М.Уранцэцэг, Г.Отгонцэцэг нар мөнгөн медаль хүртэв | News.MN

М.Уранцэцэг, Г.Отгонцэцэг нар мөнгөн медаль хүртэв

М.Уранцэцэг, Г.Отгонцэцэг нар мөнгөн медаль хүртэв

М.Уранцэцэг, Г.Отгонцэцэг нар мөнгөн медаль хүртэв

Олон улсын жүдо бөхийн холбооноос зохион байгуулдаг ээлжит Гран-При тэмцээн Туркийн Анталия хотод өнгөрөгч долоо хоногт /2019.04.5-7/ боллоо. Энэ удаагийн Гран-при тэмцээнд 75 орны 485 жүдоч өрсөлдөж, шилдгүүдээ тодруулав. Манай улсаас Гавьяат тамирчин М.Уранцэцэг, Г.Болдбаатар, Г.Одбаяр тэргүүтэй 19 жүдоч барилдсанаас нэг мөнгө хүртэж, гурван тамирчин шагналт байранд  орлоо.

Эмэгтэйчүүдийн 52 кг-ын жинд МУГТ М.Уранцэцэг Финланд, Унгар, Азербайжан, Бразилын бөхчүүдийг ялж, мөнгөн медаль хүртсэн юм. Уранцэцэг гавьяатын хувьд өнгөрөгч гуравдугаар сард Гүржид болсон Гран-При тэмцээний 48 кг-ын жинд барилдаж, хүрэл медаль хүртсэн бол энэ удаагийн Гран-При өөрийн үндсэн жин 52 кг-д барилдлаа.

Манай эрчүүдээс 66 кг-ын жинд Г.Хэрлэн шагналт тавдугаар байр, 60 кг-ын жинд Гавьяат тамирчин Г.Болдбаатар, 73 кг-ын жинд Г.Одбаяр нар шагналт долдугаар байрыг эзлэв. Бусад бөхчүүд хоёр, гуравдугаар тойргоос тэмцээнээ дуусгалаа.

Казахстан улсаас оролцож буй М.Отгонцэцэг 48 кг-ын жинд барилдаж, мөнгөн медаль хүртлээ. Түүний хувьд энэ удаа Казахстаны эмэгтэй багаас ганцаараа Туркэд иржээ.

Анталиягийн Гран-При тэмцээнд 30 орон ямар нэгэн медаль хүртсэнээс Гүрж, Азарбайжан, Казахстан, Куба, Герман, Турк, Франц, Грек, БНСУ зэрэг 14 орон нэг аваргатай буцсан байна. Харин Монгол Улсын баг Бразил, ОХУ, БНХАУ-ын ард 18-р байрт бичигдлээ.

"Болор дуран"-аар шалгав.
Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-08 202.180.218.37

Энэ казахстаны иргэнийг монгол улс медаль авсан юм шиг бичихээ боливол яасан юм бэ

Avatar

зочин 2019-04-08 66.181.166.196

19 хүнээс нэг нь л медальтай, 1 тамирчин 18 жуулчин гэсэн үг үү, жуулчин нь арай хэтэрхий олон биш үү

Avatar

Зочин 2019-04-08 202.131.243.186

тэр румын манай Урнааг жаахан дээрэлхээд байсан шүү. шүүгч ялалт заачихсан байхад дахин дахин дараал

NewsMN Гар утасны хувилбар Татах
NEWS.mn

Мэдээллийн эх сурвалж