Польшид болсон хөнгөн атлетикийн мастеруудын Дэлхийн аварга шалгаруулах тэмцээн амжилттай оролцож, эх орныхоо Төрийн дууллыг эгшиглүүлсэн Ц.Раднаа, Т.Цэрэндолгор нарыг албаныхан уулзаж, хүндэтгэл үзүүлсээр байна. Өчигдөр Монголын үндэсний олимпийн хорооны Ерөнхий нарийн бичгийн дарга, олимпийн аварга, Хөдөлмөрийн баатар Э.Бадар-Ууган дэлхийн аварга болсон ахмадуудыг хүлээн авч уулзлаа. Энэ үеэр тус хорооны хүндтэй шагналын нэг болох МҮОХ-ны одонг гардуулж, эрүүл энх урт удаан наслахыг хүсэн ерөөлөө.