Япон улс мөнгөн тэмдэгтийнхээ загварыг өөрчилнө | News.MN

Япон улс мөнгөн тэмдэгтийнхээ загварыг өөрчилнө

Япон улс мөнгөн тэмдэгтийнхээ загварыг өөрчилнө

Япон улс мөнгөн тэмдэгтийнхээ загварыг өөрчилнө

Япон улс мөнгөн дэвсгэртийг хуурамчаар үйлдэхээс сэргийлэх зорилгоор 10000, 5000, 1000 иений мөнгөн дэвсгэртийн загвар, 500 иений зоосон мөнгөний материалыг өөрчлөхөөр болсон байна. Шинэчилсэн загвартай мөнгөн дэвсгэртүүд 2024 оны эхний хагаст, 500 иений зоосон мөнгө 2021 оны эхний хагаст гүйлгээнд гарах юм байна. Тус улс нь хамгийн сүүлд 2004 онд мөнгөн дэвсгэртүүдээ шинэчилж байжээ.

Одоогийн 10000 иений мөнгөн дэвсгэртэд соён гэгээрүүлэгч Юкичи Фүкүзава, 5000 иений мөнгөн дэвсгэртэд Мэйжигийн эриний зохиолч Ичиё Хигүчи, 1000 иений мөнгөн дэвсгэртэд микробиологич Хидэёо Ногүчи нарын хөрөг байдаг бөгөөд шинэ дэвсгэртүүд дээр үйлдвэрлэл эрхлэгч Эйичи Шибүсава (1840-1931), сурган хүмүүжүүлэгч Умэко Цүда (1864-1929), бактериологич Шибасабүро Китасато (1853-1931) нарын хөргийг хэвлэхээр болсон байна.

Японы капитализмын эцэг гэгддэг Шибүсава нь тус улсын орчин үеийн анхны банк болох “Анхны үндэсний банк”-ийг байгуулж байсан бөгөөд  одоо уг банк нь Мизүхо банк болжээ.

Цүдагийн хувьд христийн шашинтан байсан бөгөөд япон эмэгтэйчүүдэд боловсролд асар их хувь нэмэр оруулсан нэгэн төдийгүй Токио хот дахь Цүда их сургуулийн үүсгэн байгуулагч юм.

Харин Китасато нь татран болон сахуу өвчнөөс урьдчилан сэргийлэх аргыг Францын бактериологич Александр Ерсинтэй ижил онд нээж байсан гавьяатай.

Шинэчилсэн мөнгөн дэвсгэртүүдийн арын нүүрэн дээр анх 1914 онд баригдаж байсан Токиогийн өртөөний улаан тоосгон Маруноочи барилга, ороонго цэцэг, зураач Кацусика Хокусайн зурсан алдарт "Канагавагийн их давалгаа" зураг зэргийг дүрслэх ажээ.

Эх сурвалж:KYODONEWS 

"Болор дуран"-аар шалгав.
Энэ мэдээнд өгөх таны сэтгэгдэл?
1
ЗөвЗөв
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-09 223.62.215.183

МАНАЙХ Ч БАС ӨӨРЧИЛМӨӨР БАЙНАА. БӨӨН ЧИНГИСТЭЙ МӨНГӨН ДЭВСГЭРТҮҮД. ХАМГИЙН ТОМ ДЭВСГЭРТ НЬ ЧИНГИС ХААН ТЭГЭЭД ДООШОО ХУБИЛАЙ ХААН, МАНДУХАЙ ХАТАН (ГАНЦ Ч ГЭСЭН ЭМЭГТЭЙ ХҮН БАЙВАЛ ЗҮГЭЭР) \nТЭГЭЭД 100, 50, 10ТЫН ЦААСАН ДЭВСРЭРТЭЭ БҮГДИЙГ НЬ ЗООС БОЛГОЧИХВОЛ ТААРНА. ЗООСОН МӨНГӨГҮЙ УЛС ЕР НЬ ДЭЛХИЙ ДЭЭР БАЙДАГ УУ?

NewsMN Гар утасны хувилбар Татах
NEWS.mn

Мэдээллийн эх сурвалж