5-р сард багтаан Нийслэлийн бүтээн байгуулалтын ажлыг дуусгахыг үүрэг болгов | News.MN

5-р сард багтаан Нийслэлийн бүтээн байгуулалтын ажлыг дуусгахыг үүрэг болгов

Хуучирсан мэдээ: 2019.04.01-нд нийтлэгдсэн

5-р сард багтаан Нийслэлийн бүтээн байгуулалтын ажлыг дуусгахыг үүрэг болгов

5-р сард багтаан Нийслэлийн бүтээн байгуулалтын ажлыг дуусгахыг үүрэг болгов

Нийслэлийн Засаг дарга бөгөөд Улаанбаатар хотын захирагч С.Амарсайхан 2019 оны 03 дугаар сарын 30-ны өдөр нийслэлийн захирагчийн албаны өргөтгөсөн хурлыг хуралдуулж 2019 онд Улаанбаатар хотод хийгдэж буй бүтээн байгуулалтын ажлын явцтай танилцаж холбогдох албаны хүмүүст хот тохижилт, бүтээн байгуулалтын ажлуудыг эрчимжүүлэх үүрэг даалгаврыг өглөө.

  • Нийслэл хотын ногоон байгууламжийг услах, гудамж талбайн тоосжилт буруулах ус цацруулагч тусгай тоноглол бүхий автомашин 10 ширхэг нэмж худалдаж авах
  • Гудамж талбайн зам дагуух хог сорох зориулалттай бага оврын автомашин 20 ширхгийг нэмж худалдаж авах
  • Бүх дүүргүүдэд (Багануур, Багахангай, Налайх дүүргүүдэд мөн) стандартад нийцсэн хөлбөмбөгийн талбай байгуулах

Тэрээр хийгдэж буй бүх бүтээн байгуулалтын ажлыг хуульд нийцүүлэн нэгдсэн стандартын дагуу, чанарын өндөр түвшинд хийгдэж байхыг хатуу анхаарууллаа.

Мөн нийслэлийн иргэдийн амралт чөлөөт цагаа зөв боловсон өнгөрөөх газрыг нэмэгдүүлэх зорилгоор Хотын захирагчийн санаачлагаар бүх 9 дүүрэгт стандартад нийцсэн хөл бөмбөгийн талбай байгуулах, нийслэлийн хэд хэдэн дүүрэгт унадаг дугуйн зам шинээр байгуулах, хотын түүхэн дурсгалт газрууд болох Чойжин ламын сүм музей орчмын талбайг тохижуулах, Сайн ноён Намнансүрэнгийн хөшөө орчмыг газруудыг тохижуулж, цэцэрлэгжүүлэх, зам талбайг сайжруулах зэрэг ажлыг санаачлан эдгээр ажлуудыг яаралтай зохион байгуулж хийж гүйцэтгэхийг холбогдох албаны хүмүүст үүрэг болголоо гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

1 Сэтгэгдэл

News.mn сайтад сэтгэгдэл оруулахад анхаарах зүйлс

Avatar

зочин 2019-04-01 202.131.245.69

цахилгаан, холбоо, дулаан, цэвэр, бохир усны дамжуулах хоолойг нэлээд олон жилийн ашиглалт даахаар чанартай труба гэх мэтээр сольж байгаа эсэхэд сайн хяналт тавих хэрэгтэй. жил бүр тохижилтын ажлын дараа өвөл болтол хаа хамаагүй нүх ухаж хийсэн ажлыг сүйтгэдэг явдлыг таслан зогсоогооч. төрийн мөнгийгхий дэмий үрсэн ийм ажил дулаан, цэвэр бохир усны шугам сүлжээ солих ажилд их байна шүү.

NewsMN Гар утасны хувилбар Татах
NEWS.mn

Мэдээллийн эх сурвалж