Х.Баттулга 2222 сурагчийн хамт “Тусгаар тогтнол” шүлэг уншлаа | News.MN

Х.Баттулга 2222 сурагчийн хамт “Тусгаар тогтнол” шүлэг уншлаа

Х.Баттулга 2222 сурагчийн хамт “Тусгаар тогтнол” шүлэг уншлаа

Х.Баттулга 2222 сурагчийн хамт “Тусгаар тогтнол” шүлэг уншлаа

Монгол Улсын Хөдөлмөрийн баатар, Ардын уран зохиолч Дэндэвийн Пүрэвдоржийн “Тусгаар тогтнол” шүлгийг жил бүрийн дөрөвдүгээр сарын эхний долоо хоногт Ерөнхий боловсролын сургуулийн сурагчид уншдаг уламжлал тогтсон нь өнөөдөр болж өндөрлөлөө.

Сурагчдад эх оронч сэтгэл, тусгаар тогтнолын ухагдахууныг шүлгээр дамжуулан илэрхийлж, жил бүр энэхүү шүлгийг унших нь яруу найрагч Дэндэвийн Пүрэвдоржийн “Тусгаар тогтнол” шүлгийг үндэсний бахархалт шүлэг болгох зорилготой юм.

Өнгөрсөн жил энэхүү шүлгийг Нийслэлийн Баянгол дүүргийн “Оюуны ундраа” цогцолбор сургуулийн багш, ажилчдын санаачилгаар 3333 сурагч анх удаа уншсан бол энэ жил Баянзүрх дүүргийн 92-р сургуулийн 2222 сурагч Монгол Улсын Ерөнхийлөгч Х.Баттулгын хамтаар Сүхбаатарын талбайд уншлаа.

Шүлгийг уншихдаа сурагчид Монгол Улсын алтан соёмбот Төрийн далбааны хэлбэрийг гаргаж зогссон юм.

ШҮЛЭГ УНШСАНЫ ДАРАА МОНГОЛ УЛСЫН ЕРӨНХИЙЛӨГЧ Х.БАТТУЛГА:

“Сайн байцгаана уу? Хүүхэд багачууд, хүндэт сурагчид аа.

Өнгөрсөн жил Нийслэлийн Баянгол дүүргийн “Оюуны ундраа” цогцолбор сургуулийн 3333 сурагч Монгол Улсын Хөдөлмөрийн баатар, Төрийн шагналт, Ардын уран зохиолч Дэндэвийн Пүрэвдоржийн “Тусгаар тогтнол” шүлгийг Их эзэн Чингис хааны хөшөөний өмнө, жанжин Д.Сүхбаатарын талбайд анх уншиж, миний бие уг үйл ажиллагаанд хамтран оролцсон юм.

Тусгаар тогтнол хэмээх гүн утга, өргөн агуулгатай үг. Та бидний олон мянган жилийн түүх, соёл уламжлал, язгуур сэтгэлгээ, газар нутаг, хил хязгаар, баатарлаг тэмцэл, ололт амжилт, алдаа оноог шингээж байдаг. Тусгаар тогтнол хэмээх энэ үгэнд эх оронч өвгөд дээдсийн халуун амь, чин сэтгэл, хүсэл тэмүүлэл шингэж, бидний Монголын өнгөрсөн, одоо, ирээдүй бүтнээрээ багтсан байдаг.

Тусгаар тогтнол бол хүссэн үндэстэн бүрд олддоггүй эрхэм нандин боломж билээ. Хэдэн арван саяар тоологдох хүнтэй үндэстэн хэдэн зуун жилийн турш тэмцээд тусгаар тогтнож чадаагүй байгаа жишээ ч бий юм шүү. Гуравхан саяар тоологдох иргэдтэй ч дэлхийн хоёр том гүрний дунд туурга тусгаар, эрх чөлөөтэй оршин тогтнож байгаа Монгол Улсаараа бид бахархах ёстой.

Өнөө жил Баянзүрх дүүргийн Ерөнхий боловсролын 92 дугаар сургууль энэхүү арга хэмжээг уламжлан авч, тус сургуулийн 2222 сурагчийн хамт Монголын эрх чөлөө, тусгаар тогтнолыг өргөн дуулсан “Тусгаар тогтнол” шүлгийг уншлаа. Хүүхэд багачуудад эх оронч, үндэсний үзлийг төлөвшүүлэхэд өнөөдрийн арга хэмжээ чухал ач холбогдолтой боллоо. Уламжлалт ажиллагаанд цаг зав, сэтгэл зүрхээ зориулан ирсэн бүгдэд баярлалаа.

Баяр хүргэе.

Мөнх тэнгэр Монгол Улсыг ивээж, тусгаар тогтнол бат орших болтугай.” гэлээ.

Монгол Улсын Ерөнхийлөгч Х.Баттулга үг хэлснийхээ дараа шилжин явах цомыг Нийслэлийн Сонгинохайрхан дүүргийн 122-р сургуулийн хамт олонд гардуулж өгөв.

Монгол Улсын Хөдөлмөрийн баатар, Ардын уран зохиолч Дэндэвийн Пүрэвдоржийн “Тусгаар тогтнол” шүлгийн энэхүү шилжин явах цом нь Монгол Улсын газрын зураг бүхий суурьтай, дөрвөн талт зэс цом юм байна. Цомон дээр Тусгаар тогтнол гэж бичсэнээс гадна, шүлгийг өнгөрсөн жил уншсан 3333, энэ жил уншсан 2222 хүүхдийг бэлэгдэн тоог сийлжээ.

Эх сурвалж: www.president.mn

"Болор дуран"-аар шалгав.
Энэ мэдээнд өгөх таны сэтгэгдэл?
5
ЗөвЗөв
4
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2019-04-04 202.21.108.216

Ким Жон Ун гэлтэй л солиорч өгөх юм аа энэ тэнэг. Тусгаар тогтнолын гол аюул нь өөрөө болоод байдаг, тэгснээ тэрийгээ мэдэрсэн юм шиг хүүхдүүд хуураад хар хүүр юм аа.

Avatar

МОНГОЛЫГ ЯЛСАН ТӨВД ЖАНХУУГ ОГЦРУУЛЬЯ ! 2019-04-04 64.119.20.8

Энэ эргүү самбочин мал анх удаагаа шүлэг цээжлээ юу? Хүүхэд нохойн доог болохоор огцроод зайлаад өгөөч. Туурга тусгаар Монгол улсыг чам шиг хогийн атийсан тайрдасаар самруулмааргүй л байна шүү.

Avatar

ЗОЧИН 2019-04-04 202.21.126.30

ҮНЭХЭЭР ПОПРОНО ГЭДГИЙГ Ч ҮЗҮҮЛЖ ХАРУУЛЖ БАЙНА ДАА. ТӨРИЙН БҮХ ЭРХ МЭДЛИЙГ ҮАБЗ НЭРИЙН ДОР АВЛАА. МОНГОЛ ЯЛНА ГЭДЭГ НЬ ЭНЭ ЮМ БОЛОВ УУ. АРДЧИЛАЛ ЦААШИД ХЭРХЭН ӨРНӨХИЙГ ХАРЪЯ ДАА.

Avatar

Зочин 2019-04-04 202.131.247.12

ХҮҮХДҮҮДЭЭР ШОУ ХИЙГЭЭД ӨӨРӨӨ ТУСГААР ТОГНОЛОО УСТГАЖ ШХАБ-Д ОРНО ГЭЭД УХААНГҮЙ ЗҮТГЭЭД БАЙГАА БИЗДЭЭ ШАЛ ХУДЛАА ПОПРХОО ЗОГСОО БАТТУЛГАА

Avatar

АНЖЕЛИ 2019-04-04 175.38.87.92

YНЭХЭЭР ТУСГААР ТОГТНОЛ ОО ХҮНДЭЛЖ БАЙГАА БОЛ НҮДНИЙ ХАР ШИЛ ЭЭ АВААД ДЭЭЛ ӨМСЧИХ УХААН БАЙДАГГҮЙ, ЭСВЭЛ ХҮНИЙ НҮД ХАРЖ ЧАДАХ АА БАЙТЛАА ХУЛГАЙ ХИЙСЭН ГЭЖ ҮҮ?! ДЭНДҮҮ ДЭЭ ДААНЧ ДЭНДҮҮ ИХ ЦУСАЛСАН ДАА ЭНЭ ЖОНКУУ!!! ЦУСАЛЖ, ГУДАРЧ ХАНАДАГГҮЙ ЛЛАРЫГ ТУСГААР ТОГТНОЛ ГЭХЛЭЭР ОЙ ГУТАМ БАЙГАМ…

NewsMN Гар утасны хувилбар Татах
NEWS.mn

Мэдээллийн эх сурвалж