Тэр үед 35-45 насны олон эмэгтэй хүүхдийнхээ тоогоор тэтгэвэрт орсон байдаг.

"Болор дуран"-аар шалгав.
Энэ мэдээнд өгөх таны сэтгэгдэл?
3
ГайхмаарГайхмаар
2
ТэнэглэлТэнэглэл
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

20 сэтгэгдэл

News.mn сайтад сэтгэгдэл оруулахад анхаарах зүйлс

Avatar

irgen 2019-04-09 178.118.91.52

1990 ond tetgever togtoolgoson/ ter yeiin mungunii hanshaar/ 2010 ond tergever togtoolgoj baigaa /odoogiin mungunii hanshaar/ udur shunu shig yalgaatai baigaag yheed yldsen heden hugshchyyld 1 nudaa zuryyg ni tegshtgej amidrald ni tuslah ajlaa hiih hergeteig bid olon jil hyssen dee.odoo ch hyarisaar…

Avatar

Зочин 2019-04-09 202.21.110.38

Ижил албан тушаал, цалин авдаг 2 хүний нэг нь 20 жил, нөгөө нь 40 жил НД-ын шимтгэл төлөөд тэтгэвэрт гархад 20 жил ажилласан нь 40 жил ажилласанаасаа илүү өндөр тэтгэвэр тогтоолгосон байдаг. Гайхаад учирыг нь олохгүй юм аа.

Avatar

зочин 2019-04-09 202.126.89.61

НД-ын шимтгэлээ хэн ахиу төлнө тэр хүн өндөр тэтгэвэр авна шударга зарчим л энэ. улсад ажил хийж шимтгэл төлөхгүй байж байгаад нас ахихаар гэнэт л тэтгэвэр нэхдэг төрөөс мөнгө зүгээр авахыг боддог хэсэг байна шүү малчид, хувиараа жижиг наймаа хийгсэд, ерөөсөө ажил хийх дургүй хүмүүс бий.

Avatar

Зочин 2019-04-09 202.126.89.61

НД-ын шимтгэлээ хэн ахиу төлнө тэр хүн өндөр тэтгэвэр авна шударга зарчим л энэ. улсад ажил хийж шимтгэл төлөхгүй байж байгаад нас ахихаар гэнэт л тэтгэвэр нэхдэг төрөөс мөнгө зүгээр авахыг боддог хэсэг байна шүү малчид, хувиараа жижиг наймаа хийгсэд, ерөөсөө ажил хийх дургүй хүмүүс бий.

Avatar

Дорж 2019-04-09 2.132.235.6

Ажилласан бүх жилүүдэд чи чадлынхаа хэмжээгээр ажиллаж, ажилласаныхаа хэмжээгээр цалин авч байсан. Тэгээд одоо цалингийнхаа хэмжээгээр төлж байсан нийгмийн даатгалынхаа хэмжээгээр тэтгэвэрт авч байна шүү дээ. Тэгэхээр нь Одоо яахлаар бүгдээрээ адилхан тэтгэвэр авна гэж зүтгээд байна.
Энэ бол шударга явдал биш.

Avatar

Зочин 2019-04-09 114.30.198.75

шимтгэл төлөх хэрэггүй болох нь төлөхгүй ч бсан бага төлсөн ч хаашдаа л гайгүй авчих юм бишүү их төллөө гээд нэмэгдэл болохоор ад үзээд нэмэхгүй шахуу бараг хасаж багад нь хувааж өгнө гэж ч магадгүй болоод бн

Avatar

Олон жил даатгал, ататвар төлөөд чад 2019-04-09 103.14.38.137

30-40 жил НД, татвар төлөөд тэтгэвэртээ гарсан, гараагүй байхдаа нас барсан хүнд ердөө 1 сая төгрөг оршуулганы зардалд өгнө гэдэг дээрэм. Тэр хүний нийт тэтгэвэрийн дансны хэмжээ, даатгуулсан, татвар төлсөн нийт хэмжээг тооцож ядаж 10-20%-г нь ар гэрт нь өгдөг баймаар байна.

Avatar

Зочин 2019-04-09 202.179.31.80

Тэтгэврийн хуулинд хүний эрх ноцтой зөрчсөн нэг заалт байгаа үүнийг засч өгөөч гишүүд ээ. Тэтгэвэр тогтооход сүүлийн хорин жилийн дараалсан таван жилийн цалингийн дундажаар тогтооно гэж ээ. Улсад дөчин хэдэн жил ажиллаад тэтгэвэр тогтоолгоход улсад ажил хийсэн дөчин хэдэн жилээсээ дурын таван жилээ сонгож яагаад болохгүй хууль хийсэн юм бол.Заавал сүүлийн хорин жил гэдэг заалтыг яагаад оруулсан юм бол .Залуу эрч хүчтэй ажиллаж байсан жилүүдийг минь хуулиар боймолсон хууль санаачагч хэн юм бол.

Avatar

Дээр үеийн цалин багад орноо 2019-04-09 103.14.38.137

Дээр үеийн тэр өндөр цалингаар бодохоор тэтгэвэр нь бага тогтоогдоод байна гэсээн. Сайд хийж байсан хүн одоо 400 гаруй мянгыг авч байна. Тэгэхээр сүүлийн үеийн 5 жил нь гайгүй гарч байна гэсэн.

Avatar

Зочин 2019-04-09 66.181.161.119

Нэн даруй өөрчлөн зөрөөг гаргах хэрэгтэй. Энэ бол тэр чигээрэй эдийн засгийн ялгаварлан гадуурхал шүү дээ.Эрдэнэ гэдэг сайд л түүнийг засна гэсээр байгаад худал хэлээд л хаясан нөхөр шүү дээ.

Avatar

Зочин 2019-04-09 202.126.89.9

СОХОР ЗЗОСГҮЙ ХАМУУЛЧИХСАН БАЙЖ ҮХСЭНИЙ ЧИНЬ ХУУЛЬ ӨРГӨН БАРИХ

Avatar

Өвгөн 2019-04-09 150.129.142.67

Их шимтгэл татвар төлсөн нь илүү тэтгэвэр авах естой зарчмыг хэзээ ч өөрчилж үл болно

Avatar

зочин 2019-04-09 122.201.24.136

1990 оны хуулиар тэтгэвэрт гарсан эхчүүд одоо хорогдсоор байгаа цаашид нэмэгдэхгүй нь тодорхой тэтгэвэр нэмсэн ч та нарыг хуулиа батлах гэсээр байтал тэсч үлдэх нь цөөн болно. Төр алдаагаа засах гэж байгаа бол тэр эхчүүдэд 1 удаагийн нөхвөр олгочих хэрэгтэй ш дээ.

Avatar

КАПИТАЛ БАНК 2019-04-09 103.57.93.39

ҮХСЭН АЦААРАА ТЭТГЭВЭР ТЭТГЭМЖИЙН ХУУЛЬ ХЭЛЦЭЖ СУУГААН. НААД ХУУЛИА ХУЙЛААД АЦАНДАА ЧИХ.

Avatar

Зочин 2019-04-09 146.115.163.21

Zsss. Tuluud l baidag. Ergeed bidend hurtej baigaa yum n haa bn.

Avatar

zochin 2019-04-09 202.170.71.157

minii eej ulsad 30 jil ajillasan 5 huuhedtei, 50 nastai tetgevert garsan. odoo 205000 tugrugiin tetgever avdag.

Avatar

Зочин 2019-04-09 202.9.42.129

жинхэнэ үнэнээрээ ажилласан улс нь явж явж хамгийн бага тэтгэвэртэй болох бий дээ

Avatar

Зочин 2019-04-09 202.9.44.91

Tolson ND aaraa butsaj avch bga gej bodood bgashde 1 ch togrog toloogui hun tetgever avaad bgag oilgohgui

Avatar

Зочин 2019-04-09 202.9.42.133

tetgevert garaad bugd l ijilhen tetgever avah yum bol odoo tegj yalgaatai shimtgel tulj yahiinbee. er ni niigmiin daatgaliig tatan buulgaad amidraliin daatgal geh met huviin daatgaluudiin ursulduuniig demjuul yasiinbee. nasaaraa buun tatvar, huraamj etsest ni talhnii munguu tsaraichilah gej yu baisan yum bee. Niigmiin daatgal hog. Ug ni zuv menejmenttei bol heregtei l yum bgaan. Erdene metees ugsuuleed dampuuruulaad duuslaadaa

Avatar

Зочин 2019-04-09 59.153.84.210

яг үнэн, тэтгэврийн зөрүүг арилгана гээд улс балайраад байх юм их төлсөн ч бага төлсөн ч адилхан авна гэдэг үнэхээр шударга бус байнаа,

NewsMN Гар утасны хувилбар Татах
NEWS.mn

Мэдээллийн эх сурвалж