Фэйсбүүкийг энхтайван, эв нэгдэлд ашиглана | News.MN

Фэйсбүүкийг энхтайван, эв нэгдэлд ашиглана

Хуучирсан мэдээ: 2019.04.05-нд нийтлэгдсэн

Фэйсбүүкийг энхтайван, эв нэгдэлд ашиглана

Фэйсбүүкийг энхтайван, эв нэгдэлд ашиглана

Гадаад харилцааны сайд Д.Цогтбаатарын санаачилгаар даян дэлхий залуусын дунд энх тайван, харилцан ойлголцлыг бэхжүүлэхэд нийгмийн сүлжээг өргөн ашиглахыг уриалах зорилготой анхны "PEACEBOOK" Форум 2019 оны дөрөвдүгээр сарын 5-ны өдөр ГХЯ-нд боллоо. ГХЯ-наас төрийн болон төрийн бус байгууллагууд, олон улсын дипломат төлөөлөгчийн болон суурин төлөөлөгчийн газрууд, эрдэм шинжилгээ, судалгааны байгууллагууд, хувийн хэвшлийн болон хэвлэл мэдээллийн 250 гаруй төлөөллийг нэг дор цуглуулсан форумыг анх удаа Улаанбаатар хотноо амжилттай зохион байгуулав.

Форумыг нээж Гадаад харилцааны сайд Д.Цогтбаатар нийгмийн сүлжээний эерэг, сөрөг нөлөөний талаар тодорхой жишээгээр тайлбарлаад, “…өнөөгийн ертөнц дэх хэт их хагарал бутрал, дургүйцэл, хараал зүхэл зэрэг нь хүн болгоны толгойд суугаад эхлэхээр хоорондоо мууддаг. Гэтэл бид муудах эрхгүй, цөмийн зэвсэгтэй ертөнцөд амьдарч байна. Эв эе, энхтайваны  үйлсийг Фэйсбүүкээр дамжуулан түгээе гэсэн саналыг дэвшүүлж байна. Тийм учраас бид “PEACEBOOK" форум гэж нэрлэсэн” хэмээн онцоллоо. Арга хэмжээнд Facebook, Inc. компанийн төлөөлөгч урилгаар оролцож, сошиал медиагаар дамжуулан Монгол Улсыг дэлхий ертөнцтэй холбох, илүү үр ашигтай хамтын ажиллагаанд хөтлөх боломжуудын тухай илтгэл тавьж, хэлэлцүүлгийг өрнүүлэв.

Форумын бас нэгэн онцлог нь Улаанбаатар хотын Жамъян гүний гудамжинд анхны Сошиал Медиа хана-ыг нээсэн явдал байлаа. Монголын уран бүтээлчдийн урласан уг хананы өмнө хэн ч зургаа авхуулж, сошиал медиа дээрээ тавих боломжтой, хүүхэд залуусын болон жуулчдын ирэх дуртай газар болно гэдэгт форумыг зохион байгуулагчид итгэж байна.

Энэ мэдээнд өгөх таны сэтгэгдэл?
2
ТэнэглэлТэнэглэл
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-05 202.21.108.99

Битгий инээд хүргээд бай та нар хаха.Эхлээд элсэж буй хүн бүрийг цалинтай болго.тэгж чадвал та нар хувьсал хийж чадна

NewsMN Гар утасны хувилбар Татах
NEWS.mn

Мэдээллийн эх сурвалж