Английн Премьер лигийн энэ улирлын аваргын алдрыг хүртэхэд “Челси”-д одоо ганцхан ялалт л хэрэгтэй байна. Тэд өчигдөр “Лестер”-ийг 3:1-ээр хожиж чадсан. Харин тэднийг уйтгартай хөлбөмбөг тоглож байна гэсэн шүүмжлэлд “Манчестер Сити”-гийн хамгаалагч Гауэль Клиши өөрийн зүгээс хариулт өгчээ.

“Жозе Моуриньогийн баг уйтгартай хөлбөмбөг тоглодог, довтлох дургүй гэж хүмүүс ярьж байна. Тэд энэ улиралд л гэхэд нэг гоолын ачаар олон ялалт байгуулсан. Гэхдээ үнэндээ уйтгартай хөлбөмбөг биш гардсан цом л чухал шүү дээ.

Зарим тоглолтод тааруухан тоглосон хэрнээ ялалт байгуулах хэрэгтэй байлаг. Энэ улиралд бидний хувьд тэнцчихээр тоглолт дээр хожигдсон нь хэд хэд бий. Харин яг ийм тохиолдолд “Челси”-гийнхэн хожиж чаддаггүй юмаа гэхэд ядаж хожигдолгүй өнгөрч чадаж байлаа. Үүн дээр гол ялгаа байна.

Манай багтай хийсэн хоёр тоглолтод бид бөмбөг илүү эзэмшиж, илүү довтолж тоглосон ч хоёуланд нь тэнцсэн. Манай багийн философи бол үзүүштэй тоглолт гаргаж, олон гоол оруулах. Гэвч “Челси” хэдийгээр бидэн шиг тоглодоггүй ч гэсэн энэ улирлын хамгийн шилдэг баг гэдгийг хүлээн зөвшөөрөх хэрэгтэй байх.

Хэрвээ “Челси”-д аварга болохын тулд таван оноо л хэрэгтэй бол тэд таван тоглолтод тэнцээд тэр оноогоо авчихаж чадна. Лигийн өөр ямар ч баг ингэж чадахгүй. Тэгэхээр тэдний өөрийн гэсэн арга барил зөв л байж таарах нь” гэж Клиши өгүүлжээ.

Р.ГЭГЭЭ

Эх сурвалж: http://horom.mn