Хотын захиргаа экоавтомашины дараагийн захиалагч болно гэв | News.MN

Хотын захиргаа экоавтомашины дараагийн захиалагч болно гэв

Хуучирсан мэдээ: 2019.04.03-нд нийтлэгдсэн

Хотын захиргаа экоавтомашины дараагийн захиалагч болно гэв

Хотын захиргаа экоавтомашины дараагийн захиалагч болно гэв

Улаанбаатар хотын Захирагч С.Амарсайхан өчигдөр /04.02/ “Эх оронч худалдан авалт үндэсний үйлдвэрлэл-2019” үзэсгэлэнгийн үеэр агаарт хорт утаа гаргадаггүй цахилгаан хөдөлгүүр бүхий эко автомашинтай танилцлаа. Монгол инженерүүдийн гараар бүтсэн цахилгаан хөдөлгүүрт машин худалдаанд гараад удаагүй билээ.

Эхний машиныг туршилт судалгаанд ашиглаж байгаа бөгөөд хоёр дахийг нь MNC телевиз захиалгаар хийлгэжээ.

“Энэ машин бол олон компанийн хамтын бүтээл. Машин бол явдаг байшинтай л адилхан. Захиалагч, гүйцэтгэгч, түүхий эд гэхэд блок, цемент, арматур гээд олон компани ордог. Үүнтэй л адилхан. Сибкабель, Автошил, Анартех гээд олон компани хоршиж үйлдвэрлэсэн шинэ бүтээгдэхүүн. Тэр хэрээрээ ажлын байр бий болгож, олон хүнийг цалинтай, компаниудыг ашигтай болгодог давуу талтай” гэж инженер Д.Жаргалсайхан Хотын захирагчид  танилцууллаа.

Хотын захирагч С.Амарсайхан эко машиныг унаж үзээд “Ашиглалтын зардал энгийн унаанаас 5-8 дахин бага гэдэг утгаараа Улаанбаатар хотод ашигтай тээврийн хэрэгсэл гэж бодож байна. Дээр нь агаар бохирдуулахгүй, импортын шатахуун хэрэглэдэггүй, дотоодын эрчим хүчний салбараа дэмжиж худалдан авалт хийх зэрэг ашигтай тал олон талаарх мэдээллийг өгч байна. Дараагийн захиалагч нь Улаанбаатар хотын захиргаа байх болно” эко машин үйлдвэрлэгчдэд хандан хэллээ.

Тэрбээр, Улаанбаатар хотод ийм автомашин олныг үйлдвэрлэвэл агаарын бохирдол буурах, замын түгжрэл багасах, цаашлаад ажлын байр нэмэгдүүлэх олон талын ач холбогдолтой талаар онцлов.

Уг машин 2 хүний суудалтай 2 цаг цэнэглээд 48 км/цагийн дээд хурдтайгаар 100 км замыг туулах чадвартай гэнэ. Ийм хэмжээний замыг туулсан цахилгааны зардалд ердөө л 2400 төгрөг зарцуулах юм байна гэж  НЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

2 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2019-04-03 202.126.89.124

КРЭЙШ ТЭСТ ХИЙГЭЭГҮЙ МАШИН ЯВУУЛЖ БОЛОХГҮЙ Ш ДЭЭ. МАНАЙХАН ҮНЭХЭЭР ХАРАНХУЙ ЗАГНАХ ЮМ АА

Avatar

Зочин 2019-04-03 64.119.22.129

medrelteed bgarai malaa teriichin olon myangaar n uildverledeg tom kompani hiidgiin za yu

NewsMN Гар утасны хувилбар Татах
NEWS.mn

Мэдээллийн эх сурвалж