Намын батлах харгалздаггүй холбоо | News.MN

Намын батлах харгалздаггүй холбоо

Намын батлах харгалздаггүй холбоо

Намын батлах харгалздаггүй холбоо

“Монгол цэргийн нэгдсэн холбоо” гэх нэртэй нийтэд үйлчлэх төрийн бус байгууллага /ТББ/өчигдөр албан ёсоор үүсгэн байгуулагдав. Ингэхдээ Төрийн ордны их танхимд анхдугаар хуралдаанаа хийж, ТББ-ын тэргүүнээр Монгол Улсын Ерөнхий сайд У.Хүрэлсүх томилогдов. Ерөнхий сайдаар ахлуулсан ТББ нь эх оронч үндэсний үзэл, бахархлыг хөгжүүлэн, ард түмнээ соён гэгээрүүлж, Монгол улсын тусгаар тогтнол, аюулгүй байдлын оюуны дархлаа, үнэт зүйлсийг хамгаалан бэхжүүлэх үйлсэд төр, иргэний нийгмийн байгууллагуудтай хамтран зүтгэх зорилготой бөгөөд 1000 гаруй гишүүнтэй. Харин анхдугаар хуралдаанд нь 950 гишүүн оролцов. Монголын цэрэг, хүчний байгууллагын нийт 27 төрийн бус байгууллага байдаг бөгөөд эдгээр холбоодыг нэгтгэж нийгэмд дуу хоолойгоо нэгтгэх, үндэсний аюулгүй байдлын эрх ашигт нийцүүлэх хэрэгжүүлсэн үйл ажиллагааг хэрэгжүүлэх, байр суурийг бэхжүүлэн нийгэмд үйлчилдэг төрийн болон төрийн бус байгууллагуудтай нягт хамтран ажиллах гэнэ. Мөн Монгол улсын төрийн цэргийн байгууллагуудын цэргийн жинхэнэ албан хаагчид, үндэсний аюулгүй байдлыг хангах тусгайлсан чиг үүрэгтэй байгууллагуудын ажилтан, албан хаагчид, түрүүч, байлдагчид болон иргэдийн сайн дурын үүсгэл санаачлагын байгууллага аж. Холбоо нь их хурал, бага хурал, удирдах зөвлөл тэргүүнээс бүрдэх бөгөөд төв салбар Улаанбаатарт байх бөгөөд орон нутагт салбар нэгжтэй байж болохыг дүрэмд тусгажээ.

Монгол үйл ажиллагаа явуулж буй төрийн бус байгууллага маш олон бий. Тэдний дундаас Ерөнхий сайд нь толгойлж, хуулийн байгууллагаа удирдаж байгаа нь бараг л анхны тохиолдол. Тэр дундаа Ерөнхийлөгч нь илгээлт илгээж, Төрийн ордноо анхдугаар хуралдаанаа хийж байсан нь ховор биз. ТББ-ын дүрэм, зорилго нь муухан шиг намын дүрмээс ч "чанга", ТББ нэртэй ч намын гишүүд шиг ажиллахаар хүчний байгууллагууд нэгдлээ. Энэ холбоонд нам харгалзахгүй, бүгд улс эх орныхоо төлөө зүтгэх, ажиллах хүмүүс нэгдсэн гэдгийг ТББ-ын тэргүүн онцолж байсан юм.

“Монгол цэргийн нэгдсэн холбоо”-ны тэргүүн Ерөнхий сайд У.Хүрэлсүх "энэ холбоо бол улс төрөөс ангид байх ёстой гэдгийг хатуу хэлье. Аль нэг нам харгалзахгүйгээр эх орныхоо төлөө зүтгэе, ард түмнийхээ төлөө ажиллая гэсэн хүмүүс байгаа. Биднийг нэгтгэж байгаа ганц зүйл нь эх орон. Цэргүүд ганц л зүйлд үйлчилдэг. Монгол Улс, эх орон, ард түмний язгуур эрх ашиг. Үүнд үйлчилдэг илд нь та бид. Манай холбоо янз бүрийн улс төрийн үйл ажиллагаа явуулахгүй" хэмээн мэдэгдсэн. Улс төрөөс ангид байна гэдгээ зарласан ч эрх баригч намын дарга, Ерөнхий сайд энэ холбоог тэргүүлэхээр болж байгаа нь хэнд ч улс төрийн тоглолт гэж харагдаж байна.

Ш.ОЧ

"Болор дуран"-аар шалгав.
Энэ мэдээнд өгөх таны сэтгэгдэл?
2
ЗөвЗөв
2
ТэнэглэлТэнэглэл
1
ГайхмаарГайхмаар
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

14 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-05 66.181.184.73

ИНГЭЖ ШУУГИУЛЖ ШУУГИУЛЧИХААД БАЯЛАГТ ГАРАА ДҮРЖ ШУРГУУЛБАЛ Ч ЭМЭГЧИН ААЛЗНЫ ТАВИЛАН ХҮЛЭЭЖ БАЙГАА БАЙХ ШҮҮ

Avatar

Зочин 2019-04-05 66.181.184.73

ТУЛТАЛ ДЭМЖИХ ТУЛТАЛ ДЭМНЭХ ТУЛТАЛ ЕВЭХ ТУЛТАЛ ТҮЛХЭХ ГЭЭД ЦААШАА ЯВЖ ӨГДӨГ ЮМ ДАА ХЭ ХЭ

Avatar

ЦЭРЭГ ЭР 2019-04-05 203.91.115.46

ЗАРИМ НЭГ АТААРХАГЧ НЬ ЭЛДЭВ ЮМ БИЧИХ, БИЧҮҮЛЭХ НЬ ДАМЖИГГҮЙ. ГЭСЭН Ч У.ХҮРЭЛСҮХИЙГ ТУЛТАЛ ДЭМЖИНЭ. ЭХ ОРНЫХОО ТӨЛӨӨ ЭР ЦЭРГҮҮД Л ТЭМЦДЭГ ЗҮТГЭДЭГ ЮМ. АМЖИЛТ ХҮСЬЕ

Avatar

zochin 2019-04-05 202.126.89.14

hurelsuhiiig demjine ene hun mongolin turd nuurlesen shudraga bus olon zuiliig il bolgoson jenkog hamgaalna ene hun huniig deer door gehgui haritsdag elbegdorj terguutnuud arail bsan shuuu ems ohidiig buzarlaj ezen haan shigl tengert suusan

Avatar

дэмжиж байгаа шүү 2019-04-05 94.230.208.148

Монгол цэргийн хөгжилд шинэчлэл дэвшил болох олон ажил хийнэ гэж найдаж байна

Avatar

zochin 2019-04-05 66.181.171.34

ee chaavaas, ineedtei ym. Diktatur togtooh ym baihdaa 21 zuun bolj bn. baildaantai togloomoo martaach

Avatar

Үнэхээр өрөвдөлтэй бас инээдтэй. Чааваас !!!!!!!!!!!!!!!!!!!! 2019-04-05 185.86.149.254

Ишш чааваас энэ тэнэг боловсролгүй балайгийн хийж байгаа юмыг хараач. Хүүхдүүдийн амь нас, хүчирхийлэл, өргөн хэрэглээний бараа, доллар, бензиний үнэ ханш гээд бүх юм тэнгэрт хадлаа. Энэ эргүү энд өөрийгөө мундаг цэргийн дарга гээд өргөмжлүүлээл сууж байна. Яг л Венесуэл-ийн Мадуро харагдаад байгаамдаа. Мадуро автобусны жолооч, боловсролгүй энэ нөхөр цэргийн бага дарга бас боловсролгүй. Үр хүүхдээ аваад өөр улс руу цагаачладаг юмуу яадаг юм одоо. Ийм тэнэг хүмүүсээр удирдуулах ч гэж дээ.

Avatar

Чааваас 2019-04-05 43.243.161.23

Ингэж мэдрэлтэж бодиймуу бүр балайраад явчлаа л д энэ хүн

Avatar

Зочин 2019-04-05 173.66.16.120

Turiin, tehdee bvr uursdiiguu " hvchnii" gej nereldeg baiguullaguud hiileed TBB baiguulna gedeg yu gesen vg ve?! \nU. Hvrelsvhiin uhaanaas utgagvi l yum yrgan garch baina doo !!!

Avatar

Иргэн 2019-04-05 202.179.31.71

Эх орон ард түмний төлөө тамираа тасартал зүтгасэн улсууд байхад хугацаа ажлын амжилтаар цол гэсэн зарлиг, эрхэлсэн ажил хлбан тушаалаар хүнийг ялгавароаж үл болхо гэсэн үндсэн хуулийн заалтаа уландаа гишгэн хууль , зхрлигаа зарчин олгосон цолны дараагийн цол олгох хугацаа болоод байхад цолыг олгох мест биш дарж дарамталж цэргийнт тэтгэвэрт гаргасаг бэлтгнл офицерт цолыг нөхөн олгох заалтыг цол олгох журамдаа нэмж тусгаж шинчлэн найруулла. арван хүн хариуцдаг харуулын даргад хурандаа цол олгон

Avatar

Дүүрэн 2019-04-05 202.179.31.40

Ерөнхийлөгч нь илгээлт илгээж, Төрийн ордноо анхдугаар хуралдаанаа хийж байгаа нь яаж байгаа юм бол… Ер нь армийг улс төрөөс хол байлгах, тэдний үйл ажиллагаанд улс төрчид оролцохгүй байх ёстой. Ингээгүйгээс болж хүн төрөлхтөн ямар их зовлон амслаа даа. Тэр дундаа н.Даваа шиг "генералын оронцог"-ийг бүр хол байлга.

Avatar

123 2019-04-05 203.91.119.74

зүгээр нэг төрийн бус байгууллага л төрийн ордонд ухрлаа хийдэг болоо шив дээ.

Avatar

Зочин 2019-04-05 64.119.19.167

Төрийн эргэлт хийхгээгүй л юм бол ямар ч хэрэггүй холбоо байна.

Avatar

Зочин 2019-04-05 66.181.183.251

Хүрэлсүх ч Баттулгатай байлдах бэлтгэлээ базааж байна даа.

NewsMN Гар утасны хувилбар Татах
NEWS.mn

Мэдээллийн эх сурвалж