Ардчилсан намын даргын А/10 тоот тушаалын дагуу Онц их хуралдай (Эсэргүүцлийн цуглаан)-ыг ирэх сарын 5-нд Сүхбаатарын талбайд зохион байгуулахаар болжээ. Энэ сарын 26-нд зохион байгуулсан хэвлэлийн бага хурлын үеэр Онц их хуралдайг орон даяар зохион байгуулахаа Ардчилсан нам олон нийтэд мэдэгдсэн юм.

Монгол Улсын Ерөнхийлөгч болон эрх баригчдын хууль бус үйлдэл, ШХАБ-т элсэх асуудал, ЖДҮХС-ийн луйвар, 60 тэрбумын схем, төрийн эрхийг хууль бусаар гартаа оруулах оролдлого, үнийн өсөлт, татварын дарамт  зэрэг сүүлийн үед нийгэм, улс төрд үүсээд буй эмх замбараагүй байдлыг эсэргүүцэж Онц их хуралдайг зохион байгуулахаар болжээ.