Засгийн газрын ээлжит хуралдаанаар ШШГЕГ-ын даргаар Д.Дамдинцэрэнг томилжээ. Д.Дамдинцэрэн нь эрх зүйч мэргэжилтэй. Хууль зүйн ухааны доктор, 1988-1992 оноос Нийслэлийн Багануур дүүргийн 427 дугаар ангид төлөөлөгч, Ганц худаг, Тахир соёот, Авдрант зэрэг хорих ангиудад төлөөлөгч, дэд дарга, дарга зэрэг алба хашиж байсан. ШШГЕГ-ын Тэргүүн дэд даргаар ажилласан туршлагатай юм.

Сануулахад, ШШГЕГ-ын даргын албан тушаалыг хашиж байсан генерал Ц.Амгаланбаяр 2019 оны гуравдугаар сарын 20-ны өдөр үүрэгт ажлаасаа чөлөөлөгдөх хүсэлтээ өгснөөр тус газрын даргыг дахин томилж буй нь энэ юм. Тус газрын харъяа Цагдан хорих 461 дүгээр ангид иргэн Б амиа алдсан, Булган аймгийн Булган сумын хаалттай хорих ангийн хоригдлууд осолдож, нэг нь нас барсан зэрэг нь түүнийг албан тушаалаа өгөх шалтгаан болсон гэж олон нийт дүгнэсэн билээ.

Э.АРИУН