Өвөрмөц дүр төрх, дахин давтагдашгүй дуу хоолойгоороо фэнүүдээ байлдан дагуулдаг Киви хамтлагийн ахлагч Д.Уламбаярыг танихгүй хүн цөөхөн биз ээ. Түүний хувьд "Voice of Mongolia" тэмцээний шүүгчээр ажилаж, "Don’t stop" цомгоо гаргаад байгаа юм.

Тэрбээр тун саяхан реппер Н.Цэцэнбилэгтэй /Цэцэ/хамтран "Гараад ир" дуугаа бүтээжээ. Орчин үеийн залууст зориулсан, цоглог хэмнэл, өнгөлөг дүрстэй "Гараад ир" дууны клипийг өнгөрөгч  Пүрэв /2019.04.04/ гаригт олон нийтэд цацсан байна.  Тэд хамтран дуу гаргахаар болсон гэх мэдээлэл гарснаас хойш нийгэмд нэлээд хүлээлт үүсээд байсан бөгөөд шинэ дуу, клипэнд сонсогч фенүүд нь сэтгэл хангалуун буйгаа сошиалаар дамжуулан илэрхийлсээр байна.  Дашрамд, дээрх клипны зураг авалтыг БНСУ-ын Сөүл хотноо хийсэн бөгөөд дахин хоёр ч дууг гаргаад амжжээ.

Э.ЭНХ