Монголын багш нарын VII их хуралд саналаа хүргүүлээрэй | News.MN

Монголын багш нарын VII их хуралд саналаа хүргүүлээрэй

Монголын багш нарын VII их хуралд саналаа хүргүүлээрэй

Монгол улсын Ерөнхий Сайд У.Хүрэлсүхийн ивээл дор Монголын багш нарын VII их хурал дөрөвдүгээр сарын 11, 12-нд Төрийн ордонд болно. Хурлаар Хууль эрх зүйн шинэчлэл, Сургалтын бодлого, Багшийн хөгжил, ёс зүй, Багшийн үнэлэмж гэсэн асуудлаар 47 мянга гаруй багшийг төлөөлж 800 багш чуулах аж.

Хуралд санал, сэтгэгдлээ хүргүүлэх багш нар

– Багшийн хөгжлийн ордны 402 тоотод биечлэн хүргэх

– Орон нутгаас сонгогдсон төлөөлөгчөөр дамжуулан өөрийн саналаа илгээх

– Багшийн мэргэжил дээшлүүлэх институтын www.itpd.mn хуудсаар онлайнаар илгээх боломжтой юм

Монгол Улсад орчин цагийн боловсролын тогтолцоо үүсч бий болсноос хойш Монголын багш нарын их хурлыг 6 удаа зохион байгуулсан байна. Тэгвэл 6 дахь их хурлаас хойш 23 жилийн дараа Монгол Улсын Ерөнхий сайдын 2019 оны 25 дугаар захирамжаар Монголын багш нарын VII их хурлыг 2019 оны 4 дүгээр сарын 11-ний өдөр зохион байгуулахаар шийдвэрлэжээ.

Энэ удаагийн их хурлаар 2005 оноос 11 жилийн тогтолцоонд, 2008 оноос 12 жилийн тогтолцоонд шилжсэн ерөнхий боловсролын тогтолцооны өөрчлөлт, шинэчлэлийн ололт, амжилт, сургамжийг нэгтгэн дүгнэх, Боловсролын салбарын хууль, эрх зүйн орчинд хийгдсэн шинэчлэлийн хэрэгжилт, багшийн өмнө тулгамдаж асуудлыг шийдвэрлэх арга замыг хэлэлцэх юм.

Мөн ерөнхий боловсролын сургалтын хөтөлбөр сүүлийн 16 жилд 3 удаа өөрчлөгдсөний үр дагавар, сургамж, сургалтын хөтөлбөр, сурах бичгийн тогтвортой байдлыг хангах асуудлыг хууль, эрх зүйн орчны хувьд баталгаажуулалт хийх асуудлыг хөндөх болно. Шинэ цаг үе, нийгмийн шаардлагад нийцсэн монгол хүүхдийн дүр төрх /2030 оны иргэн/, тэднийг бэлтгэх, төлөвшүүлэхэд багшийн үүрэг, оролцоо, боловсролын зорилгыг тодорхойлох, багш бэлтгэх тогтолцооны гажуудал, багш бэлтгэх бодлогын үр ашигтай хувилбарыг хэлэлцэх нь хурлын бас нэг онцлог.

Цаашлаад багшийн цалин хөлс, нийгмийн баталгааг хангах асуудлаар хөдөлмөр, нийгмийн зөвшлийн гурван талт хэлэлцээрээр хүлээсэн үүргийн биелэлт, багшийн нийгмийн баталгааг нэмэгдүүлэх боломжийг мөн хэлэлцэнэ.

Эх сурвалж: МУИС

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

МЭРГЭЖЛИЙН БОЛОВСРОЛ 2019-04-06 202.9.43.238

МЭРГЭЖЛИЙН БОЛОВСРОЛ ОРХИГДОХ ГЭЭД БАЙХ ЮМ ДАА....... УЛС ОРНЫ ХӨГЖИЛ... НӨГӨӨ ЯРИАД БАЙДАГ ЯДУУРАЛААС ГАРГАХАД ХАМГИЙН ЧУХАЛ НӨЛӨӨ ҮЗҮҮЛЭХЭД МЭРГЭЖИЛ ЭЗЭМШИХ АЖИЛ ХӨДӨЛМӨР ХИЙХ ГЭЭД МЭРГЭЖЛИЙН БОЛОВСРОЛЫН ҮҮРЭГ ОРОЛЦОО ИХ Л ЧУХАЛ БАЙХ ЮМ ДАА

NewsMN Гар утасны хувилбар Татах
NEWS.mn

Мэдээллийн эх сурвалж