Дэлхий даяараа олон төрлийн үйлдэл нэгт эм болон антибиотикоос аль болох татгалзан хүний бие махбодь, байгаль дэлхийд суурилсан эмчилгээг сонгох болж. Уламжлалт болон орчин үеийн анагаах ухааныг хослуулан ашигласнаар аливаа эмчилгээ илүү үр дүнтэй болдог байна. Нарны эмчилгээ /Гелиотерапи/, давсан дээр гишгэх эмчилгээ /Salt therapy/ зэрэг байгалийн гайхалтай энергиэр эмчлэх эмчилгээ өргөн дэлгэрээд байна.

Соёл Велнесс Төв нь 2016 оноос эхлэн давсан дээр гишгүүлэх эмчилгээний өрөөг үйлчлүүлэгчдээ зориулан нээсэн ба уг эмчилгээний өрөө нь хөлийн улан дахь хүний биеийн байршлын дагуу байрласан биологийн идэвхит сүвүүдийг цочроон, мэдрэл шүүрэл дархлалын үйл ажиллагааг сэргээн цусны урсгал тунгалаг, хийн эргэлтийг сайжруулах зорилготой.

Эмчилгээ нь биеийг чийрэгжүүлж толгой хүзүү, цээжний өвдөлтийг намдаан, цусны даралтыг тогтворжуулж бөөрний тамирыг сайжруулан, шээс ялгаралтыг нэмэгдүүлдэг ба 1 удаадаа давс болон чулуун дээр 15-20 минут гишгэж явна. 3-5 минутын зайтай хөлөө амрааж 5-10 удаагийн давтамжтайгаар алхана.

Эмчилгээний давсан өрөөнд орохоос өмнө заавал цусны даралтаа хянаарай. Мөн эмчилгээнд орохдоо хэт халаагүй, хэт дараагүй байх шаардлагатай ба эмчилгээний дараа хүйтэн ус хэрэглэж болохгүй шүү.